هلا فيكم
شلونكم شخباركم؟
إن شاء الله بخير💖
المهم خلونا من ذا الكلام وأخيرا بكتب ذا البارت ماباقي على إجازتي غير أسبوعين دراسة غير أسبوع الإجازة لنص الترم الثاني واسبوع الأختبارات كلها ثلاث أيام بس الي بختبر فيها
كل ذا البارت هو مواضيع سألت عنها وحدة حلو
سوو مابطول عليكم
——————————————————
١- الشيفتنق
أعرف مصختها وأنا من زمان قلت بتكلم عنه بس آسفة لأني تأخرت
أوك ذا الموضوع بشرحه قبل وبعدها بكتب تجربتي معاه
الطريقة الي بستخدمها هي طريقة جوليا
-الطريقة-
أولاً: خذي أي وضعية مريحة بالنسبة لك
ثانياً: تأملي عشان تسترخين وحاولي تفضين عقلك من الأفكار وتسترخين
ثالثاً: كرري (أنا) ببطئ لين ماتحسين بعلامات مثل الوخز، تخدر الأطراف، أضواء بيضاء مو لازم تجيك العلامات هذي كلها
رابعاً: عدي من ١ إلى ١٠٠ أو العكس ببطيء وقولي التوكيدات بين كل رقم ورقم الي هي "سأنتقل إلى عالمي، نعم أنا أستطيع، الشيفتنق سهل بالنسبة لي.." من هنا العلامات بتزيد
خامساً: بعد ماتخلصين عد أبدأي عرفي عن نفسك أسمك عمرك لون شعرك لون عيونك واصلي تعريف نفسك لين ماتحسين جسمك أنفصل ولاتتسرعين وتفتحين عيونك قبل تتخيلين الDR الي تبغينه بالتفصيل
سادساً: هنا بتبدأين تشمين روايح وتسمعين أصوات من العالم الي تبغينه وتحسين بوجودك فيه الأفضل تكتبين في السكربت أن عيونك تنفتح تلقائيا لما توصلين للعالم -بشرح السكريب وبعطيكم طريقته-
أهم شو وقت الي تسوونه تكون عندكم طاقة إيجابية
وبعد مايصير تجربينه أيام ورى بعضها مرة كل أسبوع تكفي
-السكريبت-
هو تعريفك عن نفسك يشبه السيرة الذاتية وبعض الأشياء الي تبغينها هو في له نماذج كثيرة بس الي أخذته سهل مافيه تفاصيل كثيرة بكتبه لكم
الأسم : -عادي تكتبين أسمك أو لقب لك-
العمر : -تبين عمرك نفسه أو تغيرينه عادي-
الطول :
الوزن :
لون الشعر :
لون العينين :
المظهر :
العالم المرغوب : -المكان الي تبغينه عالم أنمي أو مسلسل-
كلمة الإنقاذ : -ذي الكلمة إذا قلتيها تطلعين من العالم الي دخلتي له-
الشخصيات الموجودة : -أختاري من تبغين تشوفين نختار مسلسل فتيان ماقبل الزهور تبغون تقابلون جان دي مثلا وغو جون بيو بس هذا مثال-
خصائص عالمي : -كتبي الأشياء الي تبغينها في عالمك مثل لما توصلين أيش الريحة الي بتشمينها مثلا أو الشعور الي بتحسين فيه مثل أن شخصية بتصحيك من النوم-
الشعور : -بتكتبين الأشياء الي تبغين تحسين فيها يعني تشمين وتحسين بكل شي (لكن لا أموت أبداً)-
فرق الوقت : -حددي الوقت في ال CR كم يساوي في الDR وبعد (سأتذكر كل شي حصل في ال DR عندما أعود إلى ال CR والعكس صحيح)-
الأصدقاء : -تحددين أصدقائك في الشيفتنق حقك-
وصف العالم : -وصفي العالم الي تبغين تروحين له والأحسن يكون بالتفصيل-
طيب هذا هو السكريبت
الCR ذا هو عالمنا
الDR ذا هو الشيفتنق حقك
الكلام الي عليه أقواس أحسه مهم أنا كتبته في السكريبت حقي
-تجربتي-
بجربه لأربع أيام وبكتب تجربة كل يوم بإذن الله
• اليوم الأول : جربت مرتين ماضبط معاي تقريبا
• اليوم الثاني : كل شي كان تمام بس صوت الهوا قوي و ماقدرت أتخيل تمام
• اليوم الثالث : ضغط إختبارات ولا سويت
• اليوم الرابع : إجازة بس مع ضغط الشغل نسيت
أتمنى أن الشرح واضح ومفيد
ملاحظة: كل يوم جربته فيه في أسبوع لحاله مايصير تسوينهم في أيام قريبة من بعضها ويقولون الأحسن مرة كل أسبوعين تقريبا مو زين تكثرين ويكونون أيام قريبة من بعضها خلي بينها فترات
——————————————————
٢- سبلمنال العائلة البيولوجية
بشرحه بس مو بالتفصيل "ما أنصح فيه أبداً أبداً"
هو بإختصار نفس السبلمنال العادي من بعد ماتسمعينه لفترة راح تتغير أشياء كثيرة
طبعا العيلة هاذي أنتِ بتتخيلين كل شي يخصها وأنتِ بعد
ما فيه شي أشرحه بس أحس مايصير أنك تعيشين مع أهل مو أهلك مهما كان أهلك هم أهلك مهما صار ناس غريبة ما تعرفينها ولا مرة شفتيها ولو أنتِ الي تخيلتيها ذا يعني أنها مو حقيقية وما هي موجودة أساسا سوو أحس لا لحد يسويها بس حبيت أبحث عن الموضوع وأتكلم عنه بإختصار بما أن بنت سألتني عنه
بس شرح وتوضيح مو أكثر وأعيد مرة ثانية لا تسوونه
——————————————————
٣- الخاطف السحري
"ما أنصح فيه أبداً أبداً"
هو نفس الموضوع الي فوق بتتخيلين كل شي
بس مع الوقت أهلك بيصيرون ما يهتمون لك ولا أحد من أقاربك ولا أي أحد في العالم حرفيا العالم كله مافي أحد بيهتم لك أنحطفي أوك وأيش صار حرفيا بتكون ذي ردة فعلهم وممكن يفرحون إذا أنخطفتي وطبعا ذا الشي مو حلو أن الناس تفرح بأذيتك
وثاني شي أوك أنتِ بتتخيلين كل صفاته بس مع الوقت بيصير مستقل ماتدرين وش يسوي بعدين سو ما أنصح فيه أبداً
——————————————————
وفي الآخير أتمنى ان شرحي كان واضح وأستفدتوا
I love your smile. So I want too see your beautiful smile 🦋 💖.
Be happy & take care from yourself ❤.
Bye ❤.
