هلوو راح اعرفكم على نفسي اني نور
عمري 17 سنه
اعرفكم على عائلتي
بابا وماما وخواني الاثنين احمد ومحمد
طبعا احنة عائلة كلش متحفضة
طبعا اني كلش متعلقه بل مبايل يعني كل وقتي اخلصة ع مبايل كانت عندي بس يوتيوب بس صرت كلش اضوج منة وامل بسرعه فحبيت انزل غير برامج
ف نزلت التيك توك كلش حبيتة وكل وقتي يخلص بي
صرت اشوف مقاطع وفيديوهات وادخل على التعليقات ف حبيت اسوي حساب بي واتونس
تعرفون بهاذه العمر كلش نحب نجرب كلشي ونشوف العالم امهم سويت حساب بدون علم اهلي صرت اعلق ع الفيديوهات والمقاطع صار هواي والد يردون على تعليقاتي منهم الي يمدح ومنهم الي ينتقد اني كنت مارد على التعليقات اول بداية كنت أخاف منهم ومن اشوف البنات وجاي يصير بيهم فكنت مجرد اشوف ردهم بس مارد عليهم
الحساب صار هواي عندي حبيت انشر فيديوهات ومقاطع واتونس شوف هواي بنات ينشرون ويعلقون
اخذني الفضول اصير مثلهم انشر واعلق ويصير عندي متابعين واتونس وياهم صرت انشر صار تجيني هواي تعليقات ومنهم الي يتغزلون بحسابي
اليوم كلت خل انشر نشرت صورت بنية وعليها اغاني حسام رسام صارت هواي تعليقات بل فيديو وهاذ الشي فرحني صار عندي متابعين
اكو والد جان دوم يعلقلي ع فيديوهات الي انشرهم ومتفاعل عليهم
كان معلق كل فيديوهاتج حلوات وذوقج حلو
ضحكت كتبتلة شكرآ وهاي اول مراه ارد على تعليق
وره شوية رد على تعليقي كان كاتب ولو حبي
بعدين صرت كل مانشر يرد وكلامات واشعار تجنن كلش عجبني كلامه ومنشوراتة وتفاعلة وياية بمنشوراتي كان دوم يعلق وصرت ارد على تعليقاتة
من طريقت كلامة صار عندي إعجاب بي حبيت اسلوبة
رديت اله المتابعة وره يومين دخلي خاص كان حاب ياخذ منشوري وينشرا عندة بحسابة
خلي اعرفكم على نفسي اني كرار
عمري 20 سنة
عائلتي ماما وخواتي 3 واخو واحد زغير بابا متوفي
طبعا اني عندي هواي علاقات يعني ان كان بل مبايل أو بحياتي العادية كلش احب العلاقات والبنات
هواي بنات تعرفت عليهم منهم الي صارت تحبني
كنت دوم ابحث على البنات المراهقات لنو بسرعه
يثقون ويتوهمون بل حب والكلام المعسول طبعا
إني ماشتغل يعني مرات اطلع عمالة بس اكثر وقتي ع مبايل كنة عايشين ع راتب ابوية
اكثر مستخدمين التيك توك المراهقين
صرت هواي اتعرف على بنات بي اول شي اطلب الصداقة بعدين من تثق كلش اوهمهم بل حب جانن مراهقات بسرعه يصدكون
تعرفت على هواي بعدين وراه الصداق حب وخرابيط
نتقل الغير برامج التواصل مثل انستا أو واتساب بعد ماتكون ثاقة بية كلش يصير كلش سهل وراها اقنعها بل حب وزواج وعادي اشوفج واني حبيبج يعني ادك على الوتر الحساس تصير مثل العبة بيدج
