- الأشد ألمًا من الكتمان، أن تسرد حُزنك، فلا يُلتفت له من أحد، فما أثقل حزنًا يأكل فيك بلا رحمة، ثم يأخذ الجميع وجعك الشديد على محمل الهزل او التهويل.
للكاتبة البصـراويـة ..
حورية الضابط
فضلاً وليس امرًا علقوا بين الفقرات وصوتوا❤
ابتسام: كومي
حرير: خير
ام مرتضى وهيه تفر بحلكها ما عاجبها: جدج جوه يريدج
حرير طلعت وركعت الباب رفعت ادي وكلت: ربي شلون وي المخابيل اني انطيني الصبر يربي كملت لميت السجاده جنت لابسه دشداشه نيلي اخذت شال اسود لفيته ونزلت دخلت للصاله شفت حبوبه وجدو وعمو عمار سلمت عليهم فرحت حيل بشوفت عمي عمار اموووت علي اخر مره شفته بفاتحة زوجته وماشفته بعد ..
عمار: شلونها حبيبة عمها
حرير: زينه عمو
عمار: بعد عمج
حرير باس راسي كلت بهمس: اكُلك عمو
عمار همس بضحك: گولي بعد عمج
حرير بهمس: ليش مربي لحيه المكناسات ببحدهن احلى ايعع عمو خوو ما بيها قمل كلت هيج وهوه طكها بضحكه حتى غص انطيته مي واني مبتسمه ...
بديعه: ياااا يمه شبيك شجاك
عمار وهوه يكح: سلامتج يمه
بديعه: فللللك عمير الي الابتسامه گوه تطلع منه يضحك هيج مامصدكه
موحان: انه هم ما مصدك والله
رضا: اي والله صدك عمي عمير الحقنه يضحك هيج
عمار: شگلت ولكك
رضا: يمتى تموت اقصد تعرس عمي نريد ناكل قوزي
موحان بديعه: طاح حظك
عمار بهمس: صارلي شهر بالبيت فـ ما
مزين لا تخافين عمي نظيفه نظيفه يوميه اغسلها
حرير بهمس: زين عمي زين لا يصير بيك قمل النوب
عمار:- هههههههههههههههه
حرير ضلوا شويه نوب راحوا مرن كم يوم عادي اليوم دوامي صباحي كعدت لعبانة روحي واحس حموضة صليت وبدلت نزلت كعدت انتظر السايق بالحديقه دك هورن طلعت صعدت سلمت على جنه وملاك
ملاك: شبيج ولج
حرير: اريد احطجن بغرفه واحركجن
ملاك جنه: ليش
حرير: هيج ضايجة
جنه: السعلوه اثنين وين
حرير: خامده فترة مراجعه عدها عشتو
ضلينه نسولف وصلنه للمدرسه مر اليوم
كضيته بغرفه المدرسات مكملين كل المناهج تقريبا واليوم نص المدرسات ما جايات يصادف خميس وصيف حر موت كضيته بغرفة المدرسات على السبلت صدك بالصفوف سبلت بس يعوفن الباب مفتوح واربعين طالبه
مايلحك الصف يبرد صارت حله جنت لابسه عباتي والنقاب نزلت النقاب واخذت جنطتي طلعت اني ومدرسه نسولف صعدت بالسياره كوستر صعدن البنات
