I'll Have My Seatmate Beat You || မြန်မာဘာသာပြန် || 『 COMPLETED 』

Chapter 60

『 Unicode 』

အပိုင်း ၆၀ : မွေးနေ့ပွဲ ကျင်းပခြင်း

ကျန့်ကောရဲ့မွေးနေ့က အစမ်းစာမေးပွဲမဖြေခင် နှစ်ရက်အလိုမှာဖြစ်တယ်။

ပထမအကြိမ် ပြန်လှန်လေ့ကျင့်ခန်းကာလက ပြီးဆုံးသွားခဲ့လေပြီ။ အစမ်းစာမေးပွဲရဲ့ ရလဒ်တွေနဲ့ အရေးပါမှုတို့က အားလုံးကို အလွန်အမင်းစိတ်ပူပန်လှုပ်ရှားစေတယ်။

ကုချီနန် ဒီကို မပြောင်းလာခင်က သုံးယောက်အုပ်စုက အပြင်မှာ ထွက်စားပြီး မွေးနေ့ပွဲကျင်းကလေ့ရှိခဲ့တယ်။ သူတို့တွေဆိုတာက အများအားဖြင့် စာလုပ်လေ့၊ လုပ်ထမရှိကြတဲ့ သူတွေမို့ စနေ၊ တနင်္ဂနွေ ပိတ်ရက်တွေမှာဆိုရင် အပြင်ထွက်စားပြီး လျှောက်တောင် လည်ပတ်လိုက်ကြသေးတယ်။

ဒါပေမဲ့ ဒီနှစ်အခြေအနေကတော့ ထူးခြားတယ်။ လင်းရှောင်းပင်းကလွဲပြီး ကျန်သုံးယောက်သားက ကျားကုတ်ကျားခဲ၊ မမောနိုင်မပန်းနိုင် စာလုပ်နေခဲ့ကြတယ်။ အဲ့တာနဲ့ လင်းရှောင်ပင်းမှာလဲ အတန်းဆင်းချိန်တွေမှာ ဖုန်းထုတ်ပြီး ဂိမ်းမဆော့ရဲတော့ဘူး။ သူက စာလုပ်ဟန်သာ ဆောင်နိုင်ခဲ့ပေမဲ့လဲ မမျှော်လင့်ဘဲ သူလဲ နည်းနည်းပါးပါး တိုးတက်လာခဲ့တယ်။

[ ရှေ့သို့ အားမန်အပြည်နဲ့ချီတက်နေတဲ့ ပင်းကော ] : တင်! မဖြစ်နိုင်တာ! ငါတို့သုံးယောက်က အရင်တုန်းက အချင်းချင်း ဘယ်တုန်းကမှ လက်ဆောင်မပေးခဲ့ဖူးဘူး။ အပြန်အလှန် ထမင်းတစ်နပ်လိုက်ကျွေးပြီး ပြီးသွားတာပဲ။ နန်ကော... မင်းမှာ ဘာလို့ စည်းမျဉ်း၊ စည်းကမ်းတွေ ဒီလောက် များရတာလဲ။

[ 3 ] : မင်းနဲ့မဆိုင်ပါဘူး

[ ရှေ့သို့ အားမန်အပြည်နဲ့ချီတက်နေတဲ့ ပင်းကော ] : အိုကေ... ငါ့အမှားပါ

[ Yuan-ge can do it ] : ဂိမ်း Skin တစ်ခု ပေးကြမလား။ Skin အသစ်က အတော်လေး မိုက်တယ်!

[ ရှေ့သို့ အားမန်အပြည်နဲ့ချီတက်နေတဲ့ ပင်းကော ] : ငါလဲ အဲ့တာကောင်းမယ်လို့ ထင်တယ်!