مالك : هششش الكلمه دي متقولهاش يا رزان حتى بينك وبين نفسك
رزان : اي اللي فيها لو نقولهم الحقيقه
مالك : حقيقه اي؟... انك لقيتي ادم مرمي ف الشارع وهو لسه عنده اسبوع واتبنتيه..... واني اتجوزتك ع الورق عشان ميحطونيش قدام الأمر الواقع واتجوز اماني اللي هما اختاروها .... ولا نقلوهم انك وافقتي نتجوز عشان خايفه من أهلك لو عرفوا انك اتبنيتي طفل.... ولا اقولهم اننا هنعمل show لمده شهر وهنطلق وترجعي انت أمريكا وانا ابدأ شغل ف شركتي الخاصه
رزان : اكيد مش هنقول كل دا نقول ان ادم مش ابنك بس
مالك : لو كدا بقاه يبقى مش ابنك انت كمان... لا يا رزان.... ادم ابني زي مهو ابنك... حتى من قبل ما نتجوز وانا بتعامل معاه ع انه حته مني
رزان : خلاص يا مالك
مالك : ليله حددت فرحها ع الأسبوع الجاي... اي رايك بعده نروح لأهلك عشان ننجز وتعرفي ترجعي
رزان : معنديش مشكله.... انا هروح اغير لادم... ادعيلي ربنا يوفقني ف المهمه دي
مالك : لا اله الا الله.... بس ف الاول.. تحبي توجهي رساله لجمهورك؟
رزان : والله انا هعمل اللي عليا واتمنى انهم يدعولي ربنا يوفقني وكله بفضل الله
سابته رزان واتحركت للحمام عشان صوت صراخها وخناقتها مع ادم يعلي بعد فتره... وبعد حوالي نص ساعه خرجت وهي مغيراله لبسه وماسكه عينها بدأ مالك يصفر بصوت عالي
مالك : مبروك يا مصر.... الله يا بلدنا الله.... تحبي تقولي اي؟
رزان : الحمد لله انا بهدي الفوز دا لكل اللي شجعني واقوله صحيح عيني راحت بس كله فدا لأننا نغيرله
قطع كلامهم صوت دقات ع الباب فتح مالك ولقى الخدامه اللي بتقوله ان الغدا جاهز والعيله مستنياه
.......
ف اوضه عمر وايه
ايه بصراخ : كان قصدك اي باللي قولتله
عمر ببرود : اقصد اللي اقصده مش فارقه
ايه : لا فارقه يا عمر.... لما تقوله مش ذنبي ان كل اختياراتك لي غلط!، طب انا اي؟... ما انا من ضمن اختيارته ليك.... يبقى انا كنت غلط
سابها عمر واتحرك ع اوضه اللبس وغير هدومه وخرج بهدوء وسابلها الاوضه.... قعدت ايه تعيط ودخلت اسيل ف الوقت دا
اسيل : ايه.... انا كلمت الدكتور.... اي دا... مالك
جريت عليها بسرعه وحضنتها
ايه بعياط : انا تعبت يا اسيل... تعبت من حبه... انتِ عارفه لو مش بحبه هعامله ببرود زي مهو بيعمل بس مش قادره
اسيل : اهدي يا حبيبتي.... انت مش عارفه عمر.... هو بيقول كدا عشان يضايق عمو مش انت المقصوده
