على لسان الكاتبه :
الشرطه ساقوا مها و مزدلفه للقسم و على طول دخلوهم في الحبس الفي القسم لحدي ما ياخدوا اقوالهم وراهم طوالي جات بُهيثه و مزن و بقت تجوط معاهم و قالت ليهم كيف تقفلوهم في السجن م̷ـــِْن غير ما تتأكدوا قايلننا اغبياء و ما فاهمين حاجه؟ كدي بس قولوا لي بناتي عملاََ شنو عشان تحبسوهم؟ العساكر ما ردوا عليها و ماف زول اشتغل بيها خلوها تجوط كدا و كل واحد فيهم مشى على شغلو ، بُهيثه شالت تلفونها و اتصلت على عُدى تاني بس ما رد و رسل ليها رساله محتواها: (حالياََ مٍشًغوٍلً يا خالتي ما بقدر أجي ) بُهيثه قرت الرساله مرتين عشان تستوعب إنو دا عُدى الكتب ليها كدا ، بعدها قعدت تبكي و ما عرفت تعمل شنو مزن شالت منـِْهـ♡̨̐ـِْا التلفون و اتصلت على خالها وضاح البرا السودان و كلمتو قال ليها طيب ح اتصرف، بعديها طوالي اتصلت على خالتها ميسون بس اتفاجأت إنها في البلد و أولادها كلهم مشوا الدهب ، مزن و أمها بقوا قاعدين و منتظرين تلفون م̷ـــِْن خالهم وضاح أو يجيهم زول م̷ـــِْن طرفو بس ما حصل، و مروا ساعتين و ماف شي جديد، بعد شويه جاهم منصور أبو عُدى سلم عليهم و مشى على العساكر أول شي شاكلهم و جاط فيهم ، عاين يمينو و مشى للعسكري يلي الكان على راسهم لما جوا لـ بيت ناس مها قال ليهو ليه بنبره حاده ليه ألقيت القبض عليهم يا ميسره؟ و وينو أمر القبض؟ قال ليك الشغله دي ساي؟
ميسره ساق منصور على جنب و قال ليهو بإستغراب كدا انت بتعرف الناس ديل؟ منصور قال ليهو بنبره حاده ايوه ديل قرايبي ، البنات الحابسهم ديل بنات حماتي فهمت؟!
ميسره قال ليهو بـ حيره غريبه لأنو اختك هي الطلبت مني امشي و ألقي القبض عليهم كـ تصفية حسابات معاهم ،، منصور قال ليهو فضيله العملت كدا؟ ميسره قال ليهو ايوه دي الخاله فضيله
قال ليهم ټمـٱمـ هسي سريع طلعهم لي م̷ـــِْن السجن و تاني اوووعك تقرب م̷ـــِْن بيتهم أو تحاول تعترضهم حتى و لْـۆ فضيله الطلبت مـڼـڱ كدا، ميسره قال ليهو ټمـٱمـ و مشى طلعهم م̷ـــِْن السجن و رجعهم البيت، بُهيثه قالت ليهو ما عارفه اقول ليك شنو يا منصور غير ربنا يرضى عليك و يوفقك و يفتحها عليك محل ما تقبل، قال ليها العفو ياخ دا الواجب و معليش كمان على التقصير و •اللّـہ̣̥ ما عرفت إلا لمن اخوك وضاح اتصل علي و كلمني، يخسي عليكم والله ليه ما اتصلتوا علي؟ معقوله مكالمتك تمشي برا السودان و تصل لحدي اخوك و انا القريب هنا مسكول ساي ما بتعملوهو لي؟ طيب على الأقل كان تتصلوا على عُدى، ما قاعد يجيكم ولا شنو؟ بُهيثه قالت ليهو لٱ لٱ قاعد يجي لَـگِنْ نحنا ذاتنا اتفاجأنا و م̷ـــِْن الخلعه الفينا ما عرفنا نعمل شنو و نتصل على منو والله بس كدا خطر على بالي وضاح أخوي ، قال ليها طيب تاني اذا احتجتوا لأي حاجه اتصلوا علي و قبل ما أطلع عايزا اعرف الحصل شنو؟ فضيله عملت شنو؟
مزدلفه ما اترددت و طوالي حكت ليهو، قال ليها خلاص انا ح اتفاهم معاها و الحصل دا ما ح يتكرر تاني، منصور ودعهم و طلع و مزدلفه بدت تنبذ في فضيله و قالت خساااارة الإسم فيها و أصلي ما عافيه ليها، أمها قالت ليها المره الفقر دي عملتي ليها شنو انا مش حذرتك منـِْهـ♡̨̐ـِْا؟
مزدلفه قالت ليها ما عملت حاجه غير اني حذرت الضحيه الجديده منـِْهـ♡̨̐ـِْا و م̷ـــِْن ولدها الخايب يا أمي البت مسكينه و أهلها كانوا عايزين يعرسوها لـ حذيفه و انا لمن عرفت ما اترددت و طوالي حكيت ليهم قصتي، و هم طلعوا ناااااس بتفهم و بتهم بتهمهم عشان كدا ألغوا فكرة العرس دا م̷ـــِْن الأساس و اصلاََ فضيله كانت حتعرسها لـ ولدها عشان أهلها مرطبين و عشان تثبت للناس انو حذيفه زول كويس و الإشكاليه كانت فيني انا و عشان تثبت لي انها ممكن تعرس لـ ولدها 100 وحده احسن مني ، المهم الكلام القلتو ليهم الناس اتناقلتوا بيناتهم لحدي ما وصل ليها و جات عشان تفش غبينتها، بُهيثه قالت ليها غيتو انتي ذاتك ما عندك موضوع عليك الله مالك و مال بنات الناس! و كمان دي بت منو دي الكانوا ح يعرسوها لـ حذيفه؟
_ دي بت الرشيد الجوا قبل فتره م̷ـــِْن الإمارات ، مزن قالت ليهم عشان كدا فضيله جرت ليهم سبحان الله المره دي جنها و جن القروش طمااااعه خلاص بس السؤال المحيرني اذا هي بتحب القروش و الناس المغتربه ليه عرستك م̷ـــِْن البدايه رضت و عرستك لـ ولدها؟
مزدلفه : بري م̷ـــِْن البدايه ما كانت راضيه بس هي في حاجتين بتحبهم في الدنيا دي حذيفه ولدها و القروش دا كان قال ليها جيبي لي النجوم بتجيبهم ليهو طووويل و عرررريض و خايب و لسه بتدلع فيهو ، مزن قالت ليها ياااخ خليهم حريقه فيهم و كويس انك يا مها ضربتيها تستااااهل الكلبه ، مزدلفه عاينت لـ أمها و قالت لي صحي ليه ما اتصلتي على عُدى؟
مزن: اتصلت عليهو بس ما رد و في الآخر رسل ليها رساله بقول فيها انو مٍشًغوٍلً و ما ح يقدر يجي اتخيلي بس دا عُدى! !
مزدلفه: ما بصدق والله > معقوله! عُدى؟
مها: ما عارفه ليه انتوا مصدومين كدا ياخ عُدى دا كفااااهو تعباناهو معانا و هو ما مجبور في كل مَـرّھٌ يقعد يحل لينا مشاكلنا ، ما مجبور م̷ـــِْن أول اتصال يجينا جاري، م̷ـــِْن الًيَوُمًِ مشاكلنا ح نحلها برااانا م̷ـــِْن دون ما نزعج زول
بُهيثه: والله انا ذاتي مصدومه فيهو لَـگِنْ خلاني احسن بالذنب و تأنيب الضمير شكلو فتر م̷ـــِْن مشاكلنا الكتيره و ليهو حق طبعاََ عشان كدا قبيل لمن كلمتو سمعني لَـگِنْ ما رد علي بحاجه و انا عشان مستعجله قفلت الخط بس ما كنت قايلاهو اضايق و الموضوع ما عجبو
مها: المهم يا أمي تاني ما تزعجيه و خليهو في حالو
