عيون
الحلقه السابعه عشر
قعدو يسهرو وغيرو جوهم و عدا نوري عنده شغل خشو فادي و منصور معاهم وقعدو
فاطمه : و شن سبب العزومه السمحه هذي ؟
فادي : احكيلهم يا امي
نعيمه ضحكت : فادي ناوي يطلب يد عيون بالحلال ونحنا حكينا في الموضوع هذا شن رايك يا فاطمه ؟
فادي ضحك : وافقي يا عمتي نرجوا غير في كلمتك
عيون انصدمت : فاديي
وصال ضحكت بالصوتت : مستعجل العريس متتت هههااايي تقول اول مره يخطب
منصور حب يستفز اخته بيش تسكت : ممكن لأن اول مرهه يخطب على حُب فرحته كبيره
فادي ضحك : اي والله حُب
وصال الغيره بتطلع من عينها : جرب انشالله
فاطمه : انا الراي الاول و الاخير لها و تشاورت هي و خوها وموافقين على بركة الله
فادي تنهد و بحت فيها وهي دموعها نزلن مش معروف السبب
منصور ضحك : بيقعد عندنا فرح يعني خلاصص حزن من بعد باتي و خالي !
فادي تنهد : الله يرحمهم والله تمنيتهم معايا في الفرح
منصور : اي والله الله يرحمهم ، في فرح نوره دارو جو من الآخر
عيون صالحه و نعيمه دمعن تأثرن بالموضوع و تذكرن فرح نوره
عيون تذكرت بوها و دموعها طاحن حضنتها وفاق وتمسح في دموعها
فادي يبحت في عيون و خاطره يحضنها و يمسح دموعها وحب يغير الجو : ياهو راهو فتحنا موضوع طلبه ليش البكا
نعيمه ضحكت و مسحت دموعها : خلاص معناها الايام الجايه انجو انلبسوها
فاطمه ضحكت : هي بنيتكم ماعندكمش مشكله امتى ما تجو تجو بس قولولنا عشان ما تقوش بنتنا بشتشوتتها
فادي ضحك بالصوت : ينعلياا وخلاص ناخذوها حتى بسرافتها نحنا
نعيمه ضحكت : العيل معاش يتحشم ينعلي
فادي : معاش فيها حشم يام خلاص بتقعد مراتي
عيون تحشمت و خشت لدارها هي ووفاق القديمه ولحقتها وفاق
وصال : بالك تخفف رومانسيه شوي يا روميو
فادي بحت فيها و غمزلها : بيش تجي للفرح عاد !
وصال ضحكت بحقد : اكيد حنجي اكيد
وقعدو يسهرو
————————————————
د . نرجس : ماشالله بنوتين و صحتهن ميه ميه و ولادتك حتكون طبيعيه و حنعطيك موعد لأن ولادتك قربت خلاص شهر بس
نوره ضحكت و مسكت يد جهاد : الحمدلله
جهاد ضحك : يا روحي الحمدلله
جهاد : مشكوره دكتوره بارك الله فيك
د . نرجس : العفو وفيك بارك الله انتو اللي سامحوني عالموقف اللي حطيتكم فيه
جهاد : لا عادي ولا يهمك دكتوره حطيتينا في موقف خير منه
نوره : مشكوره دكتوره بجد مشكوره
د . نرجس ضحكت : ولو هذا شغلي هيا تعالي نكتبلك موعد الولاي معاش في مراجعات خلاص
——————————————————
روحو لحوشهم كلهم و رقدو على طول في قلوبهم فرحه غريبه
ماعدا وصال اللي كانت في راسها خطه و خاطرها تتعرف على خطيب عيون القديم بأي طريقه بيش تنفذ خطتها .
________________________
الصباحح في العياده عند عيون
فادي : اففف دكتورة قلبي شنجو
عيون ضحكت : بيك احلو
فادي قرصلها خدها : قعدنا نحفظو في الكلام يا طشه
عيون ضحكت: حول ي بارد
فادي : وصيلنا على قهوه يا عيوني و تعالي نبيك في موضوع
عيون شيرت على عيونها : من عيوني هيا
فادي : نجيهن يا ربي عالعوينات
هي ضحكت و عدت توصي على قهوه
______________________________
وصال ضحكت : مشكور بكل
موسى : العفو غير ما تجيبيش سيرتي بالموضوع
وصال : ما تخافش هي سلام و سكرت
موسى : اعوذ بالله منك و رن على اسامه
(لحظه لحظه: عرفتوه موسى ؟ هذا اللي دزه خطيب عيون القديم عشان يدبرله واحد يقتل عيون ؛ هذا اللي قتل الراجل بعد ضرب عيون )
و اسامه خطيب عيون القديم : مرحب
موسى : شن الاخبار
اسامه : الاخبار عندك؟
موسى : هذي البنت وصال خطيبت فادي ال....
اسامه : كنها ؟
موسى : قالت ان خطيبها القديم بيخطب عيون و خذت رقمك مني راهه
اسامه ضحك : و ليش
موسى : قالت تبيك تخرب بينهم
اسامه ضحك : اهاا باهه عادي عنديش مشكله سلام
موسى : سلام و سكر
رن تليفون اسامه : ايوا
وصال : هااييي
اسامه : مرحبتين
وصال : هئحمم اسامه معايا ؟
اسامه : انعم تفضلي و كان مش اسامه نقعد اسامه على خاطرك
وصال ضحكت بالصوت : هههاااييي سلمك يا ربي
اسامه : ينعليا و خلاص
وصال : اليوم نبيك في موضوع ضروري
اسامه : نتلاقوو يعني ؟
وصال : باهه عنديش مشكله ؟
اسامه ضحك : تمم توا نعطيك مكان نتلاقو فيه بكره الصبح اليوم مش فاضي
وصال : اءوكك تمام
اسامه : سلام و سكر
وصال : شكله حقيير و طلعت لأمها بره
__________________________
عيون : شن هو الموضوع يا فادي
فادي : ......
عيون انصدمت : ككيفف ؟؟
فادي ضحك : ....
يتبعع
