مشيت دخلت للدار واخافيا الخلعة ، المهم بغيت غير ننعس وصافي ، عطيتها للبكا جهلت! فاش کنت فدار بابا ماعمر شي ولد المرا حط عليا يديه حتا بابا عمرو ضربني! و دابا شبعت عصا ماكاينش شي قنت ماكايضرنیش ، عظامي كلهم کایضروني ديما حاکرین عليا ديما المضاربات ديما العصا علااش!
انا جيت باغا نلعب كورة ماشي المصارعة الحرة ،
تجننت بديت كانغوت و کانبكي لي بانت ليا كانضرب بيها هزيت واحد البلانشة و بقيت كانضربها مع الارض و كانبكي و كانغوت ، بغيت نخرج كاع السم لي فيا ، شوي كانشوف الارض
تشقات! سکت لیا القلب صافي طاح ليا الما فالركابي ويلي كيفاش الأرض واخا خشبية مايمكنش تشق بهاد السهولة ، شداتني الخلعة من صبعي الصغير حتال گنة راسي ، تحدرت
على رکابیا کانقيس فالخشب لي مصنوعة منو الارض تهرس ، جريتو كاتبان ليا طبقة ارضية اخرى! بيناتهم غي شي 20 سم أو اقل ديال الفراغ ، و الارضية الثانية مبنية بالزليج على حقها و
طريقها ماشي بحال الفوقانية غي خشب ، مسحت واحد القنت بإيدي من الغبرة كايبانو ليا بحال دوك اللعيبات ديال الارقام لي كايكونو فالباليزات ، خصك تدير الكود باش تحل ، مسحت الجهة الاخرى بيدي من الغبرة و بانت ليا واحد الكتبة كبييرة :
"لا يُسعَدُ بِهِم لِزَمَنٍ طويلٍ ، مَا إِنْ يُتِمَّهُم حتََّى يَفقِدَهُم مِن جَديدٍ ، مهْمَی بَذَلَ منْ مجهوداتٍ فَالسَّيفُ أهَّم مِنْه لاَ مَحَالَةَ ، ثمَّ يأْخُذُهُ هو بعدَ ذلكَ بقليلٍ ، لا مَفرَّ منَ السَّيفِ ، تَتِمُّ قِسْمَةُ عَدَدِهِم على اثْنَينِ بعدَ نقصِ ما جاءَ على نَفيسِ وزنِهِ"
هنا تفكرت الرسالة لي لقيتها فالصندوق مع الساروت :
"زلزالٌ بسيطٌ قذ يكشِفُ العالمَ الأخرَ! "
يعني انه ايلا ضربت فالارض غایتکتاشف العالم الاخر! يعني هاد العالم الاخر لي کایهضرو علیه کاین فهاد القبوا تحت الارض!!
ناري القضية كايبان ليا فيها الجنون ولا ماعرت شنو هادشي! اشداني لهادشي اللهم لعصا دیال عصام والا الجنون ، واخا هاكاك كانخاف ماكانحشم جلست حتا صورت اللغز عاد نضت فحالي كانجري ، حلیت باب الدار و خرجت ، الخلعة شاداني مالقيت فين غانمشي من غير النادي ، غاديا كانتمشا و فيا
الموت ديال الخلعة ، و مع اللباس لي لابسة اوووف و خصني نتسلت باش مايشوفنيش الكوتش ، يالاه دخلت مع الدريبة كانت خاااوية ، غادا و كانتمشا بزربة و قلبي غایسکت ، شويا کایبان ليا امین ، شفتو و انا نتني الطريق ، جا کایجري لعندي و
شدني!
-امین: یاسین عمرك تعاودها
- انا : بعد مني
-امین: فين كنتي اصاحبي خفت عليك بزاف!
- انا : خفتي عليا ! واش جاتك متلازمة ستوكهولم ولا شنو ؟ ياکما طلعات ليك السخانة كاين شي واحد كايخاف على عدوو
-امین : ياسين نتا ماشي عدووي ، مشاعري اتجاهك مخلطة بزاف و لكن متأكد 100% انك ماشي عدوي (كایقیس لیا وجهي) ولد الحرام شنو دار فيك!
- انا : (شداتني البكية) علاش كايدير ليا بحال هاكاك
-امین : (عنقني) صافي اصاحبي الله يحفظك يالاه بدل هاد الحالة و نتا بحال البنت و زید نداوي ليك هادشي من جروح لي فوجهك .
- انا : (كانتألم أييي أمين ضرني جنبي
-امین : (عنقني) صافي اصاحبي والله لا بقات فیه غیر بلاتي!
YOU ARE READING
قصة بعنوان خمسطاش _15...
Horrorخمسطاش ، واخا تقراوها بجميع اللغات ! غاتبقا بالنسبة ليكم مجرد عد د بسيط 😊ماعندو حتا أهمية👎🏻 ولكن رأيكم هذا غايتبدل نهائيا بعد قراءة هاد القصة😨😨😨😨 كتاشفو معايا كيفاش رقم بسيط يقدر يغير حياة انسان بكل معاييرها ، تابعو معايا قصتي الجديدة قصة مل...
