غربة الياسمين

6

كان عصام يفكر فى ياسمين طوال الوقت ولم تخرج من باله ثانيه..
فتحيه الام: مالك يحبيبي مين واخد بالك
عصام: هاا لا ولا حاجه يا امى بفكر ف الشغل بس
فتحيه: شغل طيب هصدق انه شغل انا رايحه انام تصبح على خير
عصام: ونتى من اهل الخير يا امى
....
بينما كان باسم هو الاخر يفكر فى ياسمين عجبٱ حقا جائت لتخطف قلوب الناس 😂❤
.....
صباح اليوم التالى كانت تهيئ نفسها لتذهب الى العمل ويرن هاتفها
ياسمين: الو اسراء انا جهزه يلا
اسراء: لا بصى انا هروح متاخر شويه هعمل مشوار ضرورى واجى
ياسمين: فى حاجه اجى معاكى طيب
اسراء: لا يحبيبتى مينفعش ده تانى يوم ليكى مينفعش تغيبى
ياسمين: تمام خلى بالك من نفسك سلام
اسراء: سلام
.....
خرجت من منزلها و توجهت الى مكان عملها..
فى المطعم كانت تقف مكان "الكاشير"
وجاء زبون ليطلب طلبه
ياسمين: طلب حضرتك اى
زبون: عايز وجبة كبيره من القمر
ياسمين: افندم
زبون: اى معندكوش هغيره استنى طب هاتى وجبة من جمال عيونك
ياسمين: حضرتك بتستظرف صح اتفضل اخرج
زبون: هو كده يعنى
ياسمين: اه كده
وجاء عصام على خبر من احدا زميلات ياسمين ف المطعم
عصام: فى اى ياسمين اتكلمى
ياسمين: الاخ ده جه يستظرف ويقولى عايز وجبه من القمر ولما قلتله افندم قالى ولا اقولك وجبه من جمال عيونك
عصام اتعصب لان حد دايق ياسمين
عصام: اتفضل اطلع برا
زبون: نعم انت عبيط انا مش ماشى
عصام: نعم يا حبيبي عبيط انت بتقول ل صاحب المكان عبيط
زبون: انت متعرفش انا مين ولا اى
عصام: لا والله معرفش وميشرفنيش اتعرف ب الزبالة
زبون: طب والله لوريكى يا بت انتى مش سيف المصرى اللى يطرد من مكان بسبب حته بت
ياسمين: مستر انا اسفه انى عملت مشكله بس.
عصام بجديه: شوفى شغلك وسابها ومشى
اسراء: اى يا قمر عامله اى
ياسمين: كويسه
اسراء: بصى نا داخله لمستر عصام وجايه تمام
ياسمين فى نفسها: كل شويه عصام عصام لتكون بتحبه البت 😂❤
نكمللل ملناش دعوه احنا👀
ياسمين كانت واقفه مركزه مع الزباين وجه الزبون اللى عليه الدور
ياسمين من غير ما تبص ليه: طلب حضرتك ايه
باسم: وجبه همبرجر لو سمحتي
ياسمين: الصوت ده مش غريب عليا وبصت ولاقته باسم
ياسمين ب ابتسامه: هو انت؟
باسم: لا لا اخويا التوأم
ياسمين: اه اسفه
باسم: بهزر انتى صدقتى دى كانت خربت لو فى منى اتنين
ياسمين وهى بتضحك: لي بتقول كده
باسم: امم معرفش بس كله بيقول كده
باسم: هتروحى لوحدك برضو انهارده
ياسمين: مش عارفه
باسم: تمام هاتى الاكل بقا حرام عليكي
ياسمين: اه اه معلش ثوانى اتفضل وطلبك هيجى
باسم: تمام يقمر و غمزلها
طبعاً كل ده بيحصل وعصام بيولع عايز يمسك ياسمين و باسم يولع فيهم بس عشان الزباين متخدش بالهم
خلصت ياسمين ورديه شغلها وكانت مروحه
عصام: ياسمين عايزك
ياسمين: استر يا رب
ياسمين: نعم يا مستر
عصام بعصبيه: اى اللى انا شفته ده
ياسمين: شفت اى
عصام: مين الى كنتى بتهزرى معاه ده وهاتك يا ضحك ويغمزلك كماان
ياسمين: ده واحد امبارح اساعدنى
عصام: ساعدك ازاى يعنى
ياسمين: كان فى شابين طلعولى فجاء وهو ساعدنى
عصام: اممم تقدرى تروحى والموقف ده ميحصلش تانى
ياسمين: حاضر
عصام ضرب ايه على المكتب حبتها امتى يا عصام ده لسه جايه امبارح حبتها ليه
***********
فى منزل عم ياسمين
.....
محمد: الو  عمر عايزك فى خدمه
عمر: تحت امرك
محمد: فى  بنت اخويا ياسمين هربت قبل ما تمضى على التنازل هبعتلك صورتها ونت عارف هتعمل اى وليك مكافئه بس تجبهالى الاول
عمر: تمام مستنى الصوره واعتبره حصل
محمد: سلام
بهيه: هتعمل اى يا حج
محمد: اصبرى يا بهيه وهتعرفى اصبرى
....
يتبع..
بقلم: Nada Ayman