Taehyung chu a thaw hlawp hlawp a, a hah takzet. A thlanfim in a bual huh zuaih a hruk fai erawh a tum hran lo. A kut a khur a chutiang bawkin a ke pawh mahse a tlan a thulh phah lo.
A chiai em vang in elevator pawh nghak hman tawh lo in parking lot atang 5th floor step hlir ah a tlan thleng a nia hah lo chi a nilo mahse ngaihtuah hman a nilo
A tawpah a tum ram chu thleng hram in second khat pawh chawl lo in room pakhat a pan ding nghal a. Chu ER room pawn a tap chung a lo ding Jungkook a hmuh chuan a thinlung a na takzet
"Jungkook" zawi te in a naupang zawk chu a ko sep a Jungkook pawh Taehyung lam rawn hawi ve nghal vat in a upa zawk a hmuh rual in a tah chhuak ta nge nge
Taehyung chuan Jungkook lam pan vat in a kuah bei nghal thlawp a amah pawh tap lo turin a insum nasa takzet. Ni e, a chhungah sawn a naupang ngainat ber a nunna tan bei in a awm mek alawm
Jimin in thudik a hriatchhuah atang khan kar tam a liam tawh mahse Jungkook chuan a luhlul chhuah in Taehyung chu thudik a hrilh duh lo fo a chuvang a Jimin pawh a naupang zawk chungah lawm lo a ni reng bawk a engtia rei nge thudik hi a la thup dawn...?? Engtia rei nge pafa hi a la then hrang che'u dawn..?
"A tha leh vek mai ang Taejun chu a chhel em kha..?" Jungkook nghet leh zual a kuah pah chuan a ti thawp sat a ani pawh hi hlau lo a ni bik lo
Jungkook chuan a upa zawk awm ngheng in a tap hliam hliam a tunah tak chuan hei bak a mamawh a nei lo. Min Yoongi chu sumdawn na thil ah ram Japan ah a zin a, a u lah an company bankrupt mai tur dinhmun a awm vang in tunah hian khawilai ram ah tak nge a hre silo
"Dr Kim" Jungkook chuan ti sap in Taehyung in 'hnmmm' tiin alo chhang mai a tun hi a hun chu a ni
"Hrilh tur che ka nei a" Jungkook chuan a hmui pet fan fan chung chuan tiin Taehyung pawh en ngam lo in hnuailam a hawi tlat a, a upa zawk in a sawi zawm hun alo nghak tawp
Taehyung nghakhlel hmel a hmuh chuan a kâ chu charbeh ang tlat a ni. A aw a rin zawh loh vang in an sir thutthleng a lehkha chu a la a "Hei hian engkim chhanna a pe ang che" hreh deuh tak chung chuan Taehyung lamah chuan A4 size paper chu a va dah phei a hriatthiam loh hmel zet in Taehyung in a la mawl tawp
Engmah zawt zui lo in a chhung a thu inziak chu a en a, a meng zau nghal kawk
"He_hei hi" amah hriat theih chang chang chuan tiin a mittui a tling nghal pam a chutiang bawkin Jungkook pawh
"Jeon Taejun hi i fapa a ni Dr Kim" Taehyung hmel hmu ngam lo in a mit a chhing vang vang a "kha zan a i awmpui kha keimah ka ni" a kut a hum ruh a tunah hian eng pawh thleng dawn se a inhuam vek
"Dr Kim nilo Taehyung khawngaih in ka Taejun hi min chhanhim sak rawh. Ka hma ka sial tih ka hria mahse khawngaih in Taejun hi ka chan a nih chuan ka thi thei mai ang. I hremna min pek ang ang chu ka pawm ang mahse khawngaih in ka Taejun hi min chhanhim sak rawh" Taehyung hmaah thingthi in tap chung in a ngen a, a fapa damna tur a nih chuan eng pawh a ti mai ang
Taehyung chuan engmah sawi lo in ngawi reng in a tap zawih zawih a, a lawm a ni chutih rualin a zak takzet bawk. A hmangaih ber te a hmaah an awm reng a, a hre silo
"Jungkook" zawi sap chuan a naupang zawk chu ko in a chen vel chuan a thu hniam a. Jungkook khabe ah chuan a kut nghat in amah en tur chuan a kuai dak a, a naupang zawk hlau hmel a hmuh chuan mittui kar atang nui sap in "keiman kan fapa chu ka chhanhim ang. Keiman ka thling chu ka pe ang" Jungkook lawm vang in a tap chhuak leh hak a Taehyung in a kuah zui nghal
