رفقـًـا

البارت السادس

جاي ننظف وعمتي تطبخ ماحس الا حمويني كلهم دخلو ووجوهم مدخنه كلنا وگفنا عن الشغل
صاح حماي الجبير حكيم :

رحااااااب ..

بصوت عالي رج البيت رج
وضلو يصيحون ..
وهي نزلت ترجف هم گبل هجموعليها بدون فهم
وابوها ضل يضرب بيها لحد ماگالت بس

ضلينا نرجف من الموقف ضلو يصيحون بحيث انطرشت ذاني ضليت اباوع لاياد عيونه بگصته وواگف يسحب النفس بقوه
ماشارك بكتلها شويه واجه امجد!!! 
للبيت ضل يصيح وصياحهم وحكيم شال سلاح ووجه علي

_ انه ماريدها هاي بنتكم يمكم

_ لك .... .... ،......
احجي منووو ساعدك تدخل بيتنا وتندسسسه منووووو؟

_ معليك ..
لاااا تضرب بدون ماتفهم

_تحچي لاافرغ الطلق كله بحلگك

_ اختي
اي اختي اختي امينه

: ضليت اباوع لاخوي ولحكيم
الي طگت عيونه من گد العصبيه
وصاحو بيه بصوت عالي بحيث ذاني ماسمعت بيها بعد.. غير اسمي
وعمي راد يجرني ..

جرني منه اياد وصرت وره اياد وماگدرو يلمسوني
العيون عليه وانه عيوني على اخوي الي ماعرفت منين عرفني! ويعرف اسمي!

_ اذبحها واذبحك وياها .... ،......،.....

_ چنه نطلع بمساعده اختي هي جانت تطلعها وحبيتها وخذيتها للشقه وهي قبلت بسرعه بنتكم هي الي غرتني بملابسها وهي الچانت ناويه هلنيه مالي علاقه هي بنتكم ... مامربيها عدل..

: هو حجه هيج ماحسيت غير الطلقه بنص گلبه شهگت وهمزين ماوگف گلبي ..
ضليت اباوع لاخوي الي انمطل بالگاع
ضليت  مصدومه ماعرف شسوي روحي فرفحت ..

ووراه رحاب ترافس برجلينها
وهم يكتلون بيها ماحجت نفس حجيه وضلت تچذب لحد ماطلعو روحها يلا حجت الحقيقه وهم چذبت وگالت انه اطلعها لاخوي
ماحسيت غير الطلقه الثانيه براسها ...
مالحگت روحي تفرفح

ووجوهو المسدس عليه .. ومحسن اخو اياد ضل يصيح بكل علو صوته بوجهي وحكيم يصيح انطرشت ذاني وماسمعت شحچو من گد ما الصوت عالي ..

ضليت منهاره ماعرف شسوي وره ظهر اياد الي يتلاوه وياهم علمود لايسحبوني منه ويكتلوني

الشعور بوكتها ماعرفت شلون اوصفه عباره عن دم وشخصين ينكتلون كبالك والمسدس متوجه عليك وگبال زوجك..

اخذني وركض بيه للغرفه وقفلها عليه
وبناته يبجن يمي ماانبهتلهم
وضليت اتذكر شلون انرفع المسدس بوجهي وشلون انقتلو گبال عيني..
وابجي بكل علو صوتي شراح يسوولي
راح يكتلوني وياهم؟
اسمع صريخ بناتي وصريخ البنات وامهم شلون يبجن ويدعن عليه!
انه شنو دخلني؟ شعليه؟
اخوي ماعرفه ولاشايفته اصلاً!
ابو ضل يضرب بالباب اخير شي كسر الباب عليه ودخل واياد ماگدره