كانت مليكة في المطبخ تحضر الشاي بالقرنفل لتدلف المرأة .....
المرأة : هي رشوتك مش هتتغير على فكرة اخدت الشاي بتاعي و حصليني علشان اكملك
لتبتسم مليكه و تذهب ورائها مسرعة ....
مليكه و جلست : يلا احكي
المرأة : مستعده لاحداث انهارده
مليكه : مشتاقة .....
المرأة : سفر صفاء كان بيبقى على بداية العام الدراسي و دي كانت اول سنه دراسية لاوجاع ....
1985
سبتمبر .....
محمد : ها يا جابر جهزت العيال للمدارس انا عارف ان الموضوع صعب في غياب صفاء بس مع بعض كله هيهون
جابر : اه حضرتهم ، بس مستني امك تجيب مريلة اوجاع من عند التارزي الي جمبها ... يااااه انا نسيت اجبلها شنطه
محمد : انا هاخدها تقضي معايا خميس و جمعه و هجبها الجمعه بليل و اجبلها المريلة
جابر : مراتك لسه والده و ممكن تزهق
محمد : الي يزهق يزهق دي اختي يا جابر و هقولهالك مليون مره اوجاع اختنا مش بنت اخويا
ليأخذ اوجاع من يدها و يتجه الى منزله ....
فادية (زوجة محمد) : اهلا اهلا يا اوجاع ، عاملة ايه ؟
ثم دلفت لغرفتها و ندهت محمد ....
فادية : ممكن تقولي مين الي هيهتم بيها اليومين دول و لسه عايزة تستحمى مش شايف شعرها عامل ازاي
محمد بغضب : انا هعملها كل حاجة طالما خلاص الرحمة اتنزعت من القلوب دي في حكم اليتيمة
فادية : انت نسيت اليتيمه دي عملت ايه ، مش دي الي صرخت و انا واقفة على الغسالة بتاعت امها علشان اغسلهم غسيلهم و قالت محدش يقف مكان ماما
محمد : طفلة محرومه من امها ، عايزة تحاسبي طفلة
فادية : بقولك ايه اهي عندك بس متطلبش مني اعملها حاجة بنت اخوك و انت حر معاها
محمد : دي اختي مش بنت اخويا و انا كفيل بيها
ليخرج لاوجاع بالخارج ....
محمد : شوفتي يا اوجاع انا جبتلك المريلة و هغسلها و هنشرها و هكويها
اوجاع : لا يا عمي بلاش تكويها
محمد : لااااا ازاي يصح الدكتورة اوجاع تروح بيها مكسرة ، يلا علشان تتغدي و ادخل اسحمك و اسرحلك شعرك
لتنظر اوجاع الى زوجة عمها و يدرك محمد معنى نظاراتها ....
محمد : ايوه انا الي هسحمك انا عمك و ابوكي و اخوكي هتتكسفي مني
ليأخذ بيدها و يطعمها و يدلف بها للمرحاض لتخجل اوجاع و تنظر في الارض و تمتلئ عيونها بالدموع ....
ESTÁS LEYENDO
على الهامش
De Todoكانت دائما مهمشة لاحد يراها و اخيرا هي من دفعت ثمن اخطاء الجميع ، و من وجهة نظر الجميع هي لم تظلم ابدا ......