في خصرها الناحل مجاعة مساكين وفي ردفها شعب من العز بطران

Part 37

.
.
جلست قبالة وهي مبتسمة ، بلعت ريقها ونزلت عيونها ليدينها..
رفع راسها بطرف صبعة وباس ايدها:تكلمي وشعندك!!..
بللت شفتها بلسانها وسحبت ايدينها من يدينة وتكلمت بالاشارة(ادري بتقول عني مجنونة وموصاحية بس)..
عقد حواجبة..
نزلت خولة عيونها وردت ناظرتة(سهيل انا ابي اتبنى اطفال زيادة)..
مسك ايدينها وضغط عليهم وابتسم:موجنون بالعكس هالشي حلو ، ناظرها ، بس لية ماتحملين انتي بالاطفال!..
ضحكت بأستهزاء(وكنك ماتدري؟)..
سهيل:الطب تطور في ستمية حل اذا ماقدرنا نعالجك ، واحد من اخواي زوجتة عندها مشكلة بالانجاب وسووت تلقيح صناعي وحملت وماشاءالله ولدهم عمرة سنتين وء ، اخذ نفس ، اسمعي انا كنت جالس اجهز لهالموضوع ، رح نسافر عشان تتعالجين رح اخذك لاحسن الاطباء وبأذن الله رح تحملين وتجيبين اخوان للجازي وايوب..
نزلت دموعها ودفنت راسها بصدرة..
.
.
فزت من نومها وهي تتنفس بقوة وشدت على المفرش وعضت على شفتها ودموعها تنزل ، ناظرت صيتة اللي غافية ع الكنب وناظرت الساعة المعلقة ع الجدار ، تأخر الوقت جت الساعة 9 بالليل وماجا للحين ، اخذت جوالها وبيدين ترججف اتصلت على عفراء وتكلمت بهمس والم:ع عفراءء تكفين تع ـالي..
رمت الجوال جمبها وهي تتلوى من الالم ، ثواني ودخلت عفراء بسرعة وبخوف:وششفيك!!..
اشرت لها ميرال ، ناظرت صيتة ومشت لميرال بسرعة وبهمس:وشفيك! ، تحسين بشي تبين اكلم ظافر يوديك المستشفى!!..
هزت راسها وهي مغمضة عيونها..
صعدت عفراء بسرعة وقالت لظافر ونزلت وهي لابسة عباتها ، اسرعت لميرال وساعدتها تلبس عباتها واسندتها وطلعو..
ركبت السيارة وركبت عفراء جمبها وناظرت ظافر:ظافر كلم عبدال..
قاطعتها ميرال:لااء ، غمضت بألم ، لاتكلمون عزيز ، ماابية يدري..
عقد ظافر حواجبة وناظر عفراء من المراية..
ناظرتها عفراء وردت ناظرت ظافر:حرك حرك البنت تتلوى من الوجع!!.. .
.
.
تسند ع السياج وبملل:ياابن الحلال ترا طولنا امش خنرد..
عبدالعزيز وهو ضام الابل بذراعة وبيدة الثانية يمسح عليها:بس شوي..
تأفف صقر:ياخي تراك ماتنعطى وجة من المغرب وحنا هنا وهالحين جت الساعة 11 ، انا ابمشي انت الظاهر ناوي تبات هنا الليلة! ، فرك وجهه بقوة..
تجاهل صقر واتصل على صيتة:هلا بالغالية..
صيتة:ه هلا هلا عزيز..
عقد حواجبة:فيك شي؟؟..
صيتة:لا بس غفت عيني شوي تو صحيت على رنة جوالك ، متى بترد!..
عبدالعزيز:مارح اطول ، ساعة بالكثير وانا عندكم ، ميرال جمبك؟..
صقر بصراخ:سسسسساعةة!!..
صيتة:نايمة ، تبيني اصحيها لك؟..
عبدالعزيز:لالا خليها ترتاح ، يالله ابسكر الحين..
صيتة:انتبة على نفسك..
سكرت ووقفت ، مشت للسرير تتطمن على ميرال ، استغربت انها مو بالسرير واعتقدت انها بالحمام ، طلعت وراحت المطبخ سوت عشا خفيف لميرال وردت الغرفة ، حطتة ع الطاولة وجلست تنتظرها ، استغربت عشانها طولت ، راحت عند الحمام وضربت الباب وماردت ، فتحت الباب وماشافتها ، طلعت من الغرفة ودورتها بالبيت وماشافتها وارتعععبت ، جلست ع الكنب وهي تتنفس بقوة:ياربي وين راحت فيةة!!..
نزلت شمايل بخطوات كبيرة:ماهي عند حسنا ومافية حد بجناح ظافر..
فريال:يي مايكون صار فيها شيء!!..
ضربت شريهان صدرها وناظرت صيتة:ي نهار اسود!..
حسنا بخوف:اتصلي على ظافر واسألية..
اتصلت صيتة وهي تهز رجلها بتوتر..
.
.
جالسة ع الكرسي تهز رجلها بتوتر ، رفعت راسها وناظرتة:موكن طولو؟ لهم ساعتين ونص ، تأففت ووقفت وصارت تفتر بالسيب وهي متوترة وتدعي لميرال تولد بالسلامة..
رن جوال ظافر ، ناظر الاسم وهو عاقد حواجبة ورد بهدوء:هلا..
صيتة بخوف:ميرال مدري وينها!..
تنهد ظافر وناظر عفراء:هي بالمستشفى..
صرخت صيتة:ايشش! ، وششفيها؟؟..
ظافر:مافيها الا العافية لاتحاتين..
صيتة:وش اللي مااحاتي وانت تقولي انها بالمستشفى؟..
اخذت عفراء منة الجوال:هلا خالة ، ميرال جاها الطلق وهالحين هي بغرفة الولادة مابعد تولد وتو طمنونا عنها..
صيتة بهلع:خلاص شوي وجايينكم انا وعمكم ، سكرت..
سكرت ومدت الجوال لظافر ، اخذة وجلس ع الكرسي وغطى وجهه بيدينة ، جلست جمبة واسندت راسها على كتفة..
.
.
.
.
مشت اتجاههم بخطوات كبيرة وبخوف:هاة بشرو!..
قاطعها بومطلق بسرعة:ولدت؟؟ ، وشجابت!!..
عفراء:للحين..
فزو اول ماطلعت الدكتورة..
راح لها بومطلق اول واحد:هاة بشري!..
الدكتورة:الام وعيالها بخير ، الحمدلله على سلامتهم ومبروك ماجاكم..
بومطلق بسرعة:وششجابت!!..
الدكتورة:ثلاث اولاد وبنت..
تهلل وجة بومطلق:الف الحمدلله والشكر لك يااارب ، ابشوف العيال..
الدكتورة:بعد نص ساعة بياخذونهم على غرفتهم تقدرون تشوفونهم هناك ، عن اذنكم..
جلس بومطلق ع الكرسي واسند راسة براححة ، ناظر الموجودين وهو عاقد حواجبة وناظر ظافر:عزيز وينة!!..
ظافر:اءء ، م ممادري..
عدل جلستة:ابك صصاحي انت! ، وراة ماخبرتو هالثور ان حرمتة ولدت ، طاس بالبادية ولا يدري عن هوا دارة ، تدري شلون!! ، خلوة على عماة لا يدري ، طلع من جيبة بطاقة الصراف ومدها لظافر ، هاك رح اسحب اربعين الف ورح محل ورد وجهز لي اكبر باقة ورتب الفلوس فيها ، لاتطول..
وقف ظافر:ابشر..
.
.
جالسين بالصالة ومتوترين كلهم..
شمايل:تهقون ميرال ولدت؟؟ ، اففف يارربييي محد دق وطمنا..
شريهان:مبعرفش دنا خايفة عليها ، تنهدت ، ربنا يحميها..
فريال:تتخيلو تخلف صبيان ولا بنات؟..
شريهان:اي حاقة تيجي من عند ربنا ، اهم حاقة تمام الخلقة وان ميرال تقوم بالسلامة ، ادعولها..
شوي وانفتح الباب وفزو..
دخل صقر ووراة عبدالعزيز..
صقر:اخر مرة اجي معكك ، ثمان ساعات يالظالم جالسين بين البعر والخياس ، رفع ياقة ثوبة وشمة وهو عافس وجهه ويخز عبدالعزيز ، حسبي الله ونعم الوكيل ابروح اتسبح خسسست..
عبدالعزيز:السلام ، مشى بيدخل جناحة..
استوقفتة شريهان وهي عاقدة حواجبها:مراتك ولدت؟؟..
لف وناظرها بعدم استيعاب وفهم:هاة؟؟
شهقت شمايل:لايكون ماتدري!!..
هزت فريال راسها:لا لا لا انت عنجد مانك طبيعي ، مرتك إلا اكتر من تلات ساعات بالمستشفى وانتا مانك داري عنا!!..
رن جوال شريهان وردت بسرعة:هااة ، تغيرت تعابير وجهها ، كللللللللللويششششش الف الف مبروك ي حبيبي ، ميرال جمبك؟ اديها الموبايل عايزة اتطمن عليها ، اهلاً اهلاً ي حبيبتشي الف مبروك هاة الولاد حلوين زيك؟؟..
.
.
بالمستشفى عند ميرال..
متجمعين كلهم عندها ومن فرحة بومطلق ماعارض ابد ان حريمة وبناتة يجون المستشفى وهم ماصدقو وجو مع صقر..
فريال بفرحة:ياروحي الف الحمدلله على سلامتك..
ابتسمت ميرال وبتعب:الله يسلمك..
جلست شريهان على اطرف السرير وبيدها حافظة طعام:الحمدلله على سلامتك وسلامة الولاد ، فتحت الحافظة ، كلي دة عشان يقويكي وبعدها اشربي دلة الحلبة كاملة مش حسيبك الا لما تخلصيها..
صيتة والفرحة موسايعتها مسحت على كتف ميرال:اي يمة زين الحسو والحلبة عشان يقوونك..
شمايل:يووة الله يعيننا ع الريحة..
رن جوال صيتة وردت:ياهلا بومطلق ، تغيرت تعابير وجهها للفرح ، زين زين جايين هالحين ، سكرت وناظرتهم ، يلا نشوف التوائم جهزوهم..
اسرعو كلهم وطلعو متحمسين يشوفونهم..
رفعت ميرال راسها وشافتة واقف ومتكتف يناظرها وهو ساكت ، صدت بعيونها واشغلت نفسها بالاكل..
عبدالعزيز بهدوء:سويتيها!!..
ناظرتة وصدت..
قرب:سويتي اللي ف بالك ، الكل درا قبلي بولادتك..
ميرال بدون ماتناظرة:مومشكلتي ، مولو انت موجود جمبي كان انت بنفسك اللي اخذتني للمستشفى ، ناظرتة ، يلا خل البادية والغنم ينفعونك..
ابتسم يبي يستفزها:اكيد بينفعوني ، اصلاً محد نافعني كثرهم..
ابتسمت وتمت تناظرة ببرود..
اخذ نفس وصد بعيونة:وشتبين تسمينهم!..
ناظرتة بدهشة:ماراح تسميهم انت؟؟..
عبدالعزيز:لا دامك سويتي اللي براسك وماعتبرتيني موجود سميهم انتي ، بس ياليت تسمين الكبير على ابوي تقديراً لة ، ناظرها ، الحمدلله على سلامتك ، طلع..
عقدت حواجبها وتمت تناظر الباب:حسست جد ان تصرفها جداً غبي ، توها تحس انة غلط ان الكل درا بولادتها وعبدالعزيز اخر من يعلم..
فتح الباب ودخل وبهدوء:اخواني يبون يباركون لك..
صقر من ورا الباب:الحمدلله على سلامتك ياام متعب ومبروك ماجبتي..
ظافر:الف الحمدلله على سلامتك وسلامة التوائم ي بنت العم..
ردت عليهم بهدوء وهي تناظر عبدالعزيز ، استأذنو صقر وظافر وجا عبدالعزيز بيطلع ، استوقفتة ميرال بسرعة:عزيزز!!..
.
.
.
.
جا عبدالعزيز بيطلع ، استوقفتة ميرال بسرعة:عزيزز!!..
لف يناظرها..
ميرال:جيب معك لي شي اكلة من امس وانا على لحم بطني..
ناظرها بصدمة:هاة!!..
ميرال بأبتسامة:ابي شي اكلة..
عبدالعزيز بقهر:طيب..
ضحكت بعد ماطلع وتسندت:هين ي عزيزوة والله لااسنعك على ايدي..
انفتح الباب ودخلو وهم يتكلمون ومتحمسيين ومبسوطين ويسولفون عن التوائم..
شمايل:اففف ياربي كييوت ماشاءالله..
حسنا:ي عمري صصغار ويجننون..
جلس بومطلق ع الكرسي اللي جمب السرير واشر على باقة الورد اللي فيها الفلوس:هالهدية للورعان وانتي هديتك ڤيلا ابسجلها بسمك..
ابتسمت ميرال:ماتقصر ي عمي والله يكثر خيرك..
دقت فريال شريهان بكوعها وبهمس:يي سمعتي شورح يعطيها!! ، احنا لما خلفنا الولاد مااعطانا متلا!..
شريهان:متحسديش البت ي ولية ، حركت جسمها وبفخر:انا ملاني دهب بأدر اشتري فية ثلاث ڤلل ، ناظرتها وبمبالغة ، كرسي جابر اللي اداني اياة لما خلفت ابني غانم الله يرحمو بأدر اشتري فية لوحدو ڤلة..
انقهرت فريال وصدت وهي تهز رجلها ، عقدت حواجبها بعد ماانتبهت لوجة رهام الاصفر وواضح انها تعبانة:رهام شبك؟..
رهام بتعب:مافيني شي ، ابخلي حد من اخواني يردني البيت ، مشت وطلعت برا الغرفة شافت ظافر جالس ع الكراسي مشت ناحيتة بتعب وماتحملت بعد مااشتد الالم:اااءة ظافر..
فز لها ظافر بسرعة ومسكها واسندها:وشفيكك؟؟..
رهام ببكى:مدري مدري بطني يوجعني ااةة ، ناظرتة ، شكلي ابولد..
تلافت ظافر وصار ينادي الممرضات شوي وجوة ثنتين يسرعون..
الممرضة:ايش في سير؟؟..
ظافر:اختي بتولد..
راحت وحدة منهم بسرعة جابت كرسي متحرك وجلسوها واخذوها ، لحقهم ظافر وهو متوتر واتصل على امة:الوو يمة ، رهام شكلها بتولد..
.
.
جلست جمبة وهي تلعب بيدينها:احمم مصعب ، ااء حرمة عزيز اخوي ولدت عادي اروح ازورها؟..
ابتسم وهو يتأمل ملامحها:اجهزي..
باستة وركضت بفرح تجهز وخلال دقايق خلصت ، وقفت قبالة وهي لابسة عباتها ومتسترة بالكاامل..
ناظرها بأعجاب بسترها وقام ، باس راسها وراح يلبس ثوبة ، وقف قبال المرايا يشخص بعدها تعطر ولبس ساعتة ولف يناظرها:يلا؟..
هزت راسها ومشت معاة ونزلو..
جت عهود تركض:زين نزلت سهلت علي اني اتعنى واصعد لك ، الزبدة ابوي قالي ابلغك ان اليوم خطبة الانسة مرام ويبيك تكون موجود بالمجلس لان بعد ساعة بيجون اهل ابراهيم..
ناظر الهام ورد ناظر عهود:طيب..
عهود:بتطلعون؟؟..
مصعب:قولي لبوي اني ابنزل الهام عند اهلها وابرجع مارح اطول..
ناظرتة الهام بعد مامشت عهود:مولازم توديني لاهلي اروح وقت ثاني..
مصعب:ابنزلك لهم وارجعي مع حد من اخوانك..
الهام:اخاف تتأخر على عمي..
مصعب:انتي الحين بتأخرينا ، يلا امشي..
مشت معاة وطلعو..
.
.
نزل من الشقة بعد ماتوضى ومشى للمسجد اللي بالحي بخطوات سريعة خايف لاتفوتة الصلاة ، من يصدق ان مطلق صار مايفوت الصلاة ويكون من اول الصفوف ، دخل للمسجد وصلى بخششوع وبعد ماخلص اخذ لة مصحف وبدا يتلو القرآن ويرتل بصوت جججميل ، سكر القرآن بعد ماقراء جزء من القرآن..
:ماشاءالله صوتك جميل..
رفع راسة وناظرة مطلق وابتسم لة مجاملة وقام يتهرب خخايف يحتك بالناس ويخالطهم ويتكرر اللي صار لة مع بومالك ، رجع القرآن محلة وجا بيمشي..
استوقفة الرجال:احنا محتاجين مؤذن للمسجد ، المؤذن لهالمسجد كبير بالسن ومريض وصار هالفترة نجيب عامل هندي يأذن مؤقت ، وانت ماشاءالله عليك صوتك حلو ف اذا حاب تكون مكانة!..
ناظرة مطلق وبدهشة:انا!! ، تبيني انا اصير مؤذن؟ ، بس ، سكت فترة ، خلني افكر وارد لك خبر ، طلع بأستعجال ومشى لشقتة بسرعة ، دخل وجلس ع الكنب وهو يتنفس بقوة ويرجف ، انا اصير مؤذن!! ، فرك وجهه ، مايصير مايصير، مستحيل كيف ااذن بالناس وانا كنت! يارب سامحني يارب اغفر لي يارب ياارب ، غطى وجهه بيدينة وبكى..
.
.
.
.
دخلت الغرفة وسلمت عليها وباستها:الحمدلله على سلامتك ياروحي..
رهام بأرهاق:الله يسلمك يمة..
دخلت شريهان وفصخت غطاها:كلللوويش ، الف الف مبروك ي حبيبتشي ، ياصلاة النبي قل اعوذ برب الفلق ياماشاءالله انثنين ولدو بنفس اليوم ، سلمت على رهام وقرت عليها المعوذات ونفخت بصدرها..
بعد فترة جو ظافر وعفراء وحسنا وشمايل تحمدو لها السلامة..
ودخلو بعدهم صيتة وصقر وعبدالعزيز بعد ماتنحنحو وتحمدو لها السلامة واستأذن عبدالعزيز وطلع ورجع لميرال..
دخل وشاف الهام جالسة ، فززت بعد ماشافتة وركضت ضمتة بفرح وباركت لة..
الهام:احمم ااء مصعب كان يبي يسلم عليك ويبارك لك بس ماشفتك موجود ، لفت على ميرال وبحماس ، وين التوائم ابي اشوفهم..
.
.
ناظرت شكلها بالمرايا بأعجاب بعد ماخلصتها منى..
منى بأبتسامة:ها اعجبك؟..
ابتسمت:يجنن ، تلاشت ابتسامتها بسرعة ، تهقون اعجبة؟ ياربيي خخايفة..
عهود تناظر مي:اختك غبية ولا هي خلقتها كذا؟ ، الحمدلله والشكر خلك واثقة من نفسك يالبقرة المفروض هو اللي يخاف ويحاتي انك ترفضينة ، جلست قبالها ، اسمعيني زين لاتصيرين مشفوحة لاشفتية وتخقين ، اثقلي وعطية نظرة ثقة وغرور وامشي وانتي رافعة راسك لاتنزلينة وياليت تحطين رجل على رجل وتتعلكين بعد..
مي:هههييي مالك شغل فيها والله لو تسوين اللي تقولة لايهج العريس حلات البنت بحياها امشي وانتي منزلة راسك ولاتجلسين تفهين وتناظرينة وانتي مبلمة..
مدت منى الفستان لمرام:عدل كلام مي..
اخذت الفستان وراحت تلبسة..
عهود:تهقون يطلب يشوفها شوفة شرعية ولالا ، بتتبخر امالها واحلامها اذا ماطلب هالشي وبتتحطم..
مي:ادعي بس..
رن جوال عهود وردت:هلا خالتي ، طيب طيب هالحين بننزل ، سكرت وناظرتهم ، خالتي هنادي تقول ان اهل ابراهيم جو..
طلعت مرام وشافتهم بيطلعون:وين؟؟..
مي:بننزل جو اهل خطيبك..
مرام بخوف:بتتركوني لحالي..
عهود:لاتخافين ، خلي الخوف لبعدين لاصرتي انتي وابراهيم بغرفة..
توتررت بعد ماطلعو كلهم وجلست ع السرير وهي تهز رجلها وخايفة..
.
.
نزلت وهي مسسستحية سلمت وجلست على كنبة منفردة..
ام ابراهيم وهي تتفحصها بعدم رضا:ياهلا ب عروستنا ، كيفك؟..
مرام وهي منزلة راسها وبهمس:بخير..
اكتفو بناتها الثنتين يناظرون مرام بصمت وهم يتعلكون..
صدت ام ابراهيم لبناتها وصارت تتساسر معهم وهم عينهم على مرام وقالبين وجيههم..
حست عهود بنظراتهم لمرام وواضح انها ماعجبتهم ، شدت على ايدينها وصغطت عليهم ماتبي تتكلم او تتصرف تصرف خاطئ ، لكن ماتحملت تسسكت ، غمضت عيونها وناظرت امها اللي موحاسة بشي ومنشغلة مع خالتها هنادي والتفتت ناظرت مرام اللي منزلة راسها وتتبوسم وهي مستحية ، ردت ناظرت ام ابراهيم وبناتها ولفت ناظرت مرام وابتسمت:بسم الله عليك الله يحفظك ويحميك من العين ، ماشاءالله تبارك الرحمن وازينها اختي فلقة قمر ربي يحفظها ، ثلاثة خاطبينها بنفس الشهر لااله الا الله..
رفعت مرام راسها وناظرت عهود ونفس الشي ام مزعل وهنادي ومي ناظروها بأستغراب..
ناظرتهم عهود وهي تعزز لمرام:مرام والله كانت رافضة من البداية لاكن امي اصرت عليها انها بس تجلس وتشوف واذا ماعجبها ولدكم ترفضة مثل مارفضت الاثنين اللي قبل ، عدلت جلستها وضحكت ، تصدقون اليوم دقت على امي حرمة وجاية تبي تخطب مرام بعد ههههه..
انتبهت لنظرات امها وهي تأشر بعيونها لبرا ، ابتسمت وارتشفت من فنجان القهوة وقامت:عن اذنكم..
شوي وقامت وراها امها ولحقتها للمطبخ وجرتها من ذراعها:انتي وشششسويتي؟؟..
عهود بقهر:بذمتك ماحسيتي بنظراتهم لمرام وواضح انها ماعجبتهم ، ماحبيت اقهر اختي ، بضيق ، يمة تكفين قولي لبوي يرفض اذا ابراهيم طلب يشوفها النظرة الشرعية ، ماابي مرام تنجررح!..
ام مزعل:وش هالكلام هم ماجو وخطبو اختك الا لنهم عارفينها وشايفينها وشلون يجون يخطبونها وهي موعاجبتهم ، وبعدين اختك وشزينها الله يحفظها..
عهود بجدية:يمة انتي شفتيهم! ، شفتي امة وخواتة؟؟ شششفتيةة اهو! ، كل واحد فيهم يقول الزين عندي في فرق كبير بينهم وبيننا بالشكل واللون..
قاطعتها ام مزعل:ماحد طقهم على ايدهم وقالهم تعالو اخطبو بنتنا ، هم جايين بنفسهم ، وبعدين مافية بيننا فرق..
عهود:فيية فررق اختي سمراء وهم بيض ، يمة تكفين ماابي اختي تسمع كلمة موحلوة منهم وتنجرح ، ماابيها تشوف الرفض بعيونة..
تجاهلتها ام مزعل بعد مارن جوالها وطلعت:هلا بومزعل ، طيب طيب هالحين اخليها تجي..
فركت عهود وجهها بقوة وطلعت شافت مرام قامت مع امها ، جلست قبال ام ابراهيم وبناتها وقعدت تخزهم بقوووة لدرجة انهم حسو وتواخذو..
.
.
.
جلست مي جمب عهود وبهمس وهي مبتسمة:هي وشفيك على الاوادم تخزين فيهم كذا!..
ماردت عهود وتمت تخزهم بقوة..
جرتها مي وقومتها وطلعو برا:وشفيكك!!..
صدت وهي تهز رجلها:مافيني شي ، شهقت ، امي اخذت مرام عشان يشوفها ابراهيم ، امشششي نشوفهم بسسرعة ، جرتها وركضو للمجلس..
.
.
عند مرام ، وقفت عند باب المجلس وقلبها يدق بقوة وترججف ، هزت ايدينها بمحاولة تخفيف ارتباكها شوي وطلع ابوها وابتسم وهو يناظرها:جاهزة ي عين ابوك؟؟..
غمضت عيونها وزفرت وهزت راسها..
مد ايدة لها ومسك ايدها الباررردة ودخلو المجلس ، مشت ورا ابوها كأنها تبي تنخش ورا ظهرة من الخجل ماتبي ابراهيم يشوفها..
جلس بومزعل ع الكنب وجلست جمبة وهي منزلة راسها..
ارتجفت وبردت اطرافها بعد ماسمعت صوتة:كيفك مرام!..
بلعت ريقها الناششف واكتفت بالصمت..
بومزعل بضحكة:تراها تتكلم ماهي خرساء بس مستحية ، ناظر مرام ، يايبة شوفية ترا من حقك يمكن الولد مايعجبك شكلة او تفكيرة ، فك ايدة من ايدها بصعوبة ، ابخليكم خمس دقايق تتعرفون على بعض شوي..
شهقت مرام وناظرت ابوها..
بومزعل:مافيها شي ذا حقكم ، ناظر مصعب واشر بعيونة لة وقام معاة..
تيبسسسست مرام بعد ماطلعو اثنينهم وحست انة بيغمى عليها بعد ماابراهيم قرب وجلس جمبها:واخيراً..
رفعت راسها بشويش وهي ترجججف وناظرتة وهي فاتحة ثمها وفهههت بملامحة ، رمشت بعدم استيعاب بعد مانطق وهو يتأملها وبهمس:جميلةة..
بلعت ريقها وبفهاوة:هاة؟..
استحت بعد ماضحك وقامت وطلعت بسسرعة..
.
.
عهود ناظرت مي وهي فاتحة ثمها:شفتي اللي انا شفتة؟؟ شفتي كيف يناظرها؟ ، هزت راسها ، خاق معها ولا انا اتوهم؟؟..
مي بأبتسامة:الا خاق ونص..
تسندت عهود ع الجدار وبراحة:الحمدلله تطمنت على مستقبل اختي ، ابقولها تشرط علية بيت لحالها بعيد عن النسرة امة وخواتة ، حطت ايدها تحت ذقنها وبتفكير ، احسن بعد لو يسجل البيت بأسمها..
جرتها مي:امشي بس امشي..
.
.
بعد اسبوع..
جالسة ع السرير وحولها صيتة وشريهان وشمايل وعفراء وحسنا ماسكين واحد من التوائم بأستثناء حسنا اللي لاصقة بعفراء وتناظر اصايل اللي بأيد عفراء:ياروحيي تزنن ماشاءالله..
حطت صيتة متعب بالسرير بعد ماشربتة الحليب ونومتة:ابروح اسويلك هالحين شي تاكلينة ابرد واشوف دلة الحلبة خالصة..
برطمت ميرال بعد ماطلعت صيتة..
شريهان:اسمعي الكلام ي حبيبتشي ، خزت ميرال ، اشربيها ي بت..
ضحكت شمايل وقامت من جمب ميرال:مااقول الا الله يعين عزيز ع الروايح اللي تفوح منك هههه..
خزتها شريهان:اشربيلك كوباية..
توسعت عيون شمايل:ايشش!! ، بلعت ريقها بخوف من نظرات امها وراحت صبت لها وهي مقهورة وتتحلطم وحسنا وعفراء وميرال يضحكون..
بعد نص ساعة دخلت صيتة وهي شايلة صينية ، حطتها ع الطاولة:عزيز يبي يدخل..
استأذنو كلهم وطلعو ، شوي ودخل عبدالعزيز:السلام..
مشى لعيالة وبحب:وحشوني..
ميرال:بس هم اللي وحشوك؟؟..
عبدالعزيز بدون مايناظرها:من بيوحشني غيرهم!..
لاحت علية مخدة صغيرة:اوح ، يالهبلا لو جت على حد من الصغار!..
ميرال:اشوف عيالك صارو اغلى مني؟..
عبدالعزيز:عيالي اكيد بيصيرون غاليين..
خزتة:عزيز!!..
جلس ع السرير وناظرها:لمن اشوفك تجيني وتعتذرين عاللي سويتية ذيك الساعة افكر ارضى..
ميرال:امي بعد اسبوع بترجع من باريس هي وزوجها وبتجي السعودية ، افكر اروح معها للبنان..
عبدالعزيز:خخير ، من سمح لك!!..
ميرال:انا سمحت لنفسي ، وقلتها وابقولها ثاني ، مارح اعتذر انت الغلطان اللي تاركني ومجابل بعارينك تبيني اجلس حاطة ايدي على خدي انتظرك متى ترد عشان اولد؟ ، انت الغلطان وانت اللي المفروض تعتذر بس انا طيبة وقلبي ابيض مااشيل على حد ولا احقد..
رفع حاجب:قصدك انا حقود وقلبي اسود..
رفعت يدينها:انت ادرى بنفسك..
جر خصلة من شعرها ولفها بأصبعة وشدها:ميرالوة..
ميرال:اي اي ، عمي عميي..
عبدالعزيز:اشوفك هالفترة صايرة تحتمين ببوي وكل ماقلنا كلمة هددتينا فية..
ابتسمت:في حد بيحميني غيرة! ، والله لو اقولة اني زعلانة عشان سالفة البعارين لايلعن خيرك وموبس يخليك تعتذر الا وتبوس راسي بعد..
رفع حاجب:وتهدد بعد؟؟..
ضحكت..
باس راسها:وهذاني اعتذر ، مااقدر على زعلك انا..
ضحكت ميرال:خفت من عمي؟ ، اي اي عمي عميي ، اترك شعري ايي..
قرب منها وصار وجهه مقابل وجهها وهو شاد شعرها وبهدوء:لاتتعبين نفسك بالصراخ ابوي طالع..
ميرال:اصارخ لين يرد ، اييي عمي عميي..
ابتسم ورخى ايدة شوي وهو يناظرها ، باس شفتها وهو مغمض وبهمس:واللي خلقني اشتقتلك ، اسف ، حتى لو ان ماني غلطان هم ابقولك اسف..
ميرال:لا غلطان ونص انء ، قاطعها و..
.
.
.
.
ميرال:لا غلطان ونص انء ، قاطعها وصار يشفشفها ، بعد فترة بعد عنها..
ميرال بهمس وهي مغمضة:لا انا الغلطانة..
ضحك وباس شفتها:احبك..
ناظرتة وهي مبتسمة..
عبدالعزيز:وشتنتظرين؟؟..
نزلت راسها وعضت شفتها:وانا اموت فيك..
تنهد وضمها وبهمس:نامي قبل لايصحون ورعانك ، ان صحو واذوني ابطردك معهم..
رفعت راسها وناظرتة:لاوالله؟؟ ، اقول ، انت اللي نام وريح عشان لاصحو تجابلهم انا توي والد وتعبانة لازم ارتاح..
عبدالعزيز:قالولك دادا ولا خدامة..
رفعت حاجب:انت ماتمشي مضبوط الا لاقلت لعمي عنك..
ضرب راسها بخفة وبضحكة:اقول خمدي ولاتكثرين هذرة وتقعدين كل شوي مهددتني ببوي..
.
.
جلس ع الكنب بعد ماصب لبوة ولصقر شاي..
ارتشف بومطلق من الشاي وناظرة:زواجك بعد يومين..
مطلق:يبة انا ابي اشوف البنت شوفة شرعية هالشي تراة من حقي ماهو عيب ولا حرام..
بومطلق:مالة لزمة حنى ماعندنا هالحكي ، وبعدين معروفين بنات بومحمد بالجمال ، كل وحدة فيهن تقول الزود عندي..
صقر:ليش يبة انت شايفهم كلهم؟..
ضربة بومطلق بالعطا:استح على وجهك يالسربوت ، لف ناظر مطلق ، هذاني قلتلك زواجك بعد يومين خلك جاهز ومستعد ، ابوها مايبي عرس وطقطقة لان امها من كم شهر متوفية ، يعني تملكون وتاخذها بعباتها..
وقف وبدون مايناظر صقر:يلا مشينا..
فرك مطلق وجهه بضيق ، قام وهو يحاول يقنع نفسة انة مبسوط وفرحان عشانة بيتزوج..
ركب بومطلق السيارة وناظرة صقر وبلقافة:الا يبة صدق ، ذي بنت بومحمد كم عمرها؟؟..
بومطلق:سق سق وانت ساكت..
لوى شفتة ومشى..
.
.
جالسين ع الطاولة يتغدون بصمت..
نطق بومزعل:ابراهيم كلمني يقول يبي يعجل بالزواج ، ناظر مرام ، يبية بعد ثلاث شهور..
شهقت عهود:مايصصير ، مايمديني اجهز!!..
ناظرها مصعب بدهشة:وشدخلك!! ، بيتزوج مرام موانتي..
مسحت مرام ثمها بالمنديل ووقفت وبخجل:اللي تشوفة يبة..
.
.
بعد يومين.. جلس وهو عاقد حواجبة:علامك يامرة تراة ولدك ماهو ولد عدوتن لك ورا ماتبين تحظرين ملكتة؟؟..
تأففت وضربت فخوذها وصدت:استغفرالله ، وانتا مالك انا مش عايزة احظر يوووة ، ناظرتة ، دنا بأولك هوة ، لو النهاردة فرح ابن الولية بنت القزمة (الجزمة) صابرين اللي معادياها من خمسطعشر سنة والاهي حظرت اما ابنك دة حتى جنازتو مش ححظرها..
قامت وطلعت برا الغرفة وجلس بومطلق يناظر الباب مصصدوم..
.
.
متجمعين البنات كلهم عند ميرال..
انسدحت شمايل على بطنها ع السرير وحطت ايدها على خدها:مقرودة حظ والله اللي بتاخذة..
هيلة وهي ترضع بنتها:ومن اصلاً بياخذة غير اللي امها داعية عليها ولا مسوية بلا بدنيتها وربي عاقبها..
ضحكت الهام:لا حرام عليكم ، بس والله مسكينة الله يصبرها على البلاء ، لوت شفتها ، كم تتوقعون تصبر علية؟؟..
عدلت شمايل جلستها:بما انة واحد سربوت وزبالة ومنحط وحقير وراعي بنات و ، قامت تتمايل بجسمها على انها سكرانة ، هاة ف مابتصبر ، بالكثير بالكثير سنة هذا اذا ماهجت وطلبت الطلاق من اول شهر..
عفراء:يمكن تغير صدق مثل مايقول عمي ، سمعتة يقول قبل كم يوم انة صار مؤذن بمسجد ال..
شمايل:وانتي اي شي تسمعينة تصدقينة؟ ، لوت شفتها ، اسمعي اجل ، انا صرت رائد فضاء..
حسنا بتفكير قاطعتهم:موكن بومحمد ال.. مزوج بناتة كلهم؟؟..
شمايل:خالتي فريال سألت ابوي نفس السؤال ولعن خيرها ، فقع مدري من وين طلعت هالبنت مااذكر عندة الا، شهقت وناظرتهم ، الااااا عرفتهااا ، لا لا مومنجدة ابوي بياخذ ذي لمطلق ، رمشت بصدمة ، تدرون من بياخذ؟؟ ، دانة ، دانة..
توسعت عيون هيلة ع الاخر:دااااانة!!..
الهام:يستهبل ابوي ، مومنجدة!!..
.
.