صدفة.

البارت التاسع

روايه«صدفه»
البارت"التاسع"
يوم جديده وهنكد عليكو اصبرو بس
********************
ماليكا بزعيق: يعني اي ،انت متجوز اصلاا وبتطلب مني اتجوزك انت مجنون،انا مش عاوزه اعرفك تاني ولا المحك حتي في حياتي ومش جايه الشركه تاني وطلعت تجري علي بره وهي بتعيط
سليم بجمود: انت ايه جابك تاني
نرمين بخبث: الل جابني اني عرفت وانا ف امريكا انو حضرتك هتتجوز عليا انت بتهزر يسليم عاوز تتجوز وانا علي زمتك
سليم: انتي عارفه كويس اوي سبب جوازنا وعارفه بردو اني عمري ما هحبك وعمري ما هعتبرك زوجه ليا وان جوازنا كان شغل مش اكتر وانك اصلا عايشه لنفسك اتفضلي يلاا عشان لو فضلتي هنا ثانيه كمان انا ممكن اقتلك
نرمين : تمام، بس انا مش هرجع امريكا غير لما اتأكد انك فعلا البنت دي اتمسحت من حياتك انا عارفه الاشكال دي بتعمل كده عشان فلوسك بس و...
سليم بمقاطعه: نرمييين احترمي نفسك ومتتكلميش عليها كده عشان انا وانتي عارفين مين الل معايا عشان فلوسي ويلاا غوري من وشي
نرمين مشيت بسرعه عشان اتعصب،سليم قاعد بيفكر هيعمل ايه مع ماليكا وهيفهما ازاي وقرر يسبها شويه مع نفسها وبعدها هيكلمها
****************
عند ماليكا طلعت تجري وهي بتعيط بقهره تاني مره تتكسر كفايه تعب الدنيا بتيجي عليها كل يوم اكتر من الل قبله كفايه تعب نفسي كل الل بتحبهم بيمشو ويسبوها تواجه التعب لوحدها معقوله كلها اختيارتها غلط ،مش معقول كفايه تعب، طلبت اوبر وجه وصلها البيت قعدت طول الليل تحاول تنسي الل حصل وتشغل نفسها بمذاكرتها، واما خلصت حاولت تنام واستسلمت للتفكير والدموع مره تانيه
******************
عند سليم روح وقعد طول الليل يحاول ينام وميفكرش بس ضميره فضل يعذه انه مقالهاش من الاول بدل كل دا ف الاخر استسلم للنوم
*********************
عند ماليكا حاولت تنام معرفتش قامت فتحت المذكرات وكتبت(متثقوش ف حد ...دي نصيحه مني الكل هيغدر بيكم محدش كويس انت بس الل كويس عيش لوحدك بطولك فحياتك متدخلش حد فيها عشان هتخسر لو حبيت،انا جربت الحب مرتين، مره اتخذلت واتكسرت،والتانيه هه طلع متجوز وعرفت وهي بيطلب مني الجواز وبيعترفلي بحبه ،قد ايه استحقرته ونزل من نظري جامد،شعور انه في سكاكين بتقطع قلبي شعور الخذلان لتاني مره،اظهار اني نسيت طعمه ووالدنيا قالت تفكرني بيه مره تانيه،يارب انت وحدك الل حاسس بيا،خليك معايا انا اتخذلت من اقرب الناس ليا،اتخذلت من الل عشقته،اتخذلت....،انا عاوزه بس اقول اني مش عارفه اكرهه يعني بعد كل الل عمله مش قادره اكره قلبي لسه بيحبه،شيل حبه من قلبي ياااااارب،عشان انا تعبتت) بعنوان الخذلان وقفلت المذاكره وحاولت تنام عشان امتحانها،واستسلمت للنوم ف الاخر
********************
في الجامعه
ماليكا وهاجر خلصو الامتحان
هاجر: ياا اخيرا بقا دي كانت اوحش ماده خلاص كده فاضل يعني بتاع اربع امتحانات كده بس مش بصعوبه ماده انهارده
ماليكا بتوهان: هاا اهه صح عندك حق
هاجر: مالك يماليكا،شكلك تعبان ومرهق كل دا عشان الحيوان الل اسمو عز دا
ماليكا: لاء ،مفيش حاجه انا بس منمتش كويس عشان كنت بذاكر وكده
هاجر  بشك: عالعموم انا هعرف يلا بقا انا قاعده معاكي انهارده اليوم كله
وراحو بيت ماليكا
*****************
في الشركه
سليم: منال هاتي الملفات الل هتتمضي من عند ماليكا وتعالي
منال بستغراب: حاضر يفندم
سليم خلص الورق وادهالها
وقال: فضي مكتب ماليكا وكل الملفات بتاعتها خديها اشتغليهم وانا يومين بالكتير وهجيب حد مكانها
منال بفضول: تمام يفندم بس ممكن سؤال
سليم: ماليكا خلاص سابت الشغل عشان امتحاناتها يلا اتفضلي
منال: تمام
********************
مجهول1:ها عملت اي
مجهول2:سابت الشغل معاه خلاص وهو فضي مكتبها وهيجيب حد جديد
مجهول1:حلو اوي استمر ع كده وهبعتلك الحلاوه
مجهول2:تسلم يباشا عنياا
*******************
عند ماليكا
هاجر: ها عز دا عمل اي ولا اي الل حصل
ماليكا حكتلها من ساعة مقابلتها معاه ف الشغل لحد اما ضربته بالقلم ومشيت ومتكلمتش علي سليم خالص
هاجر: تفتكري هو بجد عمل الصفقه مع سليم عشان عارف انك بتشتغلي هناك
ماليكا: معتقدش الصراحه دا شغل يعني
هاجر: يمكن
ماليكا: وحتي لو عمل الصفقه عشاني فحلاص مش هيشوفني تاني سبتله الشركه باللي فيهاا
هاجر: ايه بتهزري سيبتي الشركه ليه يهبله لو عشانه فبجد يماليكا...
ماليكا بمقاطعه: مش عشانه عشاني مش هعرف اشتغل وانا بدرس ضغط اوي يهاجر
هاجر: طب بقولك اي انتي رديتي علي سليم
ماليكا: قفلي علي الموضوع دا يهاجر،مش عاوزه اتكلم
هاجر: لاء انا لازم افهم بقا
ماليكا: مفيش حاجه محصلش نصيب وخلاص
هاجر: طب طب تعالي ننزل نخرج  انا زهقت اووي
ماليكا: مليش نفس خالص الصراحه يهاجر انزلي انتي
هاجر: لاء هننزل احنا الاتنين نروح المول ونشتري هدوم وميكاب ونتغدا برا ونلف شويه عشان خاطري يلاا يمالوكتي بقا
ماليكا وهي داخله الاوضه: ما انا عارفه مش هتسبيني فحالي انهارده هروح البس
هاجر: يس يلاا بسرعهه
ماليكا بضحك: حاضر يهبله
********************
في فيلاه سليم
نرمين: مريومه عامله اي يقمرايه
مريم بخنق: تمام ينرمين سمعت من الداده انك جيتي من امبارح حمدالله علي سلامتك بس اي المفاجأه دي
نرمين: اي رائيك قولت انزل مصر بقا كفايه غربه مصر وحشتني اوي
مريم: اهه طب يلاا اينچوي بقا انا طالعه اوضتي
نرمين: لاء استني بس
مريم: نعم
نرمين: تعالي نروح المول
مريم: لاء ينرمين مش قادره اخرج روحي انتي انا طالعه
نرمين: عشان خاطري يمريومه تعالي معايا عشان خاطري
مريم: لاء
نرمين: عشان خاطري عاوزه اعمل شوبينج واخرج شويه بدل الخنقه ومعرفش المحلات هنا اوي تعالي معايا بليز
مريم بزهق: خلاص خلاص بطلي زن يلا هروح معاكي
*********************
في المول
ماليكا: يهاجر كفايه تنطيط في المحلات انا تعبت يلا نروح نقعد في كافيه وبعدها نكمل
هاجر: طيب يلاا انا عارفه كافيه حلو اوي هنا
مريم: كفايه كده انتي جبتي هدوم لسنه قدام
نرمين : خلاص نروح نقعد ف كافيه وبعدها نجيب الميكاب ونتغدا ونروح تمام كده
مريم بتعب: تمام يلاا
هاجر: ماليكا مش هتقوليلي بقا ايه الل حصل مع سليم
ماليكا: خلاص يهاجر قولت مفيش نصيب
مريم اول ما شافت ماليكا راحت تسلم عليها بسرعه
مريم: لوكه وحشتيني اوي بقالي كتير مش باجي الشركه ومش بشوفك
ماليكا بحب: وانتي وحشتيني اكتر يمريومه والله عامله اي ف امتحاناتك
مريم: الحمدلله تمام ،سوري مخدتش بالي دي صحبتك
ماليكا: اه دي هاجر صحبتي ،ودي مريم يهاجر اخت سليم
هاجر بصت لماليكا باستغراب وسلمت علي مريم: اه ازيك يمريم
مريم: انا تمام وانتي
هاجر: انا....
نرمين بمقاطعه: اي يمريم سيباني و واقفه مع مين وبعدين بصت لماليكا بصدمه وخبث: اهه دي ماليكا سكرتيره سلي...
ماليكا بمقاطعه: سابقا يمدام نرمين ،انا مبقتش سكرتيره حد
مريم بصدمه: ايه دا انتوا تعرفو بعض
نرمين بخبث: طبعا دي ماليكا دي صحبتي
ماليكا: مظنش يمدام اني ابقا صحبتك حضرتك بالنسبالي مرات مديري القديم،بعد اذنك يمريم عشان لازم اروح
مريم: اه اكيد اتفضلي
ماليكا شدت هاجر الل مصدومه من الل بيحصل وخرجو بره الكافيه
هاجر: ايه الل انا سمعته دا
ماليكا: يلا نروح دلوقت وهفهمك في البيت
هاجر: تمام نجيب اكل عقبال ما الاوبر يوصل وناكل في البيت
ماليكا: تمام
وروحوا البيت
هاجر: احكيلي يلاا
ماليكا حكيتلها من ساعه ما سليم خدها معاه القاعه لحد ما جت نرمين
هاجر: الحيوان الندل الحقير ازاي يعمل كده
ماليكا: ميهمنيش، يلا نقوم نذاكر الماده الجايه وننام عشان عاوزه انام
هاجر :تمام
****************
في الڤيلاه
عالغدا الكل متجمع
مريم: صحيح ينرمين انتي تعرفي ماليكا منين
نرمين: شوفتها امبارح لما سليم كانت بيطلب منها الجواز وقولتلها الحقيقه وهي مشيت وعرفت انها سكرتيره سليم
مريم بصدمه: نعم!سليم انت طلبت من ماليكا الجواز؟
سليم: انتوا شوفتو ماليكا فين؟!
مريم: كنا بنعنل شوبينج في المول وشوفناها
نرمين: متقلقش انا معملتلهاش حاجه
سليم: عشان متقدريش،ولو عملتي مش هرحمك ينرمين، انتي عارفه كويس اوي،اني مبهزرش فكلامي
نرمين بعصبيه: هو كل دا ليه انت بتحبها اوي كده ليه هي عملت عشان تحبها اوي كده ،دي معملتش نص الل عملته عشانك حرام عليك
سليم: انتي عارفه كويس اوي ان اي حاجه عملتيها عشاني كانت لمصلحتك انتي عاوزاني عشان فلوسي ،اما هي بتحبني بجد
نرمين: طب انا هوريك انها مش بتحبك ويوم ولا اتنين وهتلقيها بتحب واحد تاني ومش بعيد يتجوزو كمان
سليم بعصبيه: الزمي حدودك في الكلام عشان معرفكيش مقامك والكل قام بدون كلام دخل اوضته
*********************
بعد مرور شهر،ماليكا مشافتش فيه سليم وخلصت امتحانات وسليم بيراقبها من بعيد لبعيد وخايف يواجها
*******************
ماليكا راحت تشتري حاجات للبيت مع هاجر
هاجر: يا يعبد الصمد هو كل دا عشان ترم واحد في السنه لاء دا الواحد غلطان انه دخل طب
ماليكا بضحك: يبنتي هو احنا لحقنا دا انتي فرهوده اوي
هاجر: لاء انتي الل دحيحه بس مش اكتر
ماليكا بضحك: الله واكبر يخربيتك هموت
وقعدو يضحكو ويشترو مستلزمات البيت و هما مستين الاوبر شافو عز جاي عليهم
هاجر: بت يماليكا مش دا عز
ماليكا: اه هو
عز: ازيكم يبنات
هاجر: تمام انت عامل اي
عز: تمام،اي يماليكا عملتي اي في امتحاناتك
ماليكا: ميخصكش وبعد اذنك عشان مستعجلين والاوبر وصل
ملحقش يتكلم واتنرفز من معاملتها معاه
هاجر: يلهوي عالضحك بس والله يستاهل دا كان هينفجر من الغيظ
ماليكا بضحك: احسن اهو ينفجر ويخلصنا منه
هاجر: ناويه تعمل بردو الل فدماغك
ماليكا: اه يهاجر مش هرتاح غير لما اقابله
هاجر: طيب براحتك
********************
في الشركه
منال بصدمه: ماليكا
ماليكا: عامله اي يمنال وحشتيني
منال : تمام كويسه بس انتي جايه ليه بعد الل حصل
ماليكا: عاوزه اتكلم مع سليم شويه بس هو فاضي
منال : اه فاضي ثانيه واحده
منال: سليم بيه في حد عاوز يقابل حضرتك
سليم :مين
ماليكا: انا
سليم بصدمه: ماليكااا؟!
____________________
Stop🖐️
تفتكر عز ناوي علي اي؟
تفتكرو ماليكا راحت لسليم ليه؟
نرمين هتعمل ايه لماليكا؟
مين المجهولين؟
دوسو علي زر التصويت للرواية🥺
انتظروا البارت الجاي💃🏻
بحبكم🥰
رأيكم في كومنت يهمني😊
الكاتبه: rawan samir