"بَنات ألسَيف"

ألسَـــيف"13"

"بَنات ألسَيف"
البارت 13

وحَگ من طش خبر حُبنة...و شاعة
احبك صدِگ مو كلمة ......و اشاعة
أخذ سونار لگليبي .........و أشاعة
اذا غيرك لگيت اعتب علية🤎.
------------------------------

"مجرد حطيت راسي ع المخدة انهالت علية الافكار،اووووف والله مو بس المرض يكتل حتى التفكير،من كثر مافكرت راسي كام يوجعني كمت طلعت بالحديقة الهوة بارد وحلو".

"صفنت وفكرت،قاتل اهلي شلون راح اعرفة منين اجيب عنة معلومات،وراها لكيت فكرة لو تصيب لو تخيب،بس لازم اشوف واحد من ولد الشيخ".

"لان ماعندي رقم احد منهم،زين اذا لكيتة شسوي بي،مستحيل اقتلة،لعد شسوي بي؟اوووف يايمة وين چنة ووين صرنة،شراح يصير بينة،وشلون راح نعيش".

"ضليت كاعدة مااجاني النوم،اذن الفجر كمت صليت وقريت قران،طلعت بالحديقة فتحت الماطور وشكلت الصوندة غسلت الطرمة وسگيت الحديقة".

"الريحة صارت روعة،رحت خدرت الجاي،دمعت عيني اتذكرت امي من جانت تصيح علينة من الصبح علمود نكعد،وننزل نلكة ريحة الجاي تخبل،استغفرت ربي ومسحت دموعي،صبيت الجاي وطلعت الاجبان،تريكت وبديت انضف البيت بـ8 كعدت انين".

انين..."صباح الخير موجة".

موج..."هلا يابة صباح النور،روحي اتريكي لان الجاي حار".

انين..."هاي شنو؟شوكت كعدتي".

"جريت حسرة وكلتلها...".
موج..."ليش هو اني نمت حتى اكعد يلة روحي اتريكي".

انين..."ماشي".

"رحت فتت للغرفة لكيت فضاء بعدها نايمة،والله ماشايلة هم احد بس هي ع الاقل انين تكدر اتدافع عن نفسها اذا صار وياها شي،الا فضاء فاهية،بس لسانها علينة تمدة مترتين".

"طلعت كملت التنظيف،كعدت فضاء صبيتلها الريوك وبديت اسوي الغدة بالـ9 دك الباب،لبست حجابي وطلعت فتحت الباب طلع حسوني".

موج..."هلا بحسوني".

حسين..."هلا موجة شلونج".

موج..."الحمدالله زينة تعال فوت اتريك وية فضاء".

حسين..."لا يمعودة اذا اتريك وية فضاء اتسويلي الريوك سم وزقنبوت".

موج..."ههههه والله عليك سوالف".

فضاء..."هلا بحسنكة شلونك".

حسين..."هاج شوفي هو هذا هم اسم،ولج بابة اسمي حسييييين".

فضاء..."بكيفي لعد بس انتَ تصيحلي زحل".

حسين..."غير انتي اسمج فضاء،والفضاء بي كواكب وزحل يشبهج".

فضاء..."والفضاء بي گُمر".

حسين..."دكعدي راحة عيني هسة يسمعج الگمر وينفجر".