- رواية| خَيبات الأحـبه لاتنسى.

5

استغفرالله العظيم واتوب اليه.

_رغم طريقتي السيئة في الحب انا احبك_ .

لاأُحلل القراءه بدون فوت وكومنت ✨🤍.
.
كانت على وشَك إنها تصيح من الفجيعه بس حَط يدَه كِنان عَلى فَمها وهَمس لها
كِنان:لو سمعوك بتروحِين فيها
سُمو وهي تبعِد يده: وخر
قَام كِنان وهو ينفض الغبَار من ملابسه وبعدَها مَد يَده: أعطينِي من الساندويش اللي معِك جيعَان
سُمو لبسَت النقَاب عَلى عَجل وقَالت: يدينَك وسخَه شلون بتأخذ الأكل
سكَت كِنان وهو بالأساس كَان يمزَح معها ولَف بيروح صُوب بيتَه بَس وَقفه صُوت سُمو وهي تقول: أوه نسيت تَعال خذ هالهديه من ثانوية32
عَقد حواجبه ولَف جهتها وبرأسه مية سؤال، اي ذي ثانوية أخته بس وش السالفه؟هدية إيش ووش سببها؟
نطَق بهدوء وهو يأخذ البوكس من يَدها: وش العِلم؟
سُمو وهو تفرك ايدينها سو: مَشروع
كِنان:اي وش هو المشروع؟توزعون هدايا؟
سكتت سُمو ماكَان ودها تجرحه وتقول بس للأحياء الفقِيره فَقررت تقول : إي تقسَمنا مجموعات وكُل مجموعه تروح حاره ونوزع هدايَا
كِنان ابتسم بهدوء ونطق: شكراً
لفت سُمو بتَوتر وأخذت شنطتها واللانج بوكس حَق فطورها ومشت بتروح بعدين التفتت عليه ولوحت له بإبتسامه وراحَت ،ضحك كِنان باستغراب واعجاب بهالبنت اللطيفهه وهو يلوِح لها بعَد
دخل البيت وكَان رايح لغرفة كِندا دَق الباب وماردت فَتح باب الغرفه بهدوء ومالقيها موجوده ،استغرب ويِن بتكون مثلاً دوّر لها بكُل مكان بالبيت وماكَانت فيه بدأ يقلق عليها لو تكون طِلعت و أحد خطفها داهمته أفكار كِثير بس ماقَطع حَبل أفكاره إلا دُخول كِندا من باب البيت وهي معَصبه من خَالد عشانَه قَاعد يمارس وظيفته معها حتى فِي السياره ويسألها أسئله كِثيره وهي مالها حيل تجاوب
تقَدم كِنان لها: وين كِنتي؟
ناظرت فيه وهي تحتقره: وش دخلك؟
كِنان باستغراب: كِندا سؤال ،وين كنتي؟جاوبي
كِندا بسرعه: رحت للعياده حَق الدكتور خَالد
كِنان بنرفزه: لاتآخذين راحتك حيل معه أعطيني خَبر أقل شيء
كِندا: والله عاد مو شغلك آخذ راحتي معه أو لا ترى صار لي أسبوعين من صرت اتعالج وصراحه أرتَاح عِنده أكثر
كِنان وهو يحاول يتمَاسك ومايثور عَليها: إنتبهي لاتتطور علاقتكم بس
مشَت كِندا وقَفلت باب غرفتها بصوت عَالي وغَمض عيونه كِنان من الإزعاج واستغفر ربه وهو يمسَح عَلى وجهه وراح يترَوش عَشان يروح يلَحق على محاضراته.
.
.
قدام المرايا ويفَرش اسنان وهو لاف المنشفه على خصره،غَسل فَمه وبعدين مسك شفرة الحلاقه وناظر بوجهه ف المرايَا وهو يتأمله نفس عيونهَا البُندقيه نفس الخَشم وحتى حدّة الفَك والمَلامح ،بس لون بشرته القُمحي مايدري أكتسبه من مين!! تنهد بطَفش من الإرهاق اللي واضح بملامحه مع إنه انتظم بنومه وأكله ومع ذلك مازالت واضحه الهالات السَوداء وذبول عيونه ،حَلق بعدين مسك الجِل ورَتب شعره كيرلي بسيط وعالسريع لأنه هو اللي يناسب نوعية شعَره لبس ثُوب أبيض وجزمه سوداء وحط من عِطره وطِلع لفَارس اللي ينتَظره بَرا ،ركِب السياره بعد ماسَلم
فارس بنعاس: راكَان فيك حيل ترتِب شكلك كذا؟
راكان بطفَش: نبي وظيفه ،ودَك أجيهم بشكلي ذاَك؟كأني إرهابي
فَارس: وأنت صادق بيحذفونك من الباب هههههه
مَشوا بعد ماشغل راكان أغنيته ولَف وهو يتأمل الشارع يحس بالمَلل يقضي عليه، حياته مالها أي معنى يتمنى يلقَى شيء يشغل فِيه وقتَه بدل هالتفكير اللي شَتت عَقله وخلاه يلجأ للخَمر عشان ينسى أو يتناسى حَياته شوي،
وصلوا ونَزل مِن السياره ودَخل لمحَل عُطور وشاف صاحِب هالمحَل اللي كَلّمه مُسبقاً وقاله إنه يدَور عَامل ووافَق راكان.
غَازي: مرحباً راكان رَاح أعطيك أسماء هالعطور والأسعار وكل شيء ،هالأسبوع رَاح تشتغل بدون راتب عَشان نقيم شغلك اذا تَمام راح تتَم معنا وينزل لك راتِب شهرياً بس أثبت لي إنك كَفو وقد الشغل طيب؟
راكان وهو يشِم كذا عطِر نطَق بطَفش: تمام
تنهد غَازي وبدأ يشرح له كيفية الشغل والبيع وانواع العطور واسعارها وما إلى ذلك.
.
.
.
جراح كَان  واقف على رجوله من المَغرب وهو يجَهز لتمايِم ولد أخوه واللحين الساعه9 مساءاً وهو مازَال يصب القهوه لذاك ويجيب الشَاهي لهذا وبعدين يروح يجيب أغراض يبونها الحَريم.
وقف جَنب كِنان وهو يتنفَس بتَعب: وأنت ياالسربوت ورا ماتساعدني؟تعبت الله يقلع العَدو
كِنان بضحك: تعَال وش بقى ودك أساعدَك به؟
جَراح:امم مابقى شيء الصدق بس دقايق ويجي العشاء خلك جنبي عشان تتأكد معي إنه بيكفي الضيوف كلهم
كِنان همهم وهو بهز رأسه بالموافقه
أخرَج من جيبه جَراح بكَت الدخان وطِلع برى البيت يدخِن واستنَد على سيارته وعِينه لقِدام،لٕف لقِدام وشَاف بِنت تكَلم وواضِح معَصبه،صَغّر عيونه وهو يدقق ويتفحص شكلها،كانت جميله جداً لابسه فستان أزرق ولفوق ركبتها ولون بشرتها صار أفتح وأشد بياض بسبب لون الفِستان شعرها كانت مسويه به ويفي وميكب خفيف على وجهها،كَان فاهي فيها وبشكلها وماانتبه إلا يوم شَافها تركض عشان تتخَبى من نظراته الجَريئه ،خِجل من نفسه ومن نظراته ولَف بيروح لبيته وهي بباله.

_
رأيكم؟

أدري قَصير بس ماحبيت أتأخر في البارتات😩✨.