كرونيك: مهمتي_دمرت_حياتي

27

✍مهمتي دمرت حياتي ✍

الجزء 27:
بعدما لبست تسنيم، خرجو لبنات ركبو مع الشيفور متاجهين عند خليل للاجونص. مع وصلو نزلو وتمو داخلين، تلاقاتهم موضفة الاستقبال : مرحبا بيكم، تفضلو رتاحو. مرحبا بيك مادموزال سيدرة
سيدرة: ترحب بيك الجنة، شكرا. قوليلي خليل مكانش؟؟
الموضفة : كان هنا وخرج ،حوالي ربع ساعة نشالله يكون هنا. تفضلو ريحو.
سيدرة: نو نستناوه فالمكتب.
جرت تسنيم ودخلو للمكتب بدات تسنيم دور وتستكشف فالمكان حتى نطقت سيدرة: تعرفي يا تسنيم هاذ الباب لي هنا تع غرفة خليل ما يسمح لحتى واحد يدخلها مهما كان يكون وديما غالقها معرفتش وش فيها.
تسنيم: مممم خطرت على بالي فكرة شريرة، وش رايك كي يجي وحدة فينا تلهيه بالهدرة والاخرى تحاول تنحيلو مفتاح هاذ الغرفة بعدها نبعثوه يجيبلنا الغداء هنا وفور ما يخرج ندخلو حنا لداخل ونشوفو وش فيها، وش رايك؟؟
سيدرة: يييييه والله فكرة ذكية عمرها ماخطرتلي، اوك متافقين كي يجي نتي ألهيه بالهدرة وانا نسرقهملو.
ضحكت تسنيم بصوت: ههههههههههه تعرفي ياسيدرة نتي وحدة مهبولة والله هههههه انا نتمسخر بيك ونتي تصدقي وماشيتلي فالخطة.
وضحكو في زوج مع بعضهم. دخل خليل للاجونص يسمع في صوت ضحك انثوي يعرفو، تلفت للموضفة خبراتو انها سيدرة ومعاها وحدة، تمشا للمكتب تاعو وكل ما يقرب كل مايزيد الصوت.
لما دخل خليل تلفتولو، سيدرة تقدمت تعلقت فيه وباستو من خدو: جيت خويا لغالي!
خليل : مرحبا بيكم نورتو الوكالة.
تمشا وراء البيرو وقعد وباين زعفان من تسنيم، سيدرة كي شافت الوضع مكهرب نطقت: انا نروح نحكي شوي مع دانيا (الموضفة) و نتوما احكيو براحتكم.
بعدما خرجت سيدرة قعدت تسنيم على حافة البيرو وهي مبتاسمة بصوت طفولي منزلة ذقنها نطقت:لولو زعلان مني!! 😔
خليل(شاف معاها بطرف عينو مخنزر) : تزيدي تعاودي لولو تاعك هاذي نخلطك ومانعقلش على والديك.
تسنيم ضحكت بصوت عالي : هههههههه غير ضاحكة معاك، احم سيدرة حكاتليحكاتلي على لي شفت، وصراحة غاضني انا منك الحال خاطرك حكمت عليا من صور من دون ما تجي تسقسيني او تواجهني.
خليل: كفاش تحبيني نجي نواجهك، وش نقلك؟؟
تسنيم: علاش راك تحكي معايا بهاذ لافاصون .على كل خليل رح نخبرك بالشي لي صار، يا سيدي لما خرجت من الجامعة........ وبدات تحكيلو الشي لي حكاتو لسيدرة.
تسنيم:...... وهذا كل لي صار، يعني مابيناتنا حتى شي ومابيناتناش معرفة وطيدة ولا مقربين.
خليل (حك راسو) : ولو، كنتي على الاقل تعيطيلي و نتوما قاعدين ولا تكتبيلي مساج نجي نربي والديه على فعايل الط........
تسنيم:يووه خليل يعني على جال حاجة ماتستاهلش نجيبك دير باڨار لا والله لا صارت. و ديجا راني جيعانة وقت الغداء ولازمك تخرجنا نتغداو، سمعت كاين مطعم جديد اسمو la Palma قالك اكلو بنين ويدير wooden pizza.
خليل: ههههه عرفتو، هيا يا لالة ما يكون غير خاطرك.
تاجهو للمطعم لي كان كلو خشبي بضوء هادئ وديكور كلاس. اتاجهو لجهة الفوطويات جلسو اختاروا من,menu :
Pizza Bianca,plat cordon Bleu,
Brochettes turque
تغداو في جو مليئ بالضحك بعدها رجعو للفيلا. لما دخلو لقاو كارمن قاعدة فالصالون، شافتهم داخلين ضاحكين ومش مبين عليهم متقابضين تغزلت وحارت اذا خليل يكون شاف الصور وما قال والو؟؟
طلعت بدون ماتحكي معاهم ولا كلمة خلاتهم يشوفو مع بعض وقتها خليل تأكد من شكو اتجاها وانها هي مولات الفعلة.

#النهاية_على_الأبواب😔
#بونوي😘