#اذيال الخيبه

الحلقه ١٥

بأسم الله

___________&

لاتنسو التصويت و التعليق بين الفقرات
___________

بقلم : 𝒽𝒶𝓂𝒾𝒹𝒶 Al-Maliki

#اذيال الخيبه

هاي الأحداث هاي الايام دارت

ً!!!!!

كاعده وصافنه على التليفون صار اكثر من ساعه يدك يتصل 4 مكالمات ويدز رساله ويرجع يتصل هاي صار اسبوع هيج كل يوم نفس الشي مامل ولا تعب من وقت ماتعالج من السحر وهو يتوسل ويحلف مايدري بنفسه

ضجت منه اعرفه ماراح يسكت الحد مااجاوبه جاوبته بعصبيه

نور _ شتريد فهمني شتريد تره جزعت منك صار اسبوع لعبانه نفسي منك انت شنو ماعندك احساس ماعندك زرة كرامه يااخي حس على نفسك وحده تكرهك وماتريدك شكو لازك وساحل روحك اشلون افهمك اني مااحبك ومااطيق اسمع صوتك شسوي وتفك ياخه مني

جاوبني بصوت مخنوك والكلمه كوه تطلع منه مبين جاي يبجي

ياسر _ مااكدر اشلون كليلي اشلون كدرتي تنسين بهسرعه اشلون حب اسنين نسيتي بشهر كليلي شنو الطريقه التبعتيها ونسيتيني حتى اسويها وبلكي اكدر انساج

نور _ ليش منو كالك اني احبك اصلن حتى انساك

ياسر _ جذابه تحبيني

نور _ ممكن اكون خدعتك مثل ماسويت وياي يعني اثنينه جنه نضحك ونمثل على بعض

ياسر _ انتي اشلون تحجين هيج تمثيل شنو

جاوبته برود

نور _ اشبيك اني ماحبيتك ولا راح احبك جنت اضحك عليك كل هاي الفتره وانت مثل الغبي مصدك او لا ليش مصدك انت هم مثلت عليه الحب يعني احنه هسه متعادلين

احجي ويا برود وهو يحجي بعصبيه ومحترك دمه

ياسر _ لج لاتخبلين اكثر من مااني متخبل شنو هل حجي وحق العباس ادري بيج جذابه وكل هذا الكلام بس حتى تحركين دمي وضوجيني

نور _ بكيفك تريد تصدك او ماتصدك بقت يمك هاي الي عندي باي

سديته واني ارجف بس مثلت القوه من حجيت ويا مثل كل مره هوه قهرني وبجاني ايام وليالي هو نايم بحضن مرته واني ابجي عليه شفت الموت بعيني بهاذا الشهر وهو مايدري شصاير بيه تخبلت بهاي الفتره وحتى راجعت دكتور نفسي من كد ماحالتي النفسيه تعبانه صفنت ورجعت بذاكرتي ليوم دورت سنة امي

عولى كاتلي راح الكربلاء يزور بعد ماخلصنه هوسة الخطار طلعنه متوجين لنجف جانت الساعه 9 بليل وصلنه لنجف ب 12 انتضرنه يوصلون البقيه لن احنه جاين كوسترات 2 و3 سيارات ازغار واكفه اسولف ويه اخلاص وسمعت واحد كال السلام عليكم التفتنه اني وياها اثنينه على اثر الصوت ونشوف فارس وياسر بلعت ريكي وتقدمت بتجاهم اخواني ولد عمامي كلهم واكفين اخلاص جرتني من ايدي