معك إلى عالم أخر©️

اسكريبت ( الحب القاتل)

كانت سما تعدل من ملابسها وتجهز نفسها لنزول الكلية لتشعر بدوار يعصف برأسها فجأة لتقع مغشى عليها لتأتي إليها صديقتها بالسكن مفزوعة عليها.

دنيا : بت يا سما مالك.. لتأخذ كوب من الماء وترش بعض القطرات عليها حتى تفيق وبدأت بعد فترة من الوقت لكن سرعان ما عاد الدوران مرة أخرى

سما : انا ايه اللي بيحصلي.... لتشعر بالغثيان فجأة فتجري الى الحوض... لتجد الدماء تنزل بغزارة من فمها وألم يفتك بمعدتها.

دنيا : يلهوي ايه ده... لا انتي لازم تكشفي مش هينفع تسكتي انتي اصلا بقالك فترة تعبانه.

سما بتعب : طب والمحاضرة.
دنيا: يا سيتي بعد المحاضرة نروح للمستشفى اللي عند الجامعه وبالفعل نزلوا المحاضرة وكانت تشعر سما بالتعب الشديد حتى جاء إليها عمرو زميلها بالكلية..وكانت تحبه كثيراً.

عمرو بابتسامة : ايه مالك يا قمر... شكلك تعبان
سما : لا شوية تعب بسيط.. انت اخبارك ايه
عمرو : مش عارف انام من غيرك.. يهون عليكي انام وانا زعلان منك
سما بتوتر : ما هو انت اللي طلبك غريب بصراحه.
عمرو بعصبية : لييه وايه الغريب اصلا وهي اول مرة يعني ما انتي جيتي قبل كده.

سما : وطي صوتك لو سمحت... ايوة جيتلك البيت لانك كنت تعبان وقلقت عليك بس من ساعتها وانا حياتي متلخبطة... بص انا هكلمك بليل لاني فعلا مش حمل اي حاجه وتعبانه جدا... لتبعد عن نظره وكان ينظر لها بغضب فأبتسم لفكرته وعزم على إنهائها... ثم يعبث بهاتفه وبعدها يغلقه فجأة.

بعد أن انتهت سما ودنيا من محاضرات اليوم ذهبوا للدكتورة.
الدكتورة بابتسامة : مالك يا قمر بتشتكي من ايه.

سما : بطني يا دكتور فيها ألم شديد وكمان النهارده رجعت دم ومش عارفه من ايه لاني عادة مش باكل من أكل الجامعة

فحصتها الدكتورة ثم ابتسمت لها : لا متخفيش انتي بس كل اللي محتاجاه تتغذي كويس لاني في بيبي مشرف على الوصول.

سما بصدمة : بتقولي ايه.. لا مش فاهمه
لتكرر الدكتورة ما قالته : ايه بالظبط اللي مش فاهماه انتي حامل يا حبيبتي الف مبروك.

خرجت سما هي ودنيا من عند الدكتورة والصمت كان حديثهم.
سما بدموع : انا مش فاهمه حاجه ازاى انا حامل.

دنيا : انتي هتعمليهم عليا يا سما.. انتي بنفسك قولتيلي انك بتحبي شخص اكيد طبعا انتي وهو.. ولم تكمل كلامها

سما : انتي تعرفي عني كده يا دنيا لتمشي من امامها وتتصل على عمرو

عمرو : كنت عارف ومتأكد انك مش هتسيبيني زعلان منك.

سما : انا لازم اشوفك حالا..
عمرو : تمام تعالي الشقة
سما : لا خلينا في كافيه احسن
~: انا قولت الشقة والا مش هيحصل طيب وعشان تعرفي انا بحبك اد ايه محضرلك مفاجأة
سما بعصبية : انا قولت لا مفيش شقة
عمرو بابتسامة خبيثة : طيب افتحي موبايلك وشوفي الرسالة القمر اللي مبعوتالك.

لتفتح سما رسالته وتنصدم مما تراه.. صور لها معه بالغرفة وكانت الصور جريئة جدا

سما بدموع : حرام عليك.. ليه تركبلي صور لييه انا حبيتك
عمرو بضحك : لا وحياتك دي مش تركيب دي حقيقة..
سما بصدمة : ليه عملت فيا كده يا عمرو لييه عملتلك ايه

عمرو : اخلصي وتيجي على الشقة.. لو اتأخرتي صورك هتكون منورة يا قلبي كل حتة.

مسكت نفسها كي لا تتهور ونظرت للسكين التي بيدها ثم وضعته بين ملابسها حتى تتخطى أمن الجامعة بسلام.

وصلت سما للمبنى وبداخلها كره لذلك الشخص التي أستأمنته على نفسها واعطته قلبها وبالأخير خانها كانت صدمات متتالية فوق بعضها

طرقت سما على الباب ليفتح لها عمرو وكان يبتسم لها وينظر لها نظرات غريبة.

دخلت سما ودقات قلبها تكاد تسمعها.
عمرو اقترب منها لتبعد عنه وتنظر له بغضب وكره بادي عليها : أموت في الشراسة ايه يا بت الجمدان ده.

سما : ابعد عني يا حيوان.. انت اكتر انسان قذر قابلته في حياتي انا بكرهك يا عمرو فاهم يعني ايه بكرهك.

عمرو : مش مهم المهم اني استمتع بيكي شوية وبعدين كان منظرك قمر اول مرة جيتي هنا يااه لما نيمتك  وعملت اللي كان نفسي اعمله.

سما بدموع : انا حامل يا عمرو
عمرو بصدمة  : ايه.. حامل ازاي يعني
سما: حرام عليك اللي عملته فيا.. ترضى حد يعمل كده في اختك

عمرو : لا انتي هتعمليهم عليا ارمي البلوة دي على حد تاني انا بره.. وخليكي زي الشاطرة كده نقعد نقضي شوية وقت حلوين بدل ما صورك يا هانم تتنشر وكمان اهلك لو شكوا ان الصور متفبركة ففي بيبي جاي يا قمر.. انا هقوم اجيب شوية حاجات نشربها ونتسلى بيها وانتي قومي غيري لبسك ده.. عاوزك النهارده تغيريلي المود

ليدخل المطبخ وهي تمسح دموعها وبعدها تخرج السكين وتأتي وراءه ورفعت السكين لتقوم ب....
💢💢💢💢💢💢💢💢💢💢💢💢💢💢💢💢
رأيكم يهمني جدا والتفاعل اكيد بيخليني اكمل فأرجو من اي حد بيقرأ يقول رأيه وايه لو في حاجه مش عجباه
#اسكريبت الحب القاتل
#ندا خالد