زي العصريه كدا عُدى جا داخل و مع إنو انا الفتحت ليهو الباب بس ما سلم علي ولا اتكلم معاي على طول دخل، ما اشتغلت بيهو ، كملت شغلي يلي هو كنت بحفر حفر للشتلات الجبتها جديده و بزرعها لما انتهيت قلت كدي امشي اشوف اذا مزن جهزت الغدا و مشت الفرن ولا لٱ ، اثناء ما انا ماشه المطبخ بالصدفه سمعت أمي بتقول لـ عُدى و هي شكلها بتبكي :
ليه يا ولدي نحنا قصرنا معاك في شنو؟ مها سمعتك كلام جاي ولا جاي؟ طيب أمسحو لي في وشي بس عليك الله ما تطلع مننا الطلعه الشينه دي
قال ليها:
لٱ أبداََ مها ما ليها علاقه و انا م̷ـــِْن البدايه كنت ح اعمل كدا بس انتي حلفتي إلا اقعد معاك لحدي ما بيتي يجهز و كدا كدا كان ح يجي الًيَوُمًِ الح امشي فيهو م̷ـــِْن البيت دا > أمي قالت ليهو بس بيتك لسه ما جِهز!
قال ليها ما فاضل فيهو كتير ، و بعدين المساااافه م̷ـــِْن شغلي و لـ الأزهري بعيده و ما ح اقدر أجي كل يوم عشان كدا أجرت لي بيت قريب م̷ـــِْن الشغل لحدي ما بيتي يجهز ...
حسيت بوخزه في قلبي لمن سمعت الكلام دا ، جيت ماره جنب المطبخ سمعت مزن بتغني قلت معناها ما مشت الفرن ، دخلت غرفتي شلت لي قروش و طلعت و خليت أمي و عُدى لسه بتكلموا ، لقيت "لينا "في وشي ، قالت لي بإبتسامه كدا قالت لي ليه لونك دا مخطوف؟
عاينت ليها مساااافه و قلت ليها ولا شي و اتحركت م̷ـــِْن جنبها ،، فتحت الباب و قبل ما اقفلو قلت ليها انا ماشه الفرن كلمي معاك أمي، هزيت لي راسها بمعنى حاضر ، أول ما طلعت الشارع دموعي جات نازله مسحتها و كملت طريقي لـحدي الفرن كان زحمه شديده و الصف طويل كنت آخر وحده ، مرت سَـآعــهْْ و اتنين و المغرب خلاص أذن و انا لسه واقفه أبداََ ما حسيت نفسي عايزا أرجع البيت على الأقل هنا لْـۆ دمعتي نزلت أو سرحت بعيد ماف زول ح يجي و يدخل و يقول لي مالك و يصر علي علشان أحكي ليهو، طلعت عشان ملامح وشي و احاسيسي تاخد راحتها و ما اضطر أمثل إني كويسه و ابتسم غصباََ عني ،، .
بعد وقفه طويله شلت العيش و طلعت ،، اثناء ما انا ماشه على البيت كدا عُدى طلع في وشي و كان زهجان قال لي بنهره كدا : كنتي وين؟
اكتفيت بإني ارفع ليهو كيس العيش و بس ، قال لي بضيق و صوت عالي ساعتين واقفه عشان العيش ؟ ليه ما كلمتيني ياخ صنم انا؟
قلت ليهو ببرود أولاََ قبل ما أطلع كلمت لينا و قلت ليها قولي لـ أمي انا ماشه الفرن ، ثانياََ فيها شنو يعني لْـۆ طلعت عشان أجيب عيش؟ الإشكاليه وين؟ انت ما صنم لكن ما دايم لينا كدا كدا كان ح يجي الًيَوُمًِ الح نعتمد فيهو على نفسنا و نلبي كل احتياجاتنا ...
بقي بعاين لي بعدم استوعاب كدا غمض عيونو و أخد نفس عميق بعديها قال لي امشي البيت قدامي ،، أول ما وصلت البيت لقيت الأسره الكريمه كلها واقفه جنب الباب، أمي قالت لي حييييا انا مـڼـڱ مشيتي وين انتي؟ عايزا تكتليني يا بت بعمايلك دي؟
قبل ما أرد عُدى قال ليها خشوا جوه يا خالتي ، أول ما دخلنا و قفلنا الباب قلت ليها انا يا أمي قبل ما أطلع قلت لـ لينا إني ح امشي الفرن و طلبت منـِْهـ♡̨̐ـِْا تكلمكم، لينا اتخلعت و قالت لي بإستغراب انا؟
قلت ليها بـ حيره كدا ايوه انتي انا مش گلّمّتگُ قبل ما أطلع؟ > قالت لي أبداََ يا مها ما كلمتيني والله و إلا كنت أكيد كلمت خالتي لْـۆ انك فعلاََ قلتي لي كدا...
طبعاََ كلهم بقوا يعاينوا لي و انا بقيت مصدومه في لينا! يا ربي نست ولا بتكذب!
قلت ليها بتكوني نسيتي، قالت لي لٱ والله ما نـًسّْيـت لأنك ما كلمتيني و انا اصلا كنت قاعده مع عُدى و خالتي بُهيثه في البرنده و نهاااي ما اتلاقيت معاك ، هدا عُدى و هدي خالتو بُهيثه اسأليهم اذا كنت معاهم أو لٱ
قلت ليها بإنفعال شديد:
بتكذبي ليه انتي؟ عايزا تثبتي شنو؟ كل مَـرّھٌ بتأكدي لي انك اسوأ انسانه انا عرفتها ، عينك عينك كدا بتكذبي؟ انا عارفه و انتي عارفه اني قبل ما أطلع گلّمّتگُ طيب بتستهبلي ليه؟
_ طيب يا مها لمن كلمتيني انا رديت عليك بشنو؟
قلت ليها بزهج ما رديتي بس هزيتي لي براسك
قالت لي و هي بتبكي :
_ ما رديت لأني اساساََ ما اتلاقيت معاك يا مها ليه بتكذبي و عايزا تطلعيني غلطانه عملت ليك شنو انا يا مها عشان تتعاملي معاي كدا و تحمليني مسؤولية العملتو و الما عملتو ، مها لْـۆ بتعملي كدا عشان وجودنا مضايقك فـ قريباََ ح نطلع ليك م̷ـــِْن بيتكم و كلو عشان انتي ترتاحي و مهما اتعاملتي معاي بقساوه ما ح تلقي مني إلا اللين و المعامله الطيبه ، و مع ذلك ما ح اشيل في خاطري مـڼـڱ، انا الشينه مستحيل تطلع مني ..
قالت كلامها دا و مشت خلتنا كلنا واقفين و كلهم بعاينوا لي بضيق! و انا مصدومه و مندهشه و مستغربه في التمثيل بتاعها دا! دي لينا؟!
أمي قالت لي بضيق: انا فترت مـڼـڱ عديل ،، بعد قولها دا مشت تلحق لينا و وراهم طوالي مزن و مزدلفه
_ مع إني بعرفك شديد و بعرف اسوأ الصفات فْيَگ بس كونك تكذبي و بكل دم بارد فـ دي جديده والله
أبداََ ما اتفاجأت بكلامو دا ، قلت ليهو و اكذب ليه؟
_ اكذب ليه دي انتي براك العارفه الجواب ليها، بس خير يا زوله اصلا الناس دي كلها قرفت مـڼـڱ و م̷ـــِْن تعاملك الزفت بس الصادمني انو البتتعاملي معاها زي الزفت دي صحبتك و البتسمعيها كلام زي السم طالعه و داخله دي صحبتك، يعني انتي الناس ديل كلهم عندك مستواهم واحد !؟
قلت ليهو ڼـعمًـْ؟
انا بسمعها كلام زي السم طالعه و داخله؟ القال ليك كدا منو؟
_ ما مهم القال لي منو و اصلاََ انا متوقع مـڼـڱ حاجه زي دي و ماف شي جديد
