ياسعود صد وبعد ومدري علامه اثر بنت عمه صارت حلاله

2

فالبدايه.......
كان سعود يروح كل صبح لبيت هادي يفطر عنده (كان عمر هادي ١٠ وعمر سعود ١٢ سنه) وجاء سعود يوم من الايام وتصادف هو و سارة(عمر ساره ٩سنين) في بيت هادي و لعبوا مع بعض
ابو هادي:تعالي يا ساره ابوتس يناديتس
ابو سارة:من اللي تلعبين معه؟
سارة: لعبت مع هادي وسعود
ابو ساره:منهو سعود وليش تلعبين معه
سارة:يابوي هذا صديق هادي ساكن في الحي اللي قدام حيّنا
ابو ساره:تعرفين اسم ابوه؟
سارة: ايه اعرفه يا يبة ليش؟
ابو سارة: عطيني اسمه
سارة: ظني ان اسمه سعد
ابو سارة: ايه عرفته ذي الايام صاير يصلي معنا في مسجدنا اثر ذا ولده
سارة: ليش هم بيسكنون في حيّنا؟
ابو سارة: والله مدري يابنيتي بسأله فالمسجد

[اذن الظهر وراح ابو ساره وابو هادي للمسجد وبعد ما صلوا وخلصوا سلم حسين(ابو سارة) على سعد]
حسين: انت ابو سعود اللي جاي يفطر عند عبدالله(ابو
هادي)

سعد:الله الله انا ابوه ليش وش العلم؟
حسين:مابه علم لكن غريبة صاير اشوفك في حيّنا واجد بتشدون من بيتكم؟
سعد(بمزح): لا منب شادين وان كانا بنّشد بنبعد من حيكم
حسين:افاا
سعد:امزح معك الا نبي القرب يابو ساره

[وبعدها باسبوع]

سعود:هادي من البنت اللي كانت تلعب معنا ذاك اليوم؟
هادي: ساره بنت عمي
سعود:عندها اخوان؟
هادي:لا هي وحيدة امها وابوها ماعندها خوات ولا اخوان
سعود: طيب وش رايك نناديها تلعب معنا؟
هادي: يلا

[راحوا هادي وسعود لبيت سارة]
هادي(بصوت عالي): ساره تعالي
(جتهم ساره)
سارة: وش تبي
هادي:انا وسعود نبيتس تلعبين معنا
سارة: طيب بجي بس احتروني

(وبعد ماطلعت ولعبوا سعود حس ان مشاعره بدت تتجه لـ ساره ، ومع كل سنه يزيد حب سعود ل ساره وتفكيره فيها)

[بعد مرور ١١ سنوات ، صار عمر سعود(٢٣) وعمر ساره (١٨) وعمر هادي (٢١)] .......