شهد الاغا

آلفـڝـل آࢦـثــﺂنِ٘ـيِ٘: أسيــࢪة ξــشقـﮧ𓆩 ❤ 𓆪

لحࢦقـة³³''💛♪''

بقلـم: ☽𝑹𝒊𝒉𝒂𝒃☾

❌متنســاوش تتفــاعلــو❌

〰️〰️〰️〰️〰️〰️〰️〰️〰️〰️〰️
"و كم اهوى النظر في عينيك عندما ترفعينها في وجهي"🖤

السيناريو كامل على عينيه...حكمو من ذراعو مزير عليه...

ادهم: واش درتلها الطفله باش خرجت هكاك!!
ايهم(هز كتافو): والو

ادهم هزلو حاجبو

ايهم: وشبيك تخزر فيا هكا..راني سيريو هي برك تحب دراما...
ادهم(هز راسو): ندير عليك و نشوفو وين نلحقو

مشا من حداه يكمل يرحب بالناس...و هو جوز يدو على رقبتو..حس روحو زبلها معاها.....

.......

عندها هي.....

جازت على معاد لقاتو واقف يهدر مع شوية عباد عرفهم...

وصال(بهمس): معاد راني رايحه هنا و نولي
معاد(خزر فيها بإستغراب حالتها متبانش سواسوا): راكي مليحه !!
وصال(طمناتة بعينيها): ايه..ششزية و نجيك

نساحبت من قدامو و هي مزيره على شواربها مانعه دموع باش ميهبطوش.....

وصال(شهقت): ذلني

هبطو دموعها من سلسلين محبسوش..و الشهقه خانقتها محبتش تخليها تخرج..خافت الناس ينتبهولها و يجو يسقسو وشبيها...واش راح تقوللهم!!!
ايهم الجابري ذلني!!..و السبب؟؟..مكاش سبب!!..كره مجهول...بسبب حادث مكانش بلعاني؟ ولا وشنو

بقات على حالها واقفه فالطرف كامل و تمسح فالدموع..حتى سمعت باللي راح يديرو الافتتاح..ستنات تما حتى كملو و بداو يباركولهم الناس..و راحت لمعاد....

وصال: معاد نروحو؟؟
معاد(مستغرب من حالتها و من اثار الدموع اللي مزالو في عينيها): علاه..كشما بيك؟؟

وصال(هربت عينيه و دات صباعتيها تحك فيهم)؛ لالا..بصح عييت و تقلقت على شهد
معاد: اوك...نكموندي تاكسي و نروحو
وصال(هزتلو راسها): اوك معليش

......"".......""

معاذ(تنهد و هز راسو): نشالله فيها خير..عذبتك معايا
الراقي: عذابك راحه..نشالله ربي يشافيكم
معاذ: امين يعطيك الصحه..دك هوما يتكلفو بيك
الراقي: ايه نعطيك واش يخصك...

هزلو راسو و رجع معاه للطنوبيل اللي جا بيها..مدلو زيت زيتون مرقيا.....

و دعو و رجع ليها..طل عليها لقاها حاطه راسها على الزجاج..و عقلها غايب

شهد؛ اديني عند خاوتي
معاذ: بحالتك هادي منقدرش ندييك
شهد(بالعياط): قتلك اديينييي

معاذ(عض لسانو يكالمي في روحو غصبا عنو): شهد راكي مريضه و حالتك حاله..ريحي شوية و نديك عندهم
شهد(نفاجرت بانفعال): وشبيا هااا وشبيا...نتا علبالك باللي مريضه و انا معلباليش ولا وشنو هاا....(بدات تخبط فيه لصدرو بشوية القوة اللي بقاتلها)..اهدر ها قول وشبيني واش صرالي