البارت الاول
.
.لاتنسون التعليق والتصويت 🖤
.
.الكاتبة گـمـر الـ محمد
أوَل ما تبدي تنسى وتوگف ع حيلَك،
راح يرجعلك الماضي...
دائماً جنت احلم بـ بيت صغير وزوج حنون وطفل وحياة مليانه حب
بس نسيت انُ احنه بالعراق مايصير نحلم....
فزيت من الحلم على صوت المنبه المعتاد
الساعه ال٧ صباحاً يوم بارد من ايام الشتاء الباردة
كـالعادة كمت من فراشي الدافي
بنشاط لمحت وجهي بالمراية الي هيه اول شي اشوفة اول مااصحة
واو شنو كل هذا الجمال!!؟
بس ليش بداخل هل نظرة اكو ألم!؟
ليش داخلي اكو ماضي صعب امحي!؟
دائما اسئل نفسي هم راح اكدر اتخطى الماضي!؟
دخلت للحمام سبحت ولبست ملابسي الرسمية للدوام
مثل كل يوم
جففت شعري الطويل الي هو اعز شي عندي جان طولة واصل لحد ركبي...
نزلت من الغرفة الي اترك بيها كل ألامي واسد الباب واطلع منها وكأنو شخص ثاني عن الشخص الي اعيشة بكل ليلة بيها
دائما اكو صديق او شخص مقرب للانسان يكون هو بير اسرارة
الا اني غرفتي هيه بير اسراري وشاهده عل
اوجاعي بكل ليلة من ٥ سنوات.....
طلعت وسديت باب الغرفة بهدوء
ونزلت البيت هدوء كلها نايمة هيج وقت
طلعت متجهه السيارتي السيارة الي جنت احلم بيها طول عمري
ومن صارت ملكي فقدت احساس الفرح بيها مثل هواي اشياء حصلتها بس خسرت مقابيلها
گلب كامل .....
شغلت السيارة وفتحت المسجل عل سورة يوسف اكثر سورة تذكرني بواقعي واقرب سورة الگلبي
اتجهت مثل كل يوم لمكان يبيع قهوة عربية رجال جبير بلعمر كل يوم اجي اشرب قهوتي يمة احس بيها طعم يختلف من تكون من ايد ابو علي
....
ابو علي: هلا هلا ببنيتي صباح الخير
ملاك:صباح الانوار عمو شلونك
ابو علي: الحمدلله بشوفة وجهج الحلو
ابتسمت الة وهو يحظر الي القهوة كل ماشوف هل رجال اذكر بابا الله يرحمه جان مثلة بشوش ويحب الناس ويساعدهم
وابو علي رغم حالته تعبانه بس مايرد شخص محتاجه جنت اساعده بلي اكدر علية لان هو يرفض ياخذ فلوس يكول مدام بعدني بحيلي اشتغل بيدي وادبر حالي اخذت قهوتي واترخصت منه صعدت بسيارتي واني اتجه للشركة مالتي وكوب القهوة بيدي وهنا خلوني اعرفكم عل نفسي....
ملاك :عمري ٢٦ سنه ساكنه بغداد محامية والي سمعتي بمجالي بس بسبب انُ اني اكره المحاماة ودخلت قانون لان جان حلم بابا بس ورا التخرج تركت شغلي كـ محامية ....
وعندي شركة عقار وبناء الحمدلله رب العالمين اخذ مني هواي اشياء وقدملي اضعافهن بابا متوفي وماما الله يطول بعمرها عايشه وعندي أخ واحد واخوات ٣ خواتي مزوجات ولدهم كبار ويدرسون جامعات واخوية مزوج وعنده اطفال ثنين ولد وبنت بعدين تتعرفون عليهم ......
YOU ARE READING
المتمردة {باللهجة العراقية}
Romanceبين الحاظر والماضي !! هل ستتمكن ملاك من تجاوز الصعاب وياترى هل هي ملاك ام شيطان متنكر!؟ وما الاسرار التي ستكشف!!
