ملاذى

البارت السابع

استعدت ملاذ واخيرا وذهبت مع والدها الى الشركه.
.
عماد بحب:طبعا مش هقولك المكتب فين روحى انت علشان انا هروح ع شغلى.
.
ملاذ بتوتر:ح..حاضر يا بابا.
.
عماد بهدوء:عايزك تهدى خالص ومش عايز عناد انا مش ناقص تعب ع تعبى دا يا بنتى.
.
ملاذ بخوف عليه:والله حاضر.
.
عماد وهو يقبل رأسها:يلا هروح انا شغلى.
.
ملاذ بابتسامه:ارفع راسى.
.
ثم اتجهت الى الاسانسير واثناء توجهها صدمت بشخص ما.
.
عزام بخبث وهو ينظر لها من اعلى لاسفل:اى دا هى شركة الصاوى عادت بتوظف ناس قمر كدا.
.
ملاذ باستحقار: و بردو بتوظف ناس قليلة الادب زيك.
.
عزام بغضب:احترمى نفسك يا بت انت انا هنا حاجه كبيرة اوى وممكن بأى كلمه منى مش عدتى تعتبى باب الشركه هنا.
.
ملاذ بلامبالاه وهى تتجه اللى الاسانسير:وانا مش موظفه هنا.
.
تابعها عزام وهى تنتظر الاسانسير:اومال اى اللى جابك هنا.
.
ملاذ بتفكير:جايه هنا لخاطيبى امير الانصارى.
.
عزام بخبث ف نفسه:كدا حلو اوى.
.
ثم قال وهو ينظر لها:اى دا....هو امير بيه خطب واحنا مش عارفين.
.
ملاذ بغيظ:مش ليك فيه.
.
عزام بتسأل:وع كدا بيحبك ولا اخدك يتسلا بيكى.
.
ملاذ وهى تصفعه بيدها:احترم نفسك يا جدع انت انا استحملت كتير بس لحد كدا وكفايه مفهوم.
.
ثم تركته وصعدت ف الاسانسير.
.
عزام بغضب:انا هوريكى اولا علشان الكف دا وثانيا علشان عايز اعلم امير درس وانت الورقه بتاعتى.
.
.
------***-----
.
.
ف نفس التوقيت كان امير يتحدث ف هاتفه.
.
امير بملل:خلاص يا جدى والله.
.
الحاج صالح بفرحه:لو مش كان علشان حد علشان خاطرى انا اهدى وابعد الشيطان عنك واتفقوا لانك لو مش اتجوزت ملاذ انا هزعل منك اوى وانت عارف الزعل وحش علشانى ازاى وممكن يحصلى حاجه بسبب كدا.
.
وانهى كلامه وهو يتصنع بعض التعب.
.
امير بخوف عليه:بعد الشر عليك يا جدى...حاضر هعمل كل اللى انت قولت عليه ممكن بقا اقفل علشان لو ايجت.
.
الجد بفرحه:طبعا يابنى يلا سلام.
.
ثم اغلق الخط وقال الحاج صالح لنفسه:معلش بقا يا امير صحيح قولتلك كلام وليها كلام تانى خالص بس انا عايز اجامعكوا  مع بعض علشان انا حاسس ان هى دى اللى لازم تكون مرات حفيدى.
.
اما عند امير فسمع صوت صراخ خارج المكتب ففتح الباب وصدم مما رأه.
.
كانت نور ممسكه بشعر ملاذ وتقول:انت اى يا بت انت ها انت عايزه اى احترمى نفسك شويه.
.
اما ملاذ فكانت تتأوه كثيرا ولم تستطع السيطرة ع نور نظرا لغضبها:ابعدى عنى انت بتوجعينى دا كله علشان كنت هدخل لامير من غير اما اقولك انت مفكرة نفسك اى.
.
نور بغضب:انا هنا...
.
قاطع كلامه صفعه ع وجهها من امير وكانت هذه اول مره يضرب فيها فتاه.
.
امير بغضب:سبيها.
.
نظرت نور له بصدمه شديده وما زالت ممسكه بملاذ.
.
امير وهو يبعد يدها عن شعر ملاذ:قولت سبيها.
.
ملاذ وهى تختبئ خلفه وتمسك بقميصه من الخلف وتبكى:ابعدها عنى يا امير.
.
امير بغضب لنور:انت اتجننتى اى اللى انت عملتيه دا.
.
نور وهى تحاول التبرير:انا مش عملت غلط انا عملت شغلى هى كانت عاوزه تدخلك كدا من غير اذن ولما مش وافقت هى عاندت فمسك.....
.
قاطعها امير بحده:هى تدخل المكان اللى هى عايزاه دى هتبقا مدام امير الانصارى مفهوم ودى اخر فرصه ليكى هنا ولو عملتى حاجه تانيه حسابك هيكون كبير اوى يا نور مفهوم.
.
لم يتلقى اى رض فقال بحده اكبر:مفهووووم.
.
نور وهى تنتفض من مكانها:مفهوم.
.
ثم اخذ ملاذ التى كانت تبكى خلفه ودخل بها الى المكتب.
.
نور بغضب:انا اتضرب منه علشان واحده زى دى انااااا...... ولاء كمان دا بيقولى هتبقى مراتى ازاى وامتا لاء مستحيل دا يحصل.
.
عزام من خلفها وقد كان يراقب كل ما يحدث:انا عندى فكره علشان نخلص منها.
.
نور بتسأل:وانت مالك وعايز اى منها واى العداوه اللى بينك وبنها.
.
عزام بسخريه:اديها طولة عليا ومن اول مرة اشوفها هنا وانا عايز اعلمها درس.
.
نور بخبث:اى هى الخطه.
.
عزام بشرح:بصى يا ستى انا هكون ف الاسانسير ومش هخرج منه ابدا يعنى هخليه مشغول وهى لازم تنزل من ع السلالم وبعد كدا.............
.
ثم اخذ يقص عليها ما ستفعله هى بها.
.
وبعد انتهائه قالت:انا مستعده لكل دا وهعمل اى حاجه علشان اخلص منها حتى لو هتموت من دا فانا مش ليا فيه.
.
عزام بفرحه:يبقا تمام كونى جاهزه.
.
نور:حاضر.
.
عزام ف نفسه:شكله بيحبها علشان كدا لو ماتت هقدر بسهوله اخد منه الشركه دى باللى فيها.
.
.
--------*****--------
.
.
ف نفس التوقيت دخلت ملاذ مكتب امير وكانت تبكى بشده نتيجه الامها.
.
امير وهو يمسح دموعها بيده: خلاص بقا مش تعيطى علشان خاطرى.
.
ملاذ ببكاء:راسى بتوجعنى اوى.
.
قام امير واخذ يدلك فروة رأسها وهى لم تعترض ابدا فهى تألمها وبشده.
.
وبعد فترة قالت وهى ف قمة خجلها:شكرا يا امير انا عدت احسن.
.
امير بهدوء:تمام ندخل بقا ف الموضوع اللى انت جيتى علشانه.
.
ملاذ بخجل:اتفضل.
.
امير بتنهيده قويه:طبعا انت عارفه سبب جوازى ليكى اى وجدى قال لباباكى ع كل حاجه وع اللى اتفقوا عليه بس لو عايزه اقولهولك تانى.
.
كان امير يأمل ان توافق ع ان يقول لها كل شئ فهو معتقد ان جده قال لهم مثل ما قال له وكان يريد ان يغير وجهة نظر ملاذ وان ترفض هذا الامر وعندها سيقرر ان يتزوجها ولن ينفصل عنها ولكن كل اماله تحطمت عندما قالت:لاء بابا قالى ع كل حاجه وانا عارفه انك متجوز وانت عارف انى مطلقه فمفيش مشكله بس انت لو عندك اى مشاكل ممكن تقول.
.
امير بحزن:لا انا كدا تمام المهم انت موافقه ع الجواز دا انا من نحيتى فأنا موافق.
.
ملاذ بصمت قليلا ثم قالت له:و... وانا موافقه.
.
امير بفرحه لا يعلم سببها حتى وان لم تدوم من وجهة نظره.
.
اما هى فلا تعلم لماذا وافقت بهذه السرعه فعندما كانت تقابل اى شاب كانت تفكر لايام وف النهايه ترفضه اما هذا ففكرت لثوانى ووافقت عليه بسرعه.
.
امير باستغراب:انت روحتى فين.
.
ملاذ باستوعاب:ها...لا مفيش.
.
امير:تمام.
.
ملاذ:طيب همشى انا بقى بدام اتفقنا ع كل حاجه.
.
امير:استنى.
.
ملاذ باستغراب:نعم.
.
امير بصرامه:انا لسه مش خلصت كلامى.
.
ملاذ بتسأل:طيب قول اللى انت عايزه.
.
امير:احنا دلوقتى ف حكم المخطوبين يعنى كل تحركاتك تكون معايا روحتى فين هتروحى فين تخرجى من البيت من غير استأذان دا ممنوع مفهوم.
.
ملاذ بغيظ:هو اى التحكم دا بقا.
.
امير ببرود:دا اللى عندى وانت هتنفزى كل دا هديكى رقمى وانا هاخد رقمك وهتصل بيكى ف اى وقت انا عايزه وتردى عليا مشغوله مش مشغوله مليش فيه مفهوم.
.
ملاذ بغضب:يعنى اى يعنى دا كله انت مستنى منى اقولك حاضر ومفهوم.
.
امير وهو ينظر لها نظره اخافتها:اه.
.
ملاذ وهى تحاول التحلى بالشجاعه:لاء.
.
امير وهو يقف ويتجه لها ويضع يديه ع يدى المقعد الذى تجلس عليه ويقترب منها:مفهوم.
.
ملاذ بخوف شديد:حاضر حاضر مفهوم.
.
ثم تراجع الى الخلف عندما شعر بقلبه ينبض بسرعه شديده عند اقترابه منها وقال:خلاص خلصت كلامى تقدر تمشى.
.
ملاذ بتنهيده:بعد ازنك.
.
ثم اتجهت الى الخارج لتأخذ نفس عميق يعد اقتراب امير منها لهذه الدرجه فعندها شعرت بشئ غريب يقتحم قلبها.
.
.
-------*****------
.
.
ف نفس التوقيت كانت ملك تقف امام شركه عمر الصاوى.
.
ملك بتوتر:انا شطورة وهقدر اعمل كل حاجه.
.
ثم دخلت الى الشركه وقابلها احد العمال.
.
ايمن:اى الجمال دا.
.
ملك بغضب:ما تحترم نفسك يا جدع انت احسن ما الم عليك الشركه دى كلها.
.
ايمن باعجاب اكثر من ردها:حاضر يا ستى انا اسف مش كنت اقصد ممكن اعرف انت هنا ليه.
.
ملك ببرود:انا جايه هنا علشان اشتغل وعايزه اروح مكتب عمر بيه.
.
ايمن:طيب تعالى معايا وانا هوديكى.
.
ملك وهى تنظر للشركه بانبهار: لاء قولى المكتب فين وانا هروح لوحدى.
.
ايمن بابتسامه:مش هتعرفى تروحى لوحدك تعالى معايا مش تخافى.
.
ملك وهى تتبعه وتنظر امامها تارة وتنظر الى الشركة تارة اخرة.
.
ايمن:خلاص وصلنا.
.
ملك بامتنان:شكرا ليك بجد.
.
ايمن باعتزار:انا اسف ع اللى حصل من شويه انا مش كدا خالص والله.
.
ملك:عادى خلاص مفيش مشكله.
.
ايمن بمرح:اصحاب.
.
ملك بضحك:اصحاب.
.
ايمن بتسأل:بس انا مش عارف اسمك اى عموما انا اسمى ايمن.
.
ملك:وانا ملك.
.
ايمن بمرح:اسمك حلو اوى...احم المهم اتفضلى علشان مش تتأخرى.
.
ملك:حاضر بعد ازنك.
.
ثم توجهت الى مكتب عمر وطرقت الباب وعندما سمعت من الداخل وهو يأذن لها بالدخول دلفت اليه.
.
ملك بخجل:السلام عليكم.
.
عمر وهو ينظر لها بفرحه ويقف: وعليكم السلام اتفضلى.