غربة الياسمين

3

فى منزل ياسمين كانت فى غرفتها ومعاها ماهى ارتدت ياسمين فستانها الابيض كان يصل لقدميها و ارتدت حجابها و وضعت المكياچ المخفف ليظهر ملامحها الطفوليه الجميلة كانت تنتظر ذلك اليوم ك باقى الفتايات ولكن تحول لاسود يوم فى حياتها
ماهى: ياسمين سامعه ده عم ابراهيم جه اهو استعدى هتتحرى يا حبيبتى هتبقى طليقه حره
ياسمين وقد بدا قلبها يدق بشده وكانت خائفه ان يخرب كل شئ ولا تستطيع الهروب
ماهى: يلا هشوف مرات عمك فين ونطلع من الباب الخلفى
ياسمين: تمام
ماهى: مرات عمك بتزعق لعم ابراهيم وناس كلها ملمومه برا دى فرصتنا يلا
اخذت ماهى مسكت ايد ياسمين وخرجت من الباب الخلفى وقالت: ياسمين انا لحد هنا اكونت خلصت انتى عارفه انتى هتروحى فين
احتضنتها ياسمين وقالت: هتوحشينى
ماهى: ونتى كمان يلا اجرى اجرى
............
كانت تركض فى احدى الشوارع المظلمة وصوت انفاسها كانت تتعالى وقلبها كانت تشعر بانه سوف يسقط من مكانه تحاول الهروب وفجاة تساقطت الامطار وتحول فستان زفافها من اللون الابيض للبنى مليئ ب الوحل وتسمع صوت ماهى بتردد فى اذنيها اركضى اركضى

ذهبت الى بيت يمنى اخت امال والتى سوف تساعدها لاكمال طريقها للهروب
يمنى: تعالى ادخلى بسرعه متخافيش احمد جوزى مش هنا ادخلى خدى شاور بسرعه امال بعتتلك هدوم..
دخلت ياسمين لتستحم وغيرت ملابسها وارتدت حجاب اسود ونظاره سودا وكمامه لدارى بها وجهها
يمنى: بصى دى شنطه فيها هدوم جديده اشترتها امال وفى هنا خط جديد عشان ده انا هكسره دلوقتي ودى فلوس عشان هتركبى قطر اسكندريه وهناك هتروحى زى ما مكتوب فى الورقه  وامال دفعتلك اجار الشقه دى لشهرين واجارها مش كتير متخفيش وانتى عليكى انك تغيرى بطاقتك و تلاقى شغل تمام ونا هبعتلك اوبر دلوقتي ياخدك لمحطه القطر..
بكت ياسمين واحتضنت يمنى وقالت: مش عارفه ارد معروفكم ده ازاى بس والله انا اول ما الاقى شغل واستقل هناك هبعتلكم الفلوس
يمنى: عيب عليكى احنا اخوات يلا الاوبر وصل توصلى ب السلامه
ودعت ياسمين يمنى وركبت سياره الاوبر وتوجهت لمحطه القطار لحياتها الجديده فى الاسكندريه
يتبع..
بقلم: Nada Ayman