"بَنات ألسَيف"

ألسَـــيف"20"

"بَنات السَيف".
البارت 20

برداً وسلاماً ع العراق والرحمة والخلود لشهدائنة 🇮🇶💔.

مُوطني..مَا الذي بقى لي؟
جَلالَك أم جمالك..أم دمي؟
حياتك أم نجاتك أم مقتلي؟
هَناؤُك أم رجاؤكَ أم..تعبي؟
أنا لَا أراكَ سالمًا مُنعمًا..فَكيف لي أن أعيش؟.
------------------------------

"وصلت للبيت وانصدمت من شكلة لكيتة صاير يخبل عبالك مو بيت عمي،رحت بسرعة للباب وكعدت ادك بالباب والجرس بنفس الوقت،انفتح الباب وطلعت بنية اول مرة اشوفها".

نادين..."خير منو انتِ؟".

موج..."انتِ منو؟".

نادين..."اني اشتغل بهذا البيت".

"ضليت صافنة،هلاو جايب خدامة المرتة الجايفة منيلة فلوس هذا؟ طلعت وئام متروسة ذهب وتحجي معلگ".

وئام..."اتخصرت...خير شعندج هنا".

موج..."وين اكو خير وانتو عايشين،ابنج المخنث وينة؟".

وئام..."احترمي نفسج ابني شيخ الشباب وبعدين شتريدين منة".

موج..."هسة اشوفج شنو اريد منة".

"رحت تقدمت عليها دفعتها وفتت للبيت ادور عليه".
موج..."وينك زربان اطلع والله اليوم الا اشرب من دمك الخايس ياحقير".

"رحت فتت للديوانية لكيتة مدد ووجها صاير خريطة والله عاشت ايدة اليامن مكسرة تكسر،اتقدمت وضربتة بين رجليه صار يتلوة".

موج..."لزمتة من ياختة...من اجيت اخر مرة مو حذرتك متوصل للبيت بعد؟ كلت لو لاااااا جاي اتطلع مراجلك على اختي تتحارش بيها ولك،هاي عرضك ياحقير شلون تتجرأ تسوي بيها هيج هاااااا؟".

"صرت اضربة برجلي وهو ولا قاوم لان جان منتهي،واني فقدت صرت اطلع حركتي بي،ماحسيت الا اتجتفت ايدي وانحضنت من ورة التفتت طلع شهم".
موج..."وخر وخر مو كلتلك لتلحكنييي،عوفني خل اربي هذا المخنث،والله لو ما شهم لازمني الا احرك شواربك شعرة شعرة ياعار".

شهم..."اثبتي ولج راح ادفنج هنا والله".

موج..."وخر انتَ لا خلفت عليك محد طلب منك تجي تلزمني وخررر".
"وخرت من عندة وباوعت على صفوان ورفعت اصبعي بتهديد".

موج..."اريد من الله اشوفك تجي للبيت وابو فاضل العباس اذا مااندمك فلا اطلع بنت ابويه".

"عفتة وطلعت من البيت وامة جانت ترجف رادت تحجي بس خزرتها سكتت،طلعت بالحديقة وجان انجر من ايدي".
شهم..."ماجذبت من كلت لبوة،غير الا شوية جان انضربت كلة وانعميت".

موج..."خوش لعد خليك بعيد لا صدك تحصلك كلة".

"ضحك،واني عفتة ورجعت للبيت لكيتهم كلهم هناك وفضاء تبجي رحت حضنتها وكعدت اهدي بيها".
يامن..."شصار وين رحتو؟".