اليوم انتي بنية حلوة وزغيرة
والحياة كدامج اليش تدمرين نفسج واهلج وسمعتج وتحبين واحد مزوج مجرد يضحك عليج يعني تدمرين نفسج وتدمرين مرآة ثانية وتخربين بيتها اليش يعني بعدج بنية زغيرة والحياة كدامج تستاهلين شخص بس الج ماكو شريك وياج بي تركضين ع مزوج هوة لو بي خير جان حافض ع مرتة او ام بيتة الي مايكتفي بوحدة مايكتفي بعشرة والله يعني تدمرين نفسج تالي منو يوكع بيها غيرج هوة يرجع البيتة والحياتة وانتي الخسرانة الوحيدة
لا تكليلي فلانة حبت مزوج وخذاها شوفي عزيزتي لاضنين مرتاحة بس شسوي بعد طاحت بيها فااكيد تتحمل وتسكت هية وكعد نفسها بحفرة ومجبورة تتحمل
وكثر الي جاي نشوفة مجرد يخلصون وياهن وقت الي يحجي ع مرتة كدامج يعني شتوقعين منا راح ياخذج او يصونج لا عزيزتي مجرد يضحك عليج وعلى عقلج
يعني اليوم ماتكدرن تعيشن بدون حب وخرابيط بس اريد افهم يابنات يااخواتي الحب حلو اني وياج
بس وية الانسان الصح وبهاذه وقتنا جاي تشوفج شجاي يصير شلون يدمرون البنات والمراهقات يوهموهن بل حب تالي لو تنقتل او تنسجن ويسلبون كلشي من حياتها يعني الرجال مايتاثر لا عزيزتي محد يوكع بيهة غيرج هوة يعيش حياتة ويتعرف ع ضحاية جديدة مثلج وغير بنات ضعاف الشخصية ويتوهمن بل حب
اكثر البنات متاثرة بل مسلسلات وروايات عبالهم يحصلن مثل البطال الشخص اليحبها ويحميها
ماتدري احنا بمجتمع واحد ياكل بثاني ناس تنعش بناس المجتمع صار وحوش ماكو حب يريدج كجسد بس
بدل ماتهتمين بحياتج بدراستج الي هية مستقبلج
اهتمي بابسط تفاصيلج بكلشي أقرأي كتب اثقفي نفسج كوني شخصية اليش تفكيركم بس بل حب
شوفي عمرا الرجل ماحب البنية الخفيفه
هاذه الي يخلص اليل يخابرج لا ثقين ياخذج
او يفكر يكون وياج عائله لا حبيبتي يخلص وقت براسج تخونين ثقت اهلج وتحبي وتبني ويا احلام تالي انتي الخسرانة يعني تدمرين نفسج وتفكيرج وتدمرين بيت مرآة ثانية المجرد ذكر ميستاهل الوقت الي خسرتي وياة
لا تكلولي ماكو هيج لا حبيباتي نص مشاكل مجتمعنا والطلاك الي جاي يصير من ورى هيج أمور
اليوم هواي بنات جاي تنجرف وينضحك عليها من قبل هواي مزوجين الي يحجي ع مرتة كدامج بس فكري هاي عايشة وياة عمر وبكلمتين وياج نكر تعبها كلة
انتي شراح يسوي بيج شراح يحجي عليج
الي يراسلج يراسل عشرة غيرج
كافي تنغشين بكلمتين
لا تدمرين بيت مرآة غيرج
لا تكونين مع كلمة المرأة عدوة المرأة
لا الي ماتريدي النفسج لاتريدي الغيرج
لاتبنين سعادتج ع تعاسة مرآة غيرج
لو تبقي بلا زواج بس لا تدمرين مرآة ثانية
ياريت الي جاي تقرأ تاخذ النصيحة
_:الله يحفظكم بنات💘💘
ويبعد عنكم اولاد الحرام
اهم شي دراستج لا حب ولا بطيخ احنا بزمن مايحب المرأة الضعيفة
حافضي ع نفسج واهلج ودراستج ومستقبلج وحلامج
عوفج من اوهام الحب وارتباط
لاتخلين القصص وروايات تأثر على عقلج
دمتم بخير يارب 🤍
