فتحت عيوني لقيت نفسي في سيارة شو صار علي
بعد ما رحنا للشيخ ناظرت جنبي سفيان مو موجود
و جدي قاعد و هو متوتر حيل و نياف خايف اخر شيء اذكر ان كنا عند الشيخ و بس. ..
سمعت صوت في راسي يقوى " ريان!! ريان !! "
حطيت يدي على راسي حسيت بدوخه قوية قلت
" جدي لا تسرع في سواقه راسي يعورني "
من سمع جدي صوتي خفف السرعه و قاعد يسوق
على مهل و راسي يوجعني أكثر من سابق " ريان !!
احبك ريان !! "
صرخت بقوة " وقف!! راسي يوجعني وقف !! " جدي خاف أكثر و قال " حبيبي بنوصل بعد شوي
اصبر شوي " و نياف يبكي
اسكت والله مو رايق لك اااه ألم فضيع!!
بعد ما وصلنا البيت كنت رح انزل بنفسي بس جا جدي و
شالني انا مالي خلق اتجادل معه بشيء
وداني غرفتي حطيت راسي بالمخدة و نمت نومة
طويلة و هادئة و حسيت بأحد يلاعب بشعري و
استرخيت عالآخر و صوته يغني عالخفيف خلاني
استرخي بزيادة
قمت من النوم و انا حاسس بالأرتياح و مروق رحت
بعد ما غسلت وجهي عند جدي و الكل اتغذى معهم
و جدي ما فاتحني بسالفة ابدا و ما قال لي شو صار
لما رحنا عند الشيخ
تغذيت و انا اتلذذ بالأكل تكلم ايلان بأبتسامة " أمس جيت
و جدي حاملك مثل عروسة و اليوم مروق " قلت
بدون ما اناظر له " اسكت انا ما تصالحت معك عشان
تكلمني "
قال عمي محمد " حبيب اخوه زعلان اليوم " ابتسمت و قلت " مو زعلان وايد بس شوي اصلا انا
ما شلتها بقلبي و ما زعلت كثير بس نقطة صغيرة "
ضحك مالك " ما شاء الله طالع كتوت صغير "
ناظرت له بنص عين " ترى انا بعد ما تصالحت معك
انت بعد " ضحكوا الكل علي يحسبوني طفل كل شوي ازعل من حد و ابتسمت شوي من ضحك الكل
تكلم جدي
" شو رايكم نروح شاليه او نروح مزرعه نقضي ايام
و نستانس نغير جو زمان ما رحنا رحلات " تكلمت
بحماس لأني أحب هذا اجواء " نروح نروح انا احب
اروح شاليه خلنا نروح "
قال هتان " هدي هدي رايحين الحين صح جدي ؟ "
قال جدي مارد " أي اكيد رايحين الحين " اتسعت
ابتسامتي و رحت طيران لغرفتي أجهز ملابسي و
حطيت كل ملابسي جديدة في الشنطة ما نسيت
و لا شيء
رحت عند جدي بسرعه مع شنطتي لقيتهم ياكلون
و يسولفون صرخت " بعدكم تاكلون انا جهزت شنطتي خلنا نروح يلا يلا " ضحكوا و مشى الكل
يجهز نفسه و شنطته
كل هذا و سفيان يناظرني و مبتسم جلست بعد ما
لبست شوزي انتظرهم
بعد دقائق جوا كلهم و نركب سيارة انا و ايلان و نياف و رواف بنفس سيارة و مالك و جدي و هتان
و راشد نفسي سيارة و أمير و فهد و بقية بنفس
سيارة و اباء كل واحد لحاله و انطلقنا رايحين للشاليه
YOU ARE READING
رَيِاَن - راح رَياَن - متوقف
Fantasyذلك الشخص الذي يزورني كل ليلة فكرة من خيالي عامية ♡ bxb
