مليكه : ها هبدأ بايه ، يعني هكتب منين ؟
المرأة : انا هحكيلك القصة من الاول و انتي شوفي عايزة تكتبيها ازاي
مليكه : ماشي
المرأة : بصي بقا .......
1978....
كانت صفاء تجلس امام فتحية (حماتها) التي كانت تتحدث بغضب...
فتحية : لأ بصي بقا ياختي انتي لو ولدتي الي في بطنك ده انا مش هساعدك فيه و اربي ، ده هيبقى رقم اربعه و انتي بتشتغلي و اخر عيل عندك مصطفى عنده 4 سنين
صفاء : خلاص يا حماتي انا هنزله
قالت جملتها و ذهبت لمنزلها و بعد قليل لحقها محمد سريعا و طرق الباب و بعد قليل فتحت ليقول .....
محمد : انتي فعلا قلتي لامي انك هتنزلي الي في بطنك
صفاء : ايوه
محمد : لا لا انا قلبي حاسس انها بنت ، دي هتبقى اختنا دي
صفاء : محدش يعرف هو ولد ولا بنت
محمد : لا انا قلبي بيقولي بنت
صفاء : محدش عايزه يا محمد
محمد : انا عايزها انا عايزها
صفاء : و مين هيقعد بيه انا مش هسيب شغلي
محمد : انا هقعد بيها و اخلي بالي منها
صفاء : ماشي يا محمد
محمد : ماشي يا صفاء ، بس لما اخويا يرجع قوليله اني عايزه
صفاء : حاضر
ليذهب محمد بعد ذلك ، و بعد قليل جاء جابر ....
صفاء : جابر
جابر : عايزة ايه يا صفاء
صفاء : اخوك كان عايزك
جابر : ليه
صفاء : معرفش
جابر : تمام هروحله
صفاء : انا مش هنزل الي في بطني
جابر : تمام
صفاء : هو انا مش قولتلك هنزله و قولتلي تمام دلوقتي بقولك مش هنزله بتقولي تمام برضو
جابر و نهض : علشان مش فارقة ، انا هروح لمحمد على القهوة
صفاء : ماشي و انا هروح لأمي
لينزل جابر و يذهب للقاء محمد على القهوة و بعد قليل وصل وجلس على الكرسي المقابل له ....
محمد : سلام عليكم
جابر : و عليكم السلام ، صفاء بتقولي انك عايزني
محمد : متنزلش الي في بطنها دي هتبقى اول بنت في العيلة
جابر بسخرية : و انت ضامن منين كده انها هتكون بنت
محمد: انا حاسس انها هتكون بنت
YOU ARE READING
على الهامش
Randomكانت دائما مهمشة لاحد يراها و اخيرا هي من دفعت ثمن اخطاء الجميع ، و من وجهة نظر الجميع هي لم تظلم ابدا ......
