الرمق الأخير

الحلقه الـ 33

____الرمقُ الأخير________________________

صباحـاً ٠٠٠

ألطاف __

ـ ڪعدت هو ماڪو مغير ملابسه رايح لدوامه رتبت الفراش ودخل هو تفاچئت بي .. شنو ما تداوم

حسين ـ لا باقي ؏ ڪلبچ

ـ أسويلك ريوك

ـ لأ أريد غده باعي الساعه

ـ باوعت ساعه 12 اويلي ولا حسيت مشيت سريع للمطبخ صااح وراي

ـ أڪرصيها وگعدي

ـ شنو غير أسويلك أكل

ـ ما أريد أتعب وليدي
جارتنا مسويه دولمه ڪالت أدزلكم ماعون بس طلعي الخبز والخضروات ..

ـ ماشي بس خل أسوي خاف ما تڪفينا

ـ ليش جوعانه أنتِ

ـ أي والله

َ ـ ماشي هسه أروح أجيب من السوك وأجي
گعدي مو تبقين تحوصين يجيني كامز دينه

ـ ضحڪت؏ سوالفه جاوبته يطلع مثل أبوه

ـ يا بخته أذا يطلع ؏ أبوه فدوه لطولي چني العافيه

جاوبته ـ بعدك زعلان مني

ـ مغثوث منج حيــل ٠٠٠

ـ شال السويچ وراح
جهزت الخضروات والخبز وأندگ الباب أخذت الماعون اوفف ترد الروح رفعت ردنات ثوبي وگعدت أكل مر وقت وأنفتح الباب هو وقف وتخصر وعگد حواجبه

حسين ـ لفتها أم بطن وأني شنو بقيتي اليه

ـ لگمه بحلگي باوعت الماعون فارغ جاوبته نسيت والله ..

ـ هو أنتِ دوم تنسين
حسين طايح حظه منو يذڪرهُ ..

ـ أسفه

ـ بالعافيه عليڪم

ـ يعافيك عيني
أخذت من أيده وجهزتله وگعدت وياه يخلي ڪدامي
بدون ما يباوع الي لازمت أيده ونتر

ـ أيدج بعديهااا

ـ لا تبقى مطنگر

ـ الزلم ما أطنگر خلينا اطنگر الچن

ـ هاا

ـ وجعااا بگلب أبويا

ـ أبوك شعلي

ـ شعليچ أنتِ

ـ تبقى زعلان ابو علوش
تغيرت ملامحه والغمازه وضحت بخده ورجع نزل رأسه عود ما مهتم بس يڪذب روحه متروسه فرح لان حامل منه وطفل يشيل أسمه بس الظروف ما تسوي واهس للفرح
خلص وراح يغسل من رجع وقف باب الغرفه وباوع

حسين ـ هم تنامين

ألطاف ـ لا ما نعسانه ليش

ـ هيج ماڪو شيء