لاتنسون كامل التشجيع منكم والتصويت ♥
************************
في ٥:٠٠ صباحا 🌤
دكتور لويس: حضرت نفسي بدلت وحضرت الريوك رحت ل غرفة جميلة داكعدهه لان لازم نروح من وكت ع ما نوصل كم ساعه........
جميلة كعدي يلا حضري نفسج دكيت الباب كومة ومتكعد كلت خنتصل عليها ادري مبايلها يم اذانها وحاظنته اتصلت
طرن طرن طرن
جميلة: هيييييي هاي شنوووووو يالله اريد انام منو اتصل اوفففف هاي لوسي شنو خيره ليش يتصل من صبح؟!.... فتحت عيوني ونصدمت فكؤت شوي بيها ممستوعبته واحنا نفس البيت شكو؟ يالله من لويس اخذ نومتي من الصبح
دكتور لويس: هههههه ترا سمعتج اني يم الباب لمصلحتج اخذتها ترا يلا كومي بدلي وغسلي وجهج وتريكي حضرت الريوك اني +الباب متفتحيه شكد دكيتها ماكو منفع مكعدتي كلت اله اخابرهه
جميلة: ها هيج تمام وبعدين ليش اكعد من صبح شنو المناسبة؟
دكتور لويس: انتي شكد ثولهه متكليلي لج اليوم ترحين يم اهلج بعد تعوفيني غير تواعدنا ليوم ترحين ف لازم هسه نطلع شوي ونطلع ع ما تحضرين نفسج...... واني اهمس بيني وبين نفسي والله يالله تكول شني المناسبة تستغبي
جميلة: اي صدك ذكرت اممممم هسه جايه وراك
كمت سبحت وبدلت خليت شوي مكياج خفيف بس طلع حلو عليه حرت شلبس لبست سويترر عريض بس حلو ومستور ع ما حضرت اغراضي ونزلتهن وياي من الغرفة لباب شارع ورحت أتريك للمطبخ
ها دكتورنا صباح الخير
دكتور لويس: صباح النور شنو كل هل نور من الصبح منين طالع الكمر ههههه
ديلا تعاي تريكي لانتاخر
جميلة: ههههه شنقضيه كله بسيط يعني اكيد لازم ارتب نفسي شوي من اطلع..... جيت جيت
دكتور لويس: هاج اكلي بيض
جميلة: لاااا ماحبه
دكتور لويس: ليش ولج شسبب طيب
لعد هاج جبن
جميلة: ممشتهيه بس شسوي ح اكال جبن
دكتور لويس: شكد تحجين وميعجبج العجب هسه اهلج حيتورطون بيج بعد وخلص منج هههه
جميلة: يعني فرحاننن موووو فرحان ترا واضح فرحان حتخلص مني وتضحك فوكاها تمام بسيطة اصلا اني ضايجه ونت فرحان اصلا اني ماريد اروح ل اهلي ونت فرحان 😔
دكتور لويس: شبيج صدكتي بابا اشاقه وياج والله لافرحان ولاشي اصلا حالي حالج ماعرف شلون حيكون الوضع والبيت من دونج +ليش انتي ماتردين اهلج؟
جميلة: هيج ماريد وبس احس ماراح ارتاح وياهم لان ماذكر احد بيهم
دكتور لويس: ليش بلعكس عايلة وحلوة ويحبونج ويهتمون بيج ويخافون عليج اكو احلا من هيج اصلا محضوضة لكيتيهم ولازمنا بعد نسوي تحاليل حتا نتأكد اذا همه اهلج
جميلة: لا موهيج احسهم غربه كا احس راح اتأقلم وياهم
دكتور لويس: واني شنو موغريب؟ حالي حالهم غريب وتأقلمتي
جميلة: اكك..... يلا خلص اكل خروح هف
دكتور لويس: يي بس لاتهفهفين واضح عليج ترا لساتج مو راضيه +جايبلج هدية بجيبي ههه اعرف بيج تحبين هدايا
جميلة: صدكك تحجي شوو شوووو وين خنشوف حباب شنيه
دكتور لويس: تمام غمضي عيونج
جميلة: غمضت
دكتور لويس: فتحي ايدج
جميلة: فتحت
دكتور لويس: هاج فتحي عيونج
جميلة: شو واييييي جنننن هااي الكلاده شكرااااا
دكتور لويس: هاي ذهب
جميلة: كلش جننن والله حبيتههه...... جنت اريد احضنه من الفرح بس بطلت استحيت ولو ماعرفت شلون اوصف فرحتي من جتني منن هيج هدية وباخر لحظات الي حروح بيها ل اهلي ويمكن بعد ماشوفه عمري ف لهذه خفت بعد ماعرف اتاقلم بدونه حياتي تعلمت عليه
دكتور لويس: يلا يلا تلبسيها بلهنا كملتي؟
جميلة: اي يلااا امشي
يتبع........
YOU ARE READING
تصادفنا رغم الظروف *رواية عراقية" مكتملة
General Fictionفتاة صغيره في عمر الثلاث سنوات خرجت من السياره كان ذاهب ابيها ل يشتري لها الحلوئ وتركها في السياره وحدها كان يتوقع لاتستطيع النزول من السيارة لأنها هي طفله ولاتعلم كيف تفتح باب السياره ولاكن هيه نزلت وخرجت وفتحت باب السياره نزلت من السياره ومشت وكا...
