လွမ်းပုံပြင် [VOPE] || Short Story

လွမ်းပုံပြင် အပိုင်း(၂)

#Unicode

လွမ်းပုံပြင်...အပိုင်း(၂)

ရာသီအလီလီရွှေ့ပြောင်းလာလိုက်တာ အခုဆိုရက်ပေါင်း1500တိတိ တစ်နည်းအားဖြင့်4နှစ်နှင့်1လတိတိပြည့်ခဲ့ပြီ။

တစ်စတစ်စနှင့်တိုးလာသည့်သံယောဇဉ်ကြိုးတွေသည် ဖြတ်မရအောင်အထပ်ထပ်ရစ်နှောင်ထားမိနေပြီမို့ အကိုဆိုတဲ့လူသားလေးနှင့်အတူ  လက်ကျန်တစ်ဘဝလုံးကို အေးအတူပူအမျှ အတူဖြတ်သန်းချင်မိသည်။

မိုးရွာသည်ဖြစ်စေ နေပူသည်ဖြစ်စေ နှင်းကျသည်ဖြစ်စေ
ကျန်းမာသည်ဖြစ်စေ နာဖျားသည်ဖြစ်စေ ဘယ်လိုအခြေအနေမျိုးမှာမဆို အကိုနှင့်သာအတူတူဆိုရင် လောကကြီးမှာနေထိုင်ရှင်သန်ဖို့ လုံလောက်ပြီလေ။

ညနေတွေ့ရန်အကို့ကိုဖုန်းဆက်ပြီးချိန်းလိုက်သည်။

"အကို ညနေအလုပ်ဆင်းရင် တွေ့ရအောင်"

"ဘယ်မှာတွေ့ချင်တာလဲပြောပါခမျ"

"Gangnamကုန်တိုက်က Suriစားသောက်ဆိုင် ခေါင်မိုးထပ်မှာ
အကိုရောက်ရင်ဖုန်းဆက် ကျွန်တော်လာခေါ်မယ်"

"Okok"

ဖုန်းလေးကျသွားပြီးသည့်နောက် အလုပ်များဆက်လုပ်နေလိုက်သည်။ ညနေအကိုနှင့်တွေ့ရတော့မည်ဆိုသော အသိကလဲ ရင်ခုန်နှုန်းကိုမြင့်တက်စေသေးပြန်သည်။

ဒီနေ့အလုပ်ကိုနေ့တစ်ဝက်ခွင့်ယူပစ်လိုက်သည်။ ညနေအကို့ကို လက်ထပ်ခွင့်ရတောင်းမှာဆိုတော့ အကို့ကိုအမှတ်တရလှလှလေးဖြစ်အောင် ဖန်တီးပေးချင်သေးသည်။

ဆန်းဆန်းပြားပြားတွေ ရှုပ်ရှုပ်ယှက်ယှက်တွေမကြိုက်သည့်အကို့အတွက် ညရှုခင်းကိုမြင်ရသည့်စားသောက်ဆိုင်ထဲရှိ
romanceဆန်ဆန်ညစာလေးက လုံလောက်လောက်ပါသည်။

Classicသံစဉ်ချိုချိုလေးရယ် ဝိုင်တစ်ခွက်ရယ် လေတဖြူးဖြူးတိုက်နေသောလေသာဆောင်ထပ်က ညစာစားပွဲလေးရယ်... အင်း...လက်စွပ်လေးတစ်ကွင်းရယ်

ဒီလောက်ဆိုရင် အကို့ကိုကျွန်တော့်ဘဝထဲဝင်လာခိုင်းဖို့ လုံလောက်ပြီမလား?

ညနေ နေဝင်ရီတရောအချိန်လေးရောက်နေပြီမို့ အကိုမလာခင် ပြင်ဆင်စရာရှိတာများ အမြန်ပြင်ဆင်လိုက်သည်။ လက်ထပ်ခွင့်တောင်းမည်ဖြစ်တာကြောင့် သန့်သန့်ပြန့်ပြန့်လေးဝတ်ဆင်လိုက်သည်။