عمياء احتلت كياني |مكتملة

الفصل الخامس

سليم مسك ايد مليكة بايده التانيه
مليكة حست ب امان عمرها ما حسته قبل كده
وفي اللحظه دي كان ايهاب بالصدفه جاي عشان يزورهم وشاف سليم ومليكة في العربيه وهو ماسك ايديها وطبعا مش لاقي من مليكة اي مقاومه وده معناه انها متقبله عادي

ايهاب لنفسه:بقي كده طيب يا ست مليكة اما وريتك
وطلع تليفونه وصورهم من غير ما ياخدوا بالهم وبعدين فضل قاعد في العربيه بيراقبهم ومستني يشوف الوضع ده هيوصل ايه

اما عند سليم ومليكة في العربيه
مليكة:انا هنزل بقي عشان محدش يشوفني وتحصل مشاكل
سليم:ماشي لحظه افتحلك الباب
مليكة:لا خليك انت انا عارفه الطريق
سليم:لا ازاي انا وعدتك ان انا هبقي معاكي في اي خطوة بعد كده وهنفذ كل وعودي ليكي في اقرب فرصه
مليكة بهزار:ماشي يا سيدي خلينا ورا الكداب لباب الدار
سليم بزعل كوميدي:بقي انا كداب طب ابقي شوفي مين هينزلك بقي
مليكة بثقه:عادي انا قولتلك اصلا اني عارفه السكه من الاول
وجت تنزل مشيت خطوتين وبعدين اتكعبلت وكانت هتقع بس مكانتش تعرف ان سليم وراها واول ما كانت هتقع لحقها (اه بالمناسبه مليكة كانت بتعتمد ع نفسها بره البيت كويس جدا لكن من ساعه ما سليم دخل حياتها وهو يعتبر بقي عينيها اللي بتشوف بيها وبقت تعتمد عليه في كل حاجه)

سليم وهو بيقلد مليكة:انا قولتلك اني عارفه السكه من الاول
مليكة بضحك:خلاص بقي بطل رخامه
سليم: يعني كداب وكمان رخم يا بنتي هو انتي كده بتصالحيني ولا بتضايقيني اكتر ارحميني
مليكة: خلاص اسفه شكرا ياباشا
سليم وهو بيعدل الجاكت:ايوه كده
مليكة: ماشي ياخويا سلام
سليم:سلام يا قمر
مليكة ضحكت ومشيت وسليم ركب العربيه ومشي

وبعدين ايهاب اتأكد ان سليم مشي وبعدين مشي هو كمان

اما في شركة يوسف الصاوي(والد سليم)
يوسف كان بيتكلم في التليفون ومتعصب وصوته كان عالي جدااا
يوسف بعصبيه:هو في ايه يا سليم هو انا كل ما اقولك محتاجاك في الشغل تقولي انا مركز في الدراسه وبس دلوقتي وسكت عشان يسمع سليم وبعدين رجع وقاله يعني تقدر تقولي لما تتخرج هتشتغل فين غير هنا في الشركة وكمل بعصبيه بص يا سليم انا مش اول مره اكلمك في الموضوع ده بس اعمل حسابك انك وقت ما هتحتاجني جمبك مش هتلاقيني لانك انت اللي اخترت تبعد عن شغلي من الاول وقفل الخط

وبعدين الباب بتاع المكتب خبط
يوسف:ادخل
السكرتيرة:في واحده بره اسمها انسه سميه وعايزة تقابل حضرتك
يوسف:اه طبعا خليها تتفضل
السكرتيرة:تحت امرك يا فندم
وخرجت السكرتيرة وسميه دخلت

يوسف:اهلا يا حبيبتي ازيك
سمية وهي عامله نفسها زعلانه: كويسه الحمدلله يا اونكل انت ازاي حضرتك
يوسف:الحمدلله يا حبيبتي بس مالك زعلانه كده ليه سليم هو اللي مضايقك صح
سمية: هو انا بشوفه ولا بيعبرني اصلا ده حتي لو شافني صدفه ببعمل نفسه مش شايفني انا مش عارفه هو بيعمل معايا كده ليه بس
يوسف:هو كده سليم طول عمره بيحب يضيع كل حاجه حلوه من ايده بس معلش انا هتكلم معاه وهخليه يهتم. بيكي اكتر من كده ما هو ماينفعش تبقوا قربتوا تتخطبوا ويعاملك بالاسلوب ده
سمية بفرحه:ده بجد يا اونكل
يوسف: طبعا بجد يا حبيبتي
سميه:ميرسي جدا يا اونكل بجد طب استأذن انا دلوقتي
يوسف: ماشي يا حبيبتي مع السلامه

اما عند مليكة في البيت
كانت بتخبط ع الباب واول ما مامتها فتحت الباب وشافتها خدتها في حضنها
سميرة بعياط:احمدك واشكرك يارب انتي كويسه يا حبيبتي حد عملك حاجه ها مالك قوليلي بس
مليكة باستغراب:اهدي بس يا ماما في ايه مالك مانا كويسه اهو قدامك
سميرة: الحمدلله يارب الحمدلله انا كنت هموت من القلق عليكي
مليكة: بعد الشر عنك يا ست الكل
سميرة وهي بتسندها:طب تعالي اقعدي تعالي
وبعدين قعدوا هما الاتنين
سميرة:قوليلي يا حبيبتي ايه اللي حصل بقا تليفونك كان مقفول ليه
مليكة:فصل شحن يا ماما عادي متقلقيش
سميرة: الحمدلله انك بخير وباست راسها يلا قومي ارتاحي شويه عقبال ما احضر الغدا
مليكة:ماشي انا هنام شويه عقبال ما بابا يجي عشان نتغدي سوا
سميرة بهزار: ماشي يا بتاعت بابا انتي قومي يلا نامي شويه
مليكة بضحك: ماشي يا ست الكل

في الشركة عند رفعت الألفي
الباب كان بيخبط
رفعت:اتفضل ادخل
السكرتيرة:في واحد برا عاوز يقابل حضرتك
رفعت:مين
السكرتيرة: مش عارفه مقالش اسمه
رفعت:طب دخليه
السكرتيرة:تحت امرك يافندم
وبعدين دخل الشخص ده وهو......

*_يتتتتبع 🕊️🍃_*