كان يمسك بكوب ليفلت من بين يديه كاد هو أيضا ان يتهشم مع ذلك الكوب على ما رآه فكان اخيه غارق بدمائه ... لينظر لآرابيلا وتنزل دموعه
تيم كانت تخرج كلماته بصعوبة فدموعه قد علمت مسارها : هو... هوو ده اخويا بجد لتبتسم له وتومأ برأسها فيقترب منه ويجثو على قدميه ليلمس وجهه ثم يحتضن جسده بين يديه ويبكي بشدة فكان يتفقده كثيرا
كانت آرابيلا تنظر له وعلى وجهها ابتسامة ارتسمت دون ارادتها فهي لا تعلم ما سر الراحة الغريبة التى تراودها عند رؤية تيم وخاصة عندما تأكدت من كذب والدتها لترمش عدة مرات عند تذكرها ما حدث
وقف تيم فجأة لتنتبه له
آرابيلا :? What happened
تيم وهو يرتعش بخوف وينظر لها : نفسه ضعيف
لتشهق نورة بخوف وترجع خطوة للوراء وهي تنظر له كادت أن تقع إلا انها استندت على احد المقاعد الموجودة لتتحدث مع نفسها : انا اكيد بحلم... ايوة انا بحلم لتغلق عينيها مهدئة نفسها
آرابيلا : متقلقش.. انا عارفه كويس هو بيمر بأيه
تيم بغضب : انتي ايييه بالظبط مش كفاية اللى انا في عاوزه تضيعي مني اخويا كفااية محدش هيقربله
آرابيلا بهدوء يكاد ينفز : ممكن تهدى شويه انا هعالجه وصوتك ده لو طلع صدقني مش هيكون في صالحك لتختفي من امامه قبل ان ينطق بكلمة
نورة وهي لا تفهم ما يحدث اقتربت من تيم ودموعها تنزل على وجنتها بخوف : متقلقش عليه هيبقى كويس لينظر لوجهها فيهدأ من غضبه ويحاول ان يمتص كل الطاقة السلبية حتى لا ينفجر
تيم وهو يأخذ نفس عميق : انا مبقتش مستوعب اللي بيحصل والله تعبت لينظر لنورة ويبتسم... انا في العادة مش بتعصب كده متخافيش اوي كده
نورة وهي تتصنع القوة : انا مش خايفة على فكرة
ليضحك رغما عنه : والله ضحكتيني ومكنش ليا نفس المهم انتي جايه هنا ليه وليه حاسس اني شوفتك او اعرفك
لتومأ له نورة : انا عارفاك اصلا... انت تيم اللي كنت مع حلا ساعة الحادثة
تيم بدهشة : انتي تعرفي حلا ازاي وحادثة ايه ليتذكر... ااه قصدك لما وقعنا من المبنى
نورة : ايوة بالظبط وبالنسبة اعرف حلا منين ف حلا تبقى اختي الكبيرة
تيم : وجيتي هنا ازاي ولا الاستاذة خطفتك
نورة بضحك : اهي الاستاذة اللي انت مش طايقها دي انقذتني في اخر لحظة انا واخوك
تيم : ليه هو ايه اللي حصل بالظبط... لتقص عليه ما حدث... يعني ابن خالتك وعمك كانوا السبب في كل اللي بيحصلكم ده... للدرجادي الدنيا وصل ليها كده الناس بقت بتاكل في بعضها
نورة : الحمدلله... تعرف ان لولا المشاهد اللي بتظهرلي كنت صدقت انكم موتوا
ليستغرب من ما سمعه : مشاهد ايه
نورة : انا كنت بشوف..وقبل ان تكمل ظهرت آرابيلا فجأة لتصرخ نورة بفزع
آرابيلا : في ايه مالك ده انا مش حد تاني ثم تنظر لتيم بقرف... وكنت بحضر الخلطة لاخوك
ليقف وينظر لما بيديها فيجد سكين غريب لتتسع حدقت عينيه : انتي هتعملي ايه ده محتاج لجهاز تنفس مش تموتيه
YOU ARE READING
معك إلى عالم أخر©️
Science Fictionما بين عاملنا وعالم مليئ بالغموض والخيال، أُحب أن أخذكم معي إلى عالم الفوضي عالم لا يعرف المستحيل ولتسبحوا فى أعماق تلك الرحلة عليكم بإلتزام الصمت 🤫 فما ستراه أعينكم لا يجب أن تخبروه لإحد . ستجدون قلوب متيمة بالعشق وستجدون الشر يحوم لتفرقتهم، ستجد...
