استغفرالله العظيم واتوب اليه
_لاأُحلل القراءه بدون كومنت و فوت✨🤍_
إنْ كان في صُدَفِ الأزمانِ رائعةٌ
فإنّك خيرُ ما جادتْ به الصُّدَفُ..
.
.
تنَهد كِنان بغضب بعد محاولاته للاتصال بخَزامي اللي للحين مارجعت البيت والوقت وقت غداء
كِندا وبيدها ملعقة سلطه: كِنان اتركها اكيد قررت تتغدا مع صديقتها
كِنان بنرفزه: تتغدا؟ماشاء الله تنام عندها وتفطر وتبينها تتغدا بعد؟ليه ماعندها بيت واهل ينتظرونها؟
واختك ندى وينها ماتجي تتغدا هي الثانيه من الصُبح مو رايـقه ومزاجـها سالب
كِندا بهدوء: معـرف صار لـها يومين مو عـلى بعضـها
قام كِـنان بعد ما حَمد ربه عالنعمه وغسَل يدينه وتوَجه لغرفة نَدى آخر العنقود
طَرق الباب ودَخل ولقاها سادحه على السرير بس عيونهَا مفتوحَه بذبول،عَقد حواجبه وعوره قلبه منها ،قَرّب وقعد على الكرسي قرب من السرير ومَد يده يمسح على رأسها بهدوء
ندى نزلت دموعها ،تحِب حنية كِنان عليها هي واخواتها بس ماتبيه يشيل همهم وينسى نفسه ماتبي تثقل عليه باللي بخاطرها فوق المسؤوليه اللي هو شايلها
نطق كِنان بحنيه وهو يسمح دموعها: افا حبيبتي تبكين؟من مزعلك اروح اشلع قلبه اللحين
ندى بضحكه باكيه: فديتك
كِنان بَوز بزعل مازح:تدرين اني مااحب ضحكتك ذي اللي كلها دموع!
ندى انفجرت ضحك وهي اللي تعودت وقت أحد يواسها تطلق ضحكات لا إرادي
كِنان بإستغراب وهو مبتسم: بسم الله انا اضحك لهدرجه؟
نَدى: لا بالعكس سامج
ضربها على رأسها:يالعوبا هذا وانا متعنّي لك عشان أواسيـك، أصدقيني القول نَدى وش فيك؟
نَدى بهدوء: تهاوشت مع بنات بالمدرسه
كِنان:بس!
نَدى ناظرت فيه:جرحوني بكلامهم شوي بس عاد مايهم
كِنان بهدوء: وش قالوا؟
تحاشت نَدى النَظر لعيونه ونطقت: مايهم كِناني
كِنان:ماتبين تحكين؟
نَدى:اي
كِنان قام ومسك يدها:اجل تعالي تغدي ولا مارح يحصل لك طَيب
قامت ندى بابتسامه ونزلت معه هو وكِندا على طاولة الغداء وبدوا يسولفون وهم يأكلون والسعاده ماليه وجيههم بهل اللمه الحلوه
YOU ARE READING
- رواية| خَيبات الأحـبه لاتنسى.
Humorإقرأ لي بِـ حُب عزيزي✨🤎. |لاأُحلل الاقتباس أو السرقه|
