حورية الضابط

الحلقة الاولى❤

إضافةً لجمالكِ…
أنتِ حنونة و هذا يُضعف
إحتمالاتي في النجاة منكِ.❤

للكاتبة البصـراويـة  ..
حـوريـة الضابط
فضلاً وليس امرًا علقوا بين الفقرات وصوتوا❤

2022/4/19

تفاعلوا بين الفقرات❤

اخخخخخخخ جريـت نفـس احـس صدري طگ شغلتلي جكـاره جريـت نفسيـن منهـا
خلصـت طفيتـه بايـدي اهيـس الحرگه بگلبي موش بايـدي

رجـع بيـه الوكـت القبـل10سنين
كاعد يم امي وكاضب ايدها اعاينله وجهه اصفر وشعرها طايح  ...

اساور: هااا يالذيب شجرالك دمعتك بعينك

ذيب: خايف عليج يمه

اساور بابتسامه تعب وحزن: يروح امك انتَ صير ذيب ولا تضعف لا تخلي احد يشوف دمعتك غير الي انتَ توثق بي ومتاكد ما راح يشمت بيك بالمستقبل يمه اريدك تتخرج من
السادس وتصير شي جبير خلي الكل يهابك ويفكر بالحرف الف مره قبل ما ينطقه وياك اكسر عينهم وراويهم ابن اساور شيكدر يسوي

ذيب بست ايدها وراسها: تأمرين يالروح انتِ وانتِ راح تكونين وياي

اساور بابتسامه حزن: بكيف الله بعد تعال يمه احبنك صدقه لهل وجهه

ذيب ضحكت وكمت بوست خدودي  ..

عمار: لككك س*** اليوووم انعللل والديك

ذيب اجه جرني من ياختي وانه اضحك  ..

عمار: كرب المريتي وشوف شعمل بيك

ذيب حضن امي وباسها وهيه مبتسمه ..

عمار:- بس صيري زينه وانه اعرف شتصرف وياج اريد اشوف شلون تبوسينه بعد ماتجوزين من هاي السالفه يعني

اساور بضحك: على بختك عمار قابل
بايستمن اني غير وليدي

عمار: وانه رجلج

ذيب: اووووووف نووووب شلون بووسه ام الشمه كام وانه ركضت وانه اضحك وهوه يسب بيه طلعت كعدت بالحديقه كعدت ادخن خلصت تلث جكارات سمعت صياح ابوي دخلت اركض شفته حاط امي بحضنه ويبوس بيه  ..

عمار: حبيبتي مريتي يلا گومي سوارتي يلا حبيبتي كومي ادري بيج تتقشمرين وياي يلا گومي ولج بردانه يروحي انتِ

ذيب ضليت صافن وابوي يبوس بامي
ويحجي وياها وانه احس فصلت رحت بغير عالم فزيت على صوت جدي لكيت نفسي لابس دشداشه سوده وكاعد على بلوكه رفعت راسي شفته المغيسل يمتى شلون ماادري مااتذكر  ...

موحان: انت بخير يالذيب

ذيب ماكلت شي ضغط على جتفي  ..

موحان: كوم يالذيب الضعف مو الك الله يرحمها امك يومها هذا ارتاحت من الكيمياوي