هلو هلو بسامير گلبي شلونكم!؟
لاتنسون تصويتكم الحلو وتعاليقكم الي تخبل 🦋💙
.
.
.
.
.
ملاك تگول:
كولوله ضنيتك امل ما ادري صدمه اتصيرلي!!💔
ملاك: ابتعدت عن امي ونصدمت بوجود...
ماما فهميهههه
رحت اركض عليها وواني اسمع ضحكتها الحلووة
حجية فهميه: هلا بريحة هلي
حضنتها وضليت ابوس براسها وبوجها كله روحي من الدنيا امي الثانيه ....
حجية فهميه: ولج يمه كافي ولج راح تموتيني
ملاك: اووفيييششششش شكد مشتاقتلج
كعدت يمها واني لازمه ايدها
اي حجية كوليلي منو دلاج الدرب
شعجب تذكرتي بنتج
حجية فهميه: يا ولج هو اني الاجيج لو انتي الي لازم تجيني
ملاك: حقج عل عيني وراسي بس دشوفين تعب بتعب وحده فوك الخ مالحك اخلص هاي الشغلة تطلع وحده صفح مو تدرين بية وجنت مقررة بس يرجع اسد للبصرة اجيكم ويا
حجية فهميه: والله يابنتي حقج ادري بيج كل مااتصل بااسد يكولي عدها شغل جا شني ولج مايخلص شغلج
ملاك: لا والله حجيه مايخلص هاهيه الحمدلله
حجية فهميه: ولج يمة شصاير بيج يبعد حيلي بس گالي فهد المشيطن مسوية حادث ردت اجيج من اول يوم ومحد جابني بس اليوم دكيت رجلي وكتلة للشيخ لو توديني لو احرك روحي
ملاك: ههههههه يبعد روحي امي انتي اسم الله عل روحج من الحرك فدوة الكلبج لاتخافين مابية شي وهياني صحتي تمام الحمدلله
ضليت كاعده يمهم ونسولف ونضحك نسيت كلشي صار ..
حجية فهميه تصير والدة اسد ساعدتني هوايييي وصارتلي ام ثانيه بوقت الي امي متعرف شي عن بنتها وتخلت عنها...
والشيخ جان اب الي حسبني حالي حال بناته وحبني اكثر منهن هم ...
جنت انقهر من اشوف الغريب حاسبني بنته
واني اهلي مايعرفون عايشة لو ميته
الحمدلله الله عوضني بااهل غيرهم
بس كل هذا الي صار وياي هو سبب قوتي اليوم
ترخصت منهم حته اصعد اسبح احس ريحتي كلها ديتول من المستشفى.....
صعدت الغرفتي شفت كلشي بمكانه ومنظفين كلشي
هاي اكيد عسولة منو غيرها يهتم لعد!
دخلت للحمام ترست البانيو...
ماكدر اغسل راسي لان جان ملفوف والعملية بعدها ...
من لمس المي جسمي حسيت براحة
اويلي مادري العالم شلون تضل ايام ماتسبح
احس توا بدا يمشي الدم بجسمي ...
رجعت ذاكرتي الكلام شهم
اكو فضول بداخلي يريد يعرف شنو سبب كرهه الاسد
بس مستحيل اسئلة الي بيني وبين اسد انتهى
ومستحيل يرجع
YOU ARE READING
المتمردة {باللهجة العراقية}
Romanceبين الحاظر والماضي !! هل ستتمكن ملاك من تجاوز الصعاب وياترى هل هي ملاك ام شيطان متنكر!؟ وما الاسرار التي ستكشف!!
