********************
ماليكا بتوتر:اصل مروان يبقا ابن خالتو الوحيده زي ما قولتلك
سليم:اه،عارف
ماليكا بتوتر:وكان مسافر ولسه راجع...وووكان عاوز يتعرف عليك جدا علي فكره
مروان بضحك عليها:اه،طبعا،من كلام ماليكا عليك،شوقتني جدا،اني اقابلك
سليم بهمس:حسابك معايا بعدين، وبص لمروان وقال:احم،وانا اتشرفت جدا بمعرفتك طبعا،اول مره اعرف ان ماليكا ليها قرايب
مروان:اه،اصل ماليكا مبتحبش تختلط بناس كتير،يعني مكانتش في بنها وبين العيله ود اوي يعني
سليم:اه
ماليكا:طب هنفضل واقفين كده اقعدو
سليم بجديه:لاء،انا عندي شغل هنا فلازم امشي،بعد اذنكم،اشوفك مره تانيه،ونتكلم اكتر،يامروان
مروان:اكيد،اتفضل
ماليكا:باي،يحبيبي
سليم بهمس:حبيبي هنا،هانت وهشوف الموضوع دا بنفسي،ماليكا،خمس دقايق ومش عايز اشوفك في الكافيه،عشان ساعتها مش هيحصل طيب
ماليكا:طب اعمل ايه والله قعد يزن عليا وهو ابن خالتي كمان،مش مشكله يعني،دا زي اخويا والله يسليم
سليم:اخوكي ابوكي ،انا راجل صعيدي وبغير علي اهل بيتي،ولو مامشتيش مش هيحصل طيب،اتفضلي،ومشي
ماليكابغصب:احم،اقعد،يمارو مالك واقف كده
مروان:في حاجه مالك شكلك مدايقه
ماليكا:ها،لاء مفيش انا بس تعبانه شويه،تقريبا جالي برد،اصل انت عارف تغير الفصول دايما بتعب،والشتا خلاص داخل
مروان:اه،سلامتك الف سلامه،طب تعالي اوصلك البيت تستريحي
ماليكا:توصلني ايه،لاء انا هروح لوحدي ،قولتك جبت عربيه يبني
مروان:اه، معلش نسيت،خلاص الخروجه دي كده متأجله
ماليكا:اه،خليها مره تانيه مع سليم،وهاجر ومحمود،ومريم وخالد
مروان:انا فاتني كتير اوي مين دول
ماليكا:هتتعرف عليهم اكيد قريب
مروان:ان شاء الله
ماليكا:مريم تبقا اخت سليم ومخطوبه لخالد صاحب سليم وشريكه ف الشغل
مروان:اه
ماليكا:ومحمود يبقا خطيب هاجر
مروان بصدمه:هي هاجر اتخطبت
ماليكا:اه،اتخطبت لمحمود،بيحبها اوي،وعايشين قصة حب انما ايه حكايه
مروان:ربنا يخليهم لبعض
ماليكا:يارب،همشي انا بقا عشان تعبت
مروان:تمام،يلاا
********************
عز:مروان محمد الشرقاوي،ابن خالة ماليكا،كان مسافر امريكا من خمس سنين عشان يكون نفسه قبل ما يسافر كان اقرب حد لماليكا وكانو اقرب من الاخوات لبعض وكان بيهتم بيها وبيحبها وبيعوضها عن الوحده الل كانت فيها،وبعدها سافر امريكا ولسه راجع السنه دي،المدير بتاعه مكنش موافق علي كلب نقله،ومع اصرار مروان وافق
نرمين:حلو اوي الكلام دا
عز:مفيش اي حاجه مفيده،ايه هو الحلو بقا!
نرمين:سليم مبيحبش حد يقرب من ماليكا،ومروان متعود انه قريب منها،دايما،نقدر نستفاد بالنقطه دي كتير اوي
عز:ايوه،بس ازاي
نرمين:ازاي دي سيبها عليا انا
عز:تمام
**********************
ماليكا في العربيه.
ماليكا:حسبي الله ونعم الوكيل فيكي يهاجر
هاجر بضحك:وانا مالي يالمبي
ماليكا:كل دا بسببك،قعدت اقولك هيعرف،تقوليلي هيعرف منين يعني،روحي روحي يماليكا مفهاش حاجه،واهو كنت شبه الفار المبلول قدامه،ومش عارفه حتي اتكلم اقول ايه
هاجر بضحك:بجد ايه الضحك دا،انتي قتلتيني ضحك
ماليكا:حسبي الله فيكي يشيخه والله
هاجر:خلاص بقا يلوكا
ماليكا:اه ما انتي مشوفتنيش ومروان ميت ضحك عليا
هاجر بضحك:قلبك ابيض بقا خلاص
ماليكا:اشطتا،هتيجي انهارده ولا ايه
هاجر:لسه مش عارفه
ماليكا:تعالي،تعالي ندلع نفسنا شويه قبل ما الدراسه تبدأ
هاجر:متفكرنيش دا انا هعيط والله
ماليكا بضحك:لسه من يومين كنتي بتقولي،اخيرااا خدنا الاجازه،اهي خلصت
هاجر:والله الل فارق معايا،امي مش هتخليني انزل مع محمود كتير،عشان قال ايه دراستي،بفهمها انه دكتور وممكن يشرحلي،هي مش مصدقه
ماليكا بضحك:يشرحلك اه استعبطي بقا
هاجر:دايما فاهماني كده
ماليكا:المهم،قومي البسي انا خلاص قربت عالبيت،وهعزمك علي ماك كمان
هاجر بضحك:الحج ضاحي بيضحي،وهيعزمني علي ماك يولاد
ماليكا:هغير رأيي والله
هاجر:خلاص خلاص،اسفين جدا،انا جايه بسرعه اهو
ماليكا:مستنياكي
******************
في بيت ماليكا
فتحت الباب ودخلت،ورمت المفاتيح والشنطه علي الترابيزه وهي مش مركزه ومددت عالكنبه وغمضت عنيها، وبدأ يجي في دماغ لقطات ليها في اماكن كتير وهي مع سليم وهي بتضحك وهي بتعيط وهي لوحدها وهي بتكتب وفاقت مره واحده كأنها كانت بتحلم،وفاقت مخدوده وقعدت تتنفس بصعوبه ومره واحده اغمي عليها
******************
محمود:ايه يهاجر فينك
هاجر:رايحه لماليكا
محمود:انا اسف
هاجر:عادي ولا يهمك
محمود:والله انا مشغول وفعلاا نسيت
هاجر: عارفه ومقدره ده يمحمود
محمود:اوعدك هعوضك يوم تاني
هاجر:ان شاء الله
محمود:سلام
هاجر:سلام
****************★
سليم راح لماليكا،عشان حوار مروان وكان متغاظ منها،وقعد يخبط كتير ومحدش بيفتح،قلق عليها واتصل بيها كتير وموبيلها سامعه جوا بيرن،اتصل بهاجر يسألها
سليم بقلق:الو،هاجر،ازيك
هاجر:تمام،وانت
سليم:هي ماليكا معاكي؟
هاجر:لاء،انا كنت جايلها، خلاص علي باب العماره عندها،ليه في حاجه
سليم بتوتر:كلمتيها اخر مره امتا
هاجر:من حوالي نص ساعه،وكانت في البيت خلاص
سليم:انا قدام الباب بقالي ساعه بخبط،ومبتفتحش وموبيلها بيرن جوا
هاجر:كانت وصلت في الاسانسير وجت وقفت قدامه وقفلت التليفون
هاجر:ممكن تبقا في الحمام او نامت
سليم:معكيش مفتاح الشقه
هاجر:لاء،معايا،ثانيه كده،وقعدت تدور علي المفتاح ولقيته وقالتله:اهو لقيته وسع كده،وفتحت الباب
دخلو من الباب ومفيش اي حاجه،ودخلو الاوض مش موجوده وهاجر راحت تشوف الصاله لقيت ماليكا واقعه علي الارض
هاجر بصويت:ماليكااااااااا
سليم جري بسرعه،عالصاله يشوف في ايه لاقاها مغمي عليها شالها بسرعه ودخلها الاوضه ونيمها عالسرير وطلب لها دكتوره
هاجر:سليم،انا قلقانه عليها، هو ايه الل حصل، انا كنت لسه بكلمها من شويه، وكانت كويسه
سليم بتوتر:اهدي،ان شاء الله خير
هاجر بقلق:هي الدكتوره اتأخرت ليه انا كنت بقول الاحسن نروح مستشفي
سليم:لاء، المستشفي في اجراءات وصداع كده احسن وان شاءالله مفيش حاجه خطيره
الباب خبط،هاجر جريت تفتح لقيت الدكتوره
هاجر بقلق:اتفضلي،هي جوه، اغمي عليها فجأه مش فاهمه ليه
الدكتور:ان شاء الله خير اهدي،ودخلت لماليكا وسليم وهاجر قاعدين بره وقلقانين بعد شويه خرجت
سليم:ايه سبب الاغماء
الدكتور:متقلقوش دي حاجه طبيعيه جدا،اغماء بسبب ضيق في التنفس، هي عندها مرض مزمن؟
هاجر بتوتر:ااا...اه عندها القلب
الدكتوره:هي كانت مريضه ربو قبل كده
هاجر:اه،بس خفيت من زمان، ومبقتش بتمشي ببخاخه خالص
الدكتوره:لازم ترجع تمشي ببخاخه بعد كده،عشان ممكن فمره لقدرالله تدخل فغيبوبه او....،عالعموم هي مش بتتغذا كويس اهم حاجه تهتم بأكلها وبصحتها كده،وهنحتاج نعمل شويه تحاليل عشان نتأكد انها كويسه بنسبه ميه في الميه،هي كمان شويه هتفوق اتفضل،وادت سليم الروشته وخرجت عشان تمشي
سليم:هو انتي متأكده مفيش حاجه خطيره
الدكتوره:متقلقش يا استاذ سليم ،كله هيبقا تمام،انا بس طلبت تحاليل عشان اتأكد انه مفيش حاجه تانيه هي الل سببت الاغماء
سليم:تمام،شكرا اوي يدكتوره
*****************
في الڤيلاه
خالد:داده فاطمه،هي مريم كويسه
فاطمه:اه ،الحمدلله هي زي الفل
خالد:اصل كلمتها الصبح وقالتلي انها تعبانه وانا قلقان عليها
فاطمه بضحك:دا دلع بنات،اسألني انا ،هي بتدلع شويه عشان تشوفك هتخاف عليها ولا لاء،لكن هي اصلاا عندها شويه برد وخدت دوا،بكره تبقا زي الفل
خالد:بجد
فاطمه:اه،امال انت فاكر ايه
خالد:اصل صوتها كان تعبان
فاطمه:عشان الدراسه جايه وهي بتبقا مضغوطه فيها بس
خالد:اه ممكن ،طب هي صاحيه
فاطمه:اه
خالد:طب ممكن اطلعلها
فاطمه:تطلع اوضتها،دا اسمو كلام برضو يخالد،اقعد وانا هندهالك
خالد بهمس:لو متفقه مع سليم عليا مش هتعملو كده
فاطمه:بتقول حاجه يخالد
خالد:لاء ابدا يابطوطه بقولك ممكن تعمليلي كوبايه عصير من ايدك الحلوه وانتي جايه
فاطمه:عنيا يبني
*******************
عند ماليكا قامت مصدعه وحاسه بتعب لقيت هاجر وسليم قاعدين قدامها
ماليكا:مالكو قاعدين كده ليه،هو ايه الل حصل
هاجر بتوتر:كنت جايالك لقيت سليم كمان كان حاي قعدنا نخبط مفتحتيش دخلت بالمفتاح الل معايا ولقيت مغمي عليكي في الصاله،جبنا دكتوره وطمنتنا وقالت لازم ترجعي تستخدمي بخاخه الربو تاني،انتي اغمي عليكي ازاي،ايه الل حصل
ماليكا:مش فاكره،كنت قاعده بره ومره واحده مبقتش قادره اتنفس ومحستش بنفسي
سليم:الف سلامه عليكي
ماليكا:الله يسلمك
سليم:طيب انا همشي بقا واسيبكم ترتاحو،بعد اذنكم
***************★***
خالد:مريومه حبيبتي ،عامله ايه دلوقت
مريم:كويسه، مفيش حاجه قولتلك
خالد:كنت قلقان عليكي اوي،صوتك كان تعبان،خلصت شغل وجيتلك في ثواني
مريم:حبيبي تسلملي يارب
خالد بغمزه:ايوه بقا
مريم بكسوف:ايه دا في ايه
خالد:مفيش حاجه يقمر انتي
الداده دخلت فجأه
فاطمه:العصير يخالد
خالد:وربنا داا ظلم بقاا
فاطمه:في ايه يخلوده انا عملت حاجه
خالد:ابدا،انا الل عملت
فاطمه بأبتسامه خبث:يلاا،يمريم عشان انتي تعبانه،قومي نامي
خالد:نعمممم يحبيبتي،وانا كيس جوافه قاعد معاها،بتطرديني يبطه
فاطمه:انا ابداا انا خايفه عليها لتتعب،اقعد انت سليم زمانه جاي
خالد بهمس:يوه بقا الصبح سليم،وبليل سليم،لاء انا اروح احسن
مريم:تصبح علي خير،هروح انام يخلوده
خالد:وانتي من اهل الخير، انا كمان هروح بقا عشان عندي بكره شغل
مريم:اوكيه،باي
خالد:باي
********★*********
عند ماليكا
هاجر:بقيتي احسن
ماليكا:يبنتي خلاص بقا السؤال العشرين دا،والله بقيت كويسه
هاجر:بطمن بس
ماليكا:مالك كده
هاجر:مفيش
ماليكا:لااا والله،عليا انا،متخانقه مع محمود ليه
هاجر:نسي انهارده ان ماما عازماهم عالغدا وقالي اه اه فاكر،وبعدها بساعه مامته كلمت ماما قالتلها مش هنيجي اصل محمود عنده شغل،وكل اما اكلمه فخروجه يقولي عندي شغل واما اتخانق معاه يقولي وانا هعمل ايه يهاجر اسيب شغلي يعني،لاء يسبني انا ويبطل يهتم بيا ويفضل جمب شغله
ماليكا:اهدي يهاجر وفكري بعقلانيه،كلنا عارفين قد ايه محمود بيحبك،واكيد هو مش بيبعد بمزاجه،انتي اكتر واحده عارفه المهنه وعارفه انه ساعات بيبقا في ضغط شغل كتير يرمي الناس الل حياتهم ف ايده ويجي يعني
هاجر:معرفش بقا،بس عالاقل يكلمني يشوفني عايشه ولا ميته يطمن عليا يخرجني مره،اي حاجه
ماليكا:معلش يحبيبتي فتره وهتعدي بأذن الله استحملي
هاجر:عارفه والله ومقدره ومستحمله وساكته
ماليكا:اكيد محمود هيعوضك يعني انتي ناسيه مفاجأه الخطوبه وهو قد ايه بيحبك
هاجر:وانا والله بحبه جدا
ماليكا:ربنا يخليكو لبعض يقلبي
فجأه الباب خبط
ماليكا فتحت لقيت نرمين،ماليكا مش فاهمه هي جايه ليه وعرفت بيتها منين والاهم عايزه ايه
نرمين:ايه مش هتدخليني ولا ايه
ماليكا:لاء،طبعا اتفضلي
نرمين قعدت، وهاجر بصتلهت بستغراب
هاجر:انتي جايه ليه؟!
نرمين صقفت جامد وقالت:حلوه اوي المسرحيه بتاعتكم دي،بس مش عليا،انا فاهمكو كويس اوي،ومش هتقدرو تضحكو عليا
ماليكا:قصدك ايه؟!
نرمين:قصدي**********
_______________________
Stop🖐️
تفتكرو ايه الل هيحصل، نرمين هتقول لماليكا علي كدبت سليم وهاجر عليها ولا هتفكرها بحوار زياد ولا ايه؟!😩
سوري عالتأخير🙂
انتظرو البارت الجاي💃🏻
رأيكم في كومنت يهمني😊
الكاتبه:RAWAN SAMIR🎀
أنت تقرأ
صدفة.
Randomتتلاقي الاجساد لأول مره صدفه فتكتشف ان الارواح تلاقت من قبل وإعجاب البطل للبطله وشغفه لمعرفة قصتها وثم جرت احداث لم تكن في الحسبان،هل سيقعون لسلطان الحب،ام ستوقفهم عقابات:)
