شهد الاغا

آلفـڝـل آࢦأۄل :حࢪوف آࢦـ۾ـآضـي‏𓆪◡̈⃝💔!؟𓆩

اࢦضيـآعٓ¹¹.❀♥

بقلم: ❞𝐑𝐢𝐡𝐚𝐛❝

✪✪✪✪✪✪✪✪✪

دخل للقصر الدنيا ساكته..رجع فوقت متأخر الكل راقد...جا طالع جذبو الضو الخفيف اللي كان فالصالون...قرب جيهتو دخل لقا مانو تقرا فالقرآن..رخف روحو و راح قعد حذاها..كملت الآيات اللي كانت تقرا فيهم و ختمتهم بـ:«صدق اللّٰـﮧ العظيم»..حطت المصحف و نواظرها الطبيه على جيهة و دارت ليه مبتاسمه...مسحتلو على وجهو و هدرت

كريمه: على سلامتك وليدي
معاذ: الله يسلمك..كيفاش راكي ريحتي شوية؟؟
كريمه: نحمدو ربي..و نتا
معاذ: الحمدلله
كريمه: وين كنت غاطس
معاذ_تنهد_: خدام برك
كريمه_بإلحاح_: معندكش واش تحكيلي
معاذ: لالا..خلي كلشي فوقتو حلو
كريمه طبطبتلو على كتفو: اطلع تريح غدوة معروضين  لازم تروح معايا 
معاذ: شكون؟؟
كريمه: عيلة سليمان تشفالو؟
معاذ: سليمان جابري؟😳
كريمه: هو ايه
معاذ: ممم انا نطلع..تصبحي بخير جنتي..و متنساينيش بدعاويك
كريمه: و نتا من اهلو الغالي

طلع و خلاها موراه متحيره على حالتو..حاسه بيه..و كيفاش متحسش و احساس الام عندها خدام 10/10...ناضت هي تان طلعت لبيتها ترتاح.......مور ما طلع دخل نحا تريكوه رماه على سريرو و دخل للدوش...كان نهار طويل بزاف..مي صرا فيه واش كان فبالو بلاما يسيح دم اي واحد..يعرف عقل ادهم يوزن بلاد..و يعرف هنا حكاية الدم متجوزش بالساهل ويولي فمشكل اكبر ماللي هوما فيه...كمل دوش و خرج جاز للدريسينغ روم يلبس حوايجو..حتى سمع صوت عياط و ضحك قاوي جاي ملتحت..و صوت صونات تاع طنوبيل..لبس سروال سورفات و خرج رفد سلاحو و هبط..لقا مانو و يماه واقفين قدام بيوتهم
معاذ: ادخلو نشوف واش كاين و نجي متهبطوش
جهيدة: صحا بلاك على روحك
معاذ: هممم
كمل هبط لجيهة الباب فتحو و خرج قابلوه خاوتو واقفين..ولا نقولو مايلين..شادين التوازن بسييف
معاذ:*$#* واش دايرين..هادي هي تاع نحتافلو كي رجعو..و نسهرو شوية
شاهين: علاه شحال سهرنا شوية برك😂😂😂
معاذ: نتا بلع عندك حساب وحدك
دنا جيهة عماد و ليث جا بينهم..ساندهم للزوج
معاذ: معااد زعما نتا كبيير و واعي درت هدا كامل
معاد: نكسر فالروتين😂😂😂
معاذ خزر فيه بنص عين و نفخ
جرهم رماهم فالدخله تاع لقصر و رجع لشاهين..حكمو من وذنو و يكركر فيه
شاهين: اخخخ وجعتني اطلقني
معاذ: هاذي باش تزيد تتعلم تشرب

طلق شاهين و راح لخاوتو لخرين يبعد فمانو اللي كي شافت حالتهم رفدت بليغتها(حشاكم)و طاحت عليهم بالضرب و هوما يتلواو تحتها..و امهم واقفه تتبع و تشجع فكريمه
معاذ: ماني خلااص خليهم
كريمه زادت دارت ليه تشحط فيه
كريمه: هكا باش تزيدو تعاودوها..شيعة اللي كبار و واعيين..نعاودلكم التربيه..و نتا يا الفصعون (مع شاهين)..تعلمت طبايع المنكر اه..يخي جيل يجي تمشو غير للعوجه متعرفوش طريق قباله كامل
نزيد نحكم واحد فيكم فهاد الحاله
جهيدة: هكاك يما زيديلهم..حراام راهو حراام
معاذ تنهد: الليله بنت كلب هادي محبتش تخلاص..كولو بعضاكم انا علاه نحامي على عزرينكم
طلع مخليهم مديين حقهم تاع لحساب..و الباقي عليه