هضرتو لي قال ماستوعبتهاش ، مابغاتش تفهم ليا ، لي فهمت من هادشي كلو هو انني خرجت لتوي من علاقة حب فاشلة ، مشيت للدار وانا كانمسح دموعي ، سلمت علی مالين الدار و دخلت لبيتي ، كانسمع ماما كاتعيط
-ماما : صفاء! بنتي جاك واحد الطرد الصباح! نسيت ما قلتها اليك
-انا : (نازلة من الدروج) ماشفتيش شكون مصيفطو ؟
-ماما : لا ، هاهو محطوط فالصالون
مشيت للصالون دغيا ، هزيتو دخلت لبيتي ، حطيتو و الدموع باقي مابغاوش يحبسو من عينيا ، كانقلب على شي معلومة متعلقة بلي صيفطو مالقيت والو ! حليتو! سبرديلة رياضية ديال كرة القدم ، النمرة 38 قياس رجلي ، حطيتها كاتبان ليا ورقة وسط الطرد ، لقيت : " الذي من يبني فوق أنقاض قلبه المتظم لما ظالما راودة ، توني ذكية ! توقيع : 15"
هاد التوقيع ماغريبش عليا! اه والله حتا هو؟
تفكرتو! نهار شفت ياسين ، كنت جالسة فبيتي ما بيا ما عليا حتا وصلني ميساج فواتصاب ، النمرة كانت غريبة ، حليتو كانقرا : " النفسية محتاجة قهوة (15) "،
صيفطت للنمرة ميساج فيه علامات استفهام ، فاش خرجت من الواتساب و دخلت تاني لقيت النمرة و الميساج ممسوحين! جاتني عجب و جاب ليا الله بحال ايلا غي كاندعق ، و مع ذلك نسيت و
قلت اجي نيت غانخرج نشري شي كاس ديال القهوة ، و تماك فين شفت ياسين ، زعما يكون هو لي داير هادشي کامل! و لكن لا مايمكنش ، اصلا انا دابا فاش عرفت الحقيقة و رجعت السينية للور تفكرت تعابير وجهو فاش جيت و عنقتو كان مصدوم و باينة ماعارفنيش و عمرو شافني
غي انا الفرحة و السذاجة غطات ليا عينيا!
بقيت شحال كانشوف فديك السبرديلة ، هازة ديك الورقة فيدي ، شداتني البكية ، على زهري المكوز مع الحب ، فاش قريت حلم فديك الرسالة حسيت بحال شي حاجة سرفقاتني ، شنو ستافدت هاد السنوات كلهم ؟ "لااصفاء داكشي غير ديال الدراري" , "اويلي على الكورة بغيتي تشوهينا مع
العائلة كاع خوالك و عمامك ولادهم و بناتهم ها الطبيب ها المهندس و حنا بنتنا الوحيدة تخرج لينا كوايرية!", "نتي تبارك الله ذكية و زوينة و نقطك عالين بزاف فكلية الطب لي كاتقراي فيها" و لكن واش انا لي ختاريتها! ؟ لا ماشي انا! نتوما! شحال ديال المصطلحات تكناو عليا غي حيتاش كانبغي شي حاجة الناس ماداخلاش ليهم للراس صفاء عزري الدوار من صغرها و هي كاتخلي البنات و تمشي تلعب و الكورة مع ولاد الدرب ، llه و من بعد! انا كانبغيها علاش تخليت على حلمي باش نرضي الناس ؟ على اشنو تخلاو هوما على قبلي! احيانا يجب أن نفقد من نحبهم حتى نعيد
اكتشاف ذاتنا التي شغلناها باكتشافهم ذواتهم، هاد
الرسالة و هاد الصفعة لي تصفع قلبي وكضاتني و بينات ليا الطريق لي غانمشي فيه من اليوم!
-انا : (هازة تيليفوني) ألو ؟
عبد الصمد : عاش من شافك أعزري الدوار ههه ، لالة صفاء صافا ؟
- انا : الحمد لله ، عبدو بغيت نسولك
- عبد الصمد : وي مرحبا الله أودي
انا : العرض لي قدمتي ليا من شحال هادي باقي ؟
- عبد الصمد : (متعجب) زعما على ، أاا الفريق ديال
انا : وي هاداكشي ؟ مالك تدعقتي
-عبدو : جاتني عجب ، غيرتي قرارك
انا : وي غيرتو ، و انا موافقة !
-انا : ماشي سوقك فعائلتي! انا موافقة قلت ليك
-هو : دوزي عندي غدا مع الخمسة ديال الصباح ، ولكن تكوني ناضية ، باش نقادو الوراق و داكشي!
انا : اوكي ، باي
-عبدو : بونوي .
صافي وافقت! و لي بغات توقع توقع ، مابقا عندي
مانخسر و ماستافدت حتا حاجة من الناس ، حتا واحد ما يستاهل ، دابا بديت و ماغاديش نتراجع .
ضربة مقص ، كانت كافيا باش نتحول من صفاء البنت الزوينة لي شعرها طويل مصبوغ بالاسود و البنفسجي لي وانا ماعندهاش ميولات أنثوية 100% حسن من البنات الي مقابلين المراية 24 /24 ، لي كلشي كايقول عليها زوينة و لكن عزيزة عليها كورة ، داك المقص كان كافي باش يحولني من صفاء لانسان آخر ، ختاريت ليه اسم ، وانا عندي
معاه ذكريات خايبة و لكن هو الاسم لي بغيت ، من اليوم ماكايناش صفاء ، من اليوم كاين ياسين! جاتني فرصة حتال بين يديا ماغاديش نفرط فيها ، اه مستاعدة نفرط فشعري و انوثتي فماكياجي فكلشي ، باش نحقق حلمي. فقت فالصباح بكري ، شفت راسي فالمراية ، ههه زعما هادي انا ؟ صفاء ؟ ماكاتبان ليا حتا صفاء هنا! كايبان ليا غير
ياسين لاعب كرة القدم ، جمعت كاع الحوايج لي غايخصوني ، نزلت من الدروج كانتسلت ، بست ماما و بابا و عينيا مغرغرين ، خليت ليهم رسالة و خرجت ، " والدي العزيزين ، سأكون بخير ، سأعود عما قريب ، ستفتخران بي كثيرا ، سأحقق حلمي."
YOU ARE READING
قصة بعنوان خمسطاش _15...
Horrorخمسطاش ، واخا تقراوها بجميع اللغات ! غاتبقا بالنسبة ليكم مجرد عد د بسيط 😊ماعندو حتا أهمية👎🏻 ولكن رأيكم هذا غايتبدل نهائيا بعد قراءة هاد القصة😨😨😨😨 كتاشفو معايا كيفاش رقم بسيط يقدر يغير حياة انسان بكل معاييرها ، تابعو معايا قصتي الجديدة قصة مل...
