الشفق السابع والعشرون
بـسم الله الرحمن الرحيم
عَـتـيـق
_متابعه للحـساب
_نجمة للاستمرار
_تعليقاتكم الحلوة بنات
كان صلبًا كالحجر،
وهل تعرف ماهو عيب الحجارة؟
جروحها تبقى محفورة، لا تلتئم ...
"""""""""""""""""
حاط ايدي على خدي وگاعد على الرصيف المفلش
ملابسي تربت واني ما هامني
اباوع للـطريـق واتحضر كل ما المح رجال يمشي
لو سيارة تمر
ضلمت الدنيا والشمس غابت والولد كلها دخلت بـ بيوتها واني على گعدتي سمعت صوت الباب ينفتح
وامي تندهني
"ادخل يما ، ادخل باع الدنيا ليلت مامش جية من ابوك "
اخذت نفس وزفرتة بضوجة وحسرة على حالنا
دخلت للبيت نزعت ملابسي واني بعدني واكف بالطرمة
امي عندها وسواس نظافة اذا دخلت بهاي حالتي يمكن تجلفني بالحمام ست مرات وما يرتاح گلبها
غسلت وجهي وشعري بالمغسلة واخذت من الحبل بجامة وي تشيرت مالتها لبستهن ودخلت للمطبخ
مسوية النـه ثريد خبز وحليب ، ودولكـة ماي
حجيت وياها
" يما ليش استعمـلتي حليب شذر اخاف يخلص "
الحور " جا شلون يما نبقة ميتين جوع "
هزيت راسي بمعنى لا وكتلها
" هسه ابوية يجي ويجيب النه مسواك "
YOU ARE READING
الـشـَفـق الأعـمى | 11
General Fictionمَن انا ! انا البـحر والمبحر انا الغريق الناجي أنا الغامضُ الواضِح أنا القاسي الـطيب هَــذا أنا هَذا أنا بـين نَـوري وظـلامي هَـذا أنا بين قُـوتي وضـعفي هذا أنا العـالق بين خط رفيـع بـين ماضـي ومُـستقبلي هذا أنا الذي لا يستـحملني غَـ...
