Ex - Friend ( Completed )

Ep - 23

ကိုးရီးယား ဆိုးလ် မြို့ ......

' မောင် အခု ဘယ်သွားကြမှာလဲ....'

' အင်း ဟိုတယ် ကိုပဲ သွားကြမယ်လေ။ အဲ့ဒါကြောင့် ကျိုးချန်တို့ကို လာမကြိုခိုင်းတော့တာ။'

' ကျိုးချန် ကိုးရီးယား ရောက်နေတာတောင် မသိဘူး။'

'အင်း အဲ့ကောင် ကိုးရီးယားကိုမှ တာဝန်ကျချင်တယ်ဆိုလို့ ကျောင်းပြီးတော့ ဒီမှာပဲ အလုပ်သင် လာဆင်းတာလေ။ ကျန့်ကျန့် နဲ့ သမီး အကြောင်းလည်း သူ့ကြောင့် သိရတာ....'

' အဲ့ဒါဆို မောင် ကိုယ်တိုင် စုံစမ်းခဲ့တာ မဟုတ်ဘူးပေါ့။'

' ကျန့်ကျန့် တို့ ဟိုတစ်ခေါက် ကိုးရီးယား လာတော့ မောင်က Switzerland သွားလိုက်ရတာလေ။ မဟုတ်ရင် လိုက်လာတာပေါ့။'

' သွားပါ .... အဲ့တုန်းက ငါ့ကို ရန်သူလို ဆက်ဆံနေတာများ....'

' အဲ့တုန်းက ကျန့်ကျန့်ကလည်း မောင့်ကို အဲ့လို မြင်နေတာပဲ မလား။'

' ပါပါး ပြီးရင် သမီးတို့ ဆေးရုံ သွားရအောင်နော်.... သမီး မမ အတွက် လက်ဆောင်တွေ ပေးချင်နေပြီ။'

' ဟုတ်ပါပြီ အရင်ဆုံး ဟိုတယ် သွားကြမယ်။'

ဟိုတယ် ရောက်သွားတော့ ....

' ကျန့်ကျန့် ခန နားလိုက်အုံး မောင် ဟိုနှစ်ကောင်ကို ဖုန်းဆက်လိုက်အုံးမယ်။'

'အင်း မောင်....'

ရိပေါ် ကျန့်ကျန့်နဲ့ သမီးကို ထားပြီး ဝရံတာ ရှေ့ ထွက်လာလိုက်တယ်။

' ဟလို ..... အေး ငါတို့ ခုပဲ ရောက်တာ။ မင်းတို့ဘက်ကကော အဆင်သင့် ဖြစ်ပြီလား။'

'အင်း ပစ္စည်းတွေက ငါတို့ တွေ့မယ့်နေရာမှာ ရောက်နေပြီ သူတို့ဘက်ကိုတော့ ဘယ်မှာ တွေ့မယ်ဆိုတာ မပြောရသေးဘူး။'

' အင်း ဒီနေ့က ၈ ရက်နေ့ ဆိုတော့ ၁၀ ရက်နေ့မှ တွေ့မယ်လို့ ပြောလိုက်။ တကယ်လို့ လက်မခံရင် ကိစ္စ ပြတ်ပြီလို့သာ ပြောလိုက်။'

' ဘာလို့ နောက်ထပ် နှစ်ရက်တောင် အချိန် ဆွဲတာလဲ။ ကိစ္စ မြန်မြန်ပြတ် မြန်မြန် မပြီးဘူးလား။'