#اذيال الخيبه

الحلقه ١٠

بأسم الله

___________&

لاتنسو التصويت و التعليق بين الفقرات
___________

بقلم : 𝒽𝒶𝓂𝒾𝒹𝒶 Al-Maliki

#اذيال الخيبه

نور _ عولى تحجين صدك لو تشاقين

عولى _ اي والله شبيج

نور _ ضليت ساكته ماعرفت شنو احجي

عولى _ ها اشو سكتتي بعدج مامتأكده من حبه الج

نور _ ماجاوبتهة

عولى _ نور كافي انطي فرصه خلي يثبت حبه الج

نور _ اخاف

عولى _ من شنو

نور _اخاف انطي فرصه واتندم بعدين اخاف بنص الطريق ويعوفني مثل اول مره عولى اخوج ماله امان وامج مستحيل تعوفنه بحالنه منو يكول ماسوي مره ثانيه

عولى _ لا نور صدكيني هوه يحبج ومستحيل يعوفج هوه قبل ماعافج بأرادته عافج بسبب السحر واذا على امي هوه اساس مايحجي وياها من وقت ماعرف بسوته يعني حتى اذا سوت مره ثانيه بعد ماتمشي عليه

نور _مادري عولى بس اني عندي احساس اذا انطيته فرصه راح اندم واني احساسي مايجذب صدكي

عولى _ والله مادري شكلج بعد انتي اعرف بمصلحتج واعرفي دائماً اني وياج صديقتج وبير اسرارج وشنو مايكون قرارج اني وياج

نور _ اعرف حبيبتي اشكرج

عولى _ يلا حبي اني اروح اصلي اجيت ابشرج وبعدين اصلي

نور _ مو كلتي صليت هههه

عولى _ لاوالله خيه كلت خلي اكلهه وانوب اصلي ههههه

نور _ مخبله يلا روحي صلي واذكري ربج ههههه

عولى _ يلا حبي باي

نور _ باي

كعدت الصبح شفت رسائل منه كان مقطع فيديو شهد الشمري واثير الساعدي عبالك صدك تحجي حالنه

ورسائل

_ صباح الورد والياسمين والفرح والسعادة صباح الحب والعشق صباح العسل ياعسل

هذا الحجي هوه دازه ب6 الصبح

_ والله الليل كله مانمت من كد مافرحان حبيبي بس تكعدين راسليني مشتاقلج موت احبج

ماجاوبته سديت التليفون وكمت غسلت وتريكيت وكمت عل بيت حملت تنضيف حتى انسى وماخابره نضفت الستقبال وبعدها رجعت للبيت نضفته وغسلته كله طلعت الفراشات الوصخه وغسلتهه كملت غسلت الطارمه