عيون
الحلقه الحاديه عشر
كلهم مستغربين الكلام الا فادي عارف كل شي لان نوري حكاله
منصور : اهااااا توا عرفتك من تكوني و انا نقول ماره عليا بس توا كيف تذكرتك بعد شفت خوك
عيون : قريت معاك فِ تركيا دكتوراه
منصور ضحك : اي والله دكتوره عيون مرحبتين
كلهم انصدمو ، نعيمه : دكتورة شنو ؟
عيون ضحكت : دكتورة نساء وولاده و عندي عياده ، بس من مسكها طول الفتره هذي العياده يا نوري
نوري : تخافيش حاط فيها دكتوره نرجس ماسكتها لك والامور ميه ميه في التمام
فادي بترجي : توا تبي تمشي مع من انتي يا عيون ؟
عيون بحتت فيه : امممم مش عارفهه حنمشي مع ماما نعيمه نلم دبشي ونكمل اليوم مع ماما و فوفو
فادي فرح مش عارفف السبب : تمام هيا معناها نمشو
فاطمه تسمح على راس عيون : و انا حنمشي نوتيلك دارك ونضفها يا عيون ماما لعند بكره ونديرلك كيكة الكراميل اللي تحبيها
عيون عيونها دمعن : يا عمريي يا ماما و اضبطتها
عيون : نوري بكره مر عليا في الصبح نشوفو العيادهه
نوري شير على عيونه : من عيوني رن تلفونه
نوري : ها
جميله : هيا تعال خوذني
نوري : تم و سكر
: هيا يام جميله تبي نروح و ديري بالك على روحك يا عيوني
عيون : حاضر ي عيني بايي
فاطمه باستها على راسها : سلام
كلهم : عليكم السلام
صالحه : حتى نحنا نمشو يا وليدي هيا
منصور عيونه في عيون و في ضحكتها : ها اها هياا هياا
فادي عرف منصور وين مركز و يبحت دمه يغلي قعد : ها عيون البسي وشاحك و اطلعي هيا يام هيا وفاق
منصور : هي تبو شي ؟
فادي : تبقى طيب يا غالي
صالحه : عيوني مش تنسينا عاد مري علينا مره و مره طلعتي دكتوره مع وليدي ماشالله عاد
عيون ضحكن : من عيوني يا اعميمه صالحه حنديرلك يوم نجي نشوفك اكيد
صالحه اضبطتها : مع السلامه يا بنيتي هيا بالسلامه يا جماعه
نعيمه : بالسلامهه ، هيا يا ماما هيا بشويه عدي
عيون ضحكت : لالا تمام خليني معليك فيا جوي تمام
نعيمه : اكيد ؟
فادي ضحك : اكيد يا امي خليها
وفاق : تعالي نمسك فيدك نا تعالي
