فصلية حزن 😔

الحلقة العاشرة

{الحلقة ١٠}

وهاي هيه ولو طحت بيها چتيل
هاي هيه وصير للرحه لهو
جفه الميزان تنزل بالثكيل
وهاي دنيه ومو شرط بيها العلو

صاحب الضويري

مروة : ظل منذر يحضر لعرسه رتب غرفة و صبغها و جاب غرفة اخشاب جديدة تخبل و جهزها من الابرة للصاروخ بحيث صارت تعجب

و جاب لمرته ذهب سوارات و حجوله و گلادة و محبس يعجبن

و وره اسبوع فاجأني و گاالي انا وصيت على غرفة اخشاب الج و كلشي جبته لسلوى جبتلج منه انتِ هم مرتي و رايد اعدل بينچن
مروة : شفايدة الغرفة و الاخشاب و الذهب و انا الحركة بدليلي يمنذر

منذر : حچاياتج يدچچن افادي موش حچايات اهيسهن سچاچين

مر شهر و اجه يوم العرس اجه يوم منيتي شسوي لروحي و شلون اصبرها گعدتني بدرية من الصبح 

- يااااله گومي اشتغلي لحد هسه نايمة گومي سوي لمنذر ريوكه و تنظفين و اتخبزين و ترتبين غرفة العرسان و تجهزين عشاهم

گمت بس عيوني غدن شرار نزلت حضرت الريوگ و سويت الجاي و حطيت له بيض مسلوگ و جاي و گيمر و اخذته اله

مروة : منذر ياله كوم جبتلك الريوگ

منذر : اصباح الخير بوية

مروة : خير خيريش هذا ... هذا صباح حزني و عذابي منيتي اهون عليه من هاليوم

منذر : مريوة بوية لا تعلين افادي بهالحجي و تشوشين فكري بس گليلي التريدينه شنهي

مروة : و حتى لو حچيتلك الاريده ما تسويلي حل بگلبي نار ما تنطفي

منذر : بس گولي شنهي التردينه يجرالج بس لا تكولين عوف سلوى ما اكدر من عبن اليوم عرس اتفاشل ويا العالم شيكولون عليه لو على عگال ابوي شيخ السلف

طاح الشغل كله براسي العكربة ما تعون تشوفني دقيقة جاعدة الا ما تزرفني اشتغل چني معزبه ما چنه عرس وليفي

راح منذر لحمام هو و ربعه و نوب زين و اجه چنه العافية
صار الظهر گالوا يلا لزوم نتحضر راح منذر يبدل  لبس دشداشه و شماغ و عگال و ذاك البشت چنه شيخ  هيبة وصدر ديوان

بدرية العگربة انطتني المبخرة حتى ابخره تريد تغيضني گوه اخذتها منها و اصعدت للحجرة لچن موش حجرتي حجرت العروس

دشيت بيها و شفته جدامي واچب و چنه العافية لچن هالزين كله موش الي لغيري ما اتحملت ظليت دموعي تجري كربيت صوبه گتله هاي البخور اجيت ابخرك بيه بخرته و دنگت رفع راسي بأيده و گالي
منذر : حسي دموعچ بوية تراني ما احملهن

مروة : و اشلون اصبر روحي

منذر : رايح بس جسم گلبي و عگلي يمج شبسرعه و اخذتي گلبي يصغيرونه و فريتي راسي