إن لم يكن لك هدف في الحياة فاجعل لنفسك هدف حتى لا تكون كأن لم تكن
اخذت وعد ع روحي أن أنسى كلشي وابدي من الصفر وابعد عن اهلي كلهم لان اي
راحة ماشفت منهم
كلساع اباوع ع ايلاف غاطة بالنوم
ما اعرف الحياة شنو ضامة الي خير أو شر صعب أو سهل راح اوكف ع حيلي واعيل اختي او لا ما اعرف
طول الطريق افكر شنو راح يصير أو راح اعيش أو اموت
حسين لا تخافين كلشي راح ينحل
حنين صديت علية ورسمت ع شفتي ابتسامة الامل رغم اني مالي واهس اضحك
حنين أن شاء الله دومكم جاي تساعدوني ما اخاف لان فعلا هسة يلا حسيت عندي سند أو أحد يخاف علينا
حسين الحمدالله احنا موجودين وبعدين ام حيدر ما تقصر وياجن هي وصتني بيجن والله انت باعتبار بناتي راح اوكف الجن وكفة اب مو رجل غريب وهسة بس نوصل راح تحبن البنات وهبة هم
حنين هو رجال متوسط بالعمر يطلع بين ٣٠و٤٠
وحباب كلش مدرس رياضيات إعدادية
كيفت من كلامة حسيت بالأمان وان اهلي شما يسون ماراح يوصلون
وصلنا البيت اول مانزلنا فتحت باب السيارة
حسين تفضلي بوية لا تستحين من هسة البيت بيتج
لا تعتبرين نفسج غريبا
حنين اشكرا خوية
حسين لا كولين خوية كوليلي يابة هاي كلمة تسوى ابو الشكر
حنين والله كبر بعيني أن الله يحبني وهيج حط بطريقي الرجل وام حيدر
حسين يلا بوية دخلي بين ما اجيب بنيتي
فتح الباب واخذت ايلاف بحضنة
حسين يلا بوية كولي بسم الله الرحمن الرحيم وتوكلي ع الله ومن اليوم ابدي صفحة جديدا
ودخلي لبيت برجل اليمنى
حنين هزيت راسي يي
حنين سميت بسم الله وحطيت رجلي اليمنى بعتبة الباب
وتمنيت من الله أن يفتحهة بوجهي
دخلن جان وحدة تطلع من المطبخ شافتنة
وصاحت ع هبة
ريم هباوي تعالي شوفي منو اجة
حنين اول مرة اشوفة
هبة ها جاوي
شكد طولوا
طلعت من باب المطبخ
هبة هلا هلا يابو بيتي وبناتي
وين صرتوا خفت عليكم لا احد شافكم
حسين ع منو تخافين لا تخافين اني ذيب
الويهم إني
هبة بعد ابو علي الذيب
شلونكم البنيات
تقدمت علية وبوستني وحضنتني
هبة شلونج حبي اعرفج اني هبة من هسة تصيحلي يمة اني احب الجهال والبنات ومن هسة انت بناتي حالجن من حال ياسمين وفرح وعلي
