ကျီကျင့်နန်းဆောင်မှာ အလုပ်လုပ်နေတဲ့ အရှင့်မျက်နှာခပ်ပြုံးပြုံးကို ကုန်းကုန်းလှမ်းကြည့်နေမိသည်။ ညီလာခံကဆင်းလာပြီး ရှောင်းဖေးသတင်းကြားပြီးကတည်းကပြုံးနေတာအခုထိပင်ဖြစ်သည်။ အဲ့လောက်တောင်ပဲ ဘာတွေသဘောကျစရာပါလို့လဲ။ ဒါက ကုန်းကုန်းစိတ်ထဲမှာ နည်းနည်းလွန်တယ်လို့ တွေးနေမိ၏။
" အရှင် "
" အင်း! "
ကုန်းကုန်းလှမ်းခေါ်တဲ့အခါ ရိပေါ်ကလက်ထဲကစုတ်တံကိုသာ အာရုံစိုက်ရင်းပြန်ဖြေသည်။
" ယုံဖေး ..ကိစ္စ ဘယ်လိုလုပ်မလဲ "
ဝမ်ရိပေါ်နှုတ်ခမ်းတစ်ဖက်အပေါ်ကွေးတက်သွားရုံမျှ အသံတိတ်ပြုံးသည်။ ကုန်းကုန်းသည်အရှင့်ရဲ့အဖြေကို စိတ်ဝင်တစားမျှော်လင့်နေမိသည်။
" ငါကိုယ်တော်က ဘယ်တော့မှ သူတစ်ပါးအပေါ်မတရားအနိုင်မယူဘူး။ တစ်ပါးသူက အနိုင်ကျင့်တာမျိုးကိုလည်းမကြိုက်ဘူး။ ဒါပေမယ့် ဒီနေ့ကိစ္စက ယုံဖေးအတွက် သက်သေချင်စရာကောင်းလောက်အောင်ပြင်းထန်တယ်ဆိုပေမယ့် သတ်သေသွားရင်လည်း ငါကိုယ်တော်နှမြောမှာမဟုတ်ဘူး။ သူက ရီယမ်အပေါ်ကျူးလွန်ထားတာ။ အဲ့ကိစ္စမှာ တစ်စိတ်တစ်ပိုင်းပါဝင်နေတယ်ဆိုတာ ကိုယ်တော်ရိပ်မိပြီးသား။ ရှောင်းသာ သူဆိုတာလက်ပူးလက်ကြပ်ထပ်သိသွားရင် အခုလိုအခြေနေမျိုးလောက်နဲ့ပြီးမယ်လို့မထင်ဘူး။ အဲ့တော့ သူဒီလောက်တော့ခံရဖို့ထိုက်တန်တယ်လို့ ကိုယ်တော်မြင်တယ် "
" ဒါဆို ရှောင်းဖေးက အခုသတင်းဖြန့်တဲ့ကိစ္စကြောင့်ရိုက်တာမဟုတ်ဘူးပေါ့ "
" ဒါကအကြောင်းပြချက်သက်သက်ပါ။ ရီယမ်ကိစ္စမှာ ယုံဖေးတစ်စိတ်တစ်ပိုင်းပါဝင်နေတာကို ရှောင်းကသိနေလို့ပါ။ ဘယ်တုန်းက ရှောင်းက အားလုံးရဲ့အမြင်မှာ ဒီလိုကိစ္စတွေအတွက် လိုက်ခံစားနေဖူးလို့လဲ "
အရှင်ပြောတာလည်းဟုတ်ပါတယ်။ ရှောင်းဖေးက သူ့အတင်းဘယ်လိုပြောပြော အာရုံစိုက်ခဲ့ဖူးတာမှမဟုတ်တာ။
" ဒါဆို ကျိုးသားရင့်က အပြစ်မရှိပဲ အခုလိုခံလိုက်ရတာလား "
YOU ARE READING
𝐓𝐇𝐄 𝐁𝐄𝐀𝐔𝐓𝐘 𝐐𝐔𝐄𝐄𝐍 𝐀𝐍𝐃 𝐇𝐈𝐒 𝐊𝐈𝐍𝐆 (Completed)
Fanfiction⚠️⚠️For yizhan only .Take care of your reading list. ချစ်မြတ်နိုးရတဲ့တစ်ဦးသောချစ်သူ ရှောင်းက ဖခင်ဖြစ်သူ ဧကရာဇ်ရဲ့ ဖေးဖြစ်သွားအခါ အိမ်ရှေ့စံမင်း ဝမ်ရိပေါ်ရဲ့ အချစ်ဇာတ်လမ်းက ဘယ်လိုဖြစ်သွားလေမလဲ...... Start date - Jan,16 2022 End date -March,9 2022
