رفقـًـا

البارت الثامن

ووره شهرين حدد عرسه وحضرنه لعرسه ورحنه وجانو احلى سمنانه مرته وهو سمنان
ضليت كل مراسم العرس اباوع وميته قهر

واتذكر حجي جمان انو هذا لعب مو حب هيج بس تگضية وقت مو حب صدك

وصارت الزفه امي راحت لبيت خالتي واحنه رجعنه للبيت لان مراجعه عدنا ولازم ندرس انه دخلت للغرفه وطگيت بچي

واسيل اجت حضنتني اول مره تسويها
ضلت تربت على ضهري وضلت تحجي خلتني اسكت وراحت تحمي العشه الجبناه وجابته وكلينه وفتحت الكتب حتى نقره وضلت مره ترزل بيه ومره تضحك

_ درسي وراج وزاري وصعب تطلعين من الثالث تره لاعبالج طلعتي من السادس

: اي ادري

_ عبالي متدرين

: ضليت مركزه بالدراسه

ورحت للفراش وبجيت شويه وسمعت صوت امي وصاحتلنه انه واسيل راحت اسيل
وضلت كلساع صايحتلي
مسحت دموعي ورحلتها..
باوعتلي وكالت

_ شنو چنتي تبچين؟

: لا بس جنت نايمه

_ لا جنتي تبجين عليمن؟ عالدراسه؟

: ماما مابچيت والله

_ بلا تعاي اتدني خلي اشوف

: اتدنيت وماصدگتني ماباجيه هي بس چذبتني ضليت ابچي هي فتحت عيونها مستغربه

_ شبيج ولج منو وياججج؟

: ضليت ابجي وحضنتها وهي حضنتني وساكته
سكتت وضليت كاعده يمها ومنزله راسي وساكته

_ احجي شكو شعندج ليش تبجين ؟

: ضليت ساكته ضلت تحجي وانه ساكته
جرت شعري وحطت راسي على فخذها وكلتلي

_ احجي لااشلع شعرج

_ ماما مابيها شي والله بس شويه تعبانه

_ لابيها شي

: ضليت ابجي وماسكتت هي كبل لطمت على افخاذها

_ ولج احجي احجييي لاتخبليني صايرلج شيي احد حاجي وياج ؟ مسويلج شي؟

: حجيت وانه خايفه من لطمها الشي الابجي علي مايستاهل هلطمه
حچيت بسرعه ...لا .

_ چااا شصااااير طيحتي گلبي
راح يرتفع ضغطي من وراج .

_ ماما ليش تكبرون الموضوع كل مافي الموضوع دره تحب جهاد .

_ ياااااا شتحب منه صدك تحچن رجال اتزوچ ياا يااا عبالي شي اكبر امداجن

: طكتني على راسي وضلت تباوعلي وره دقايق ضلت تحجي..

_ مو حب هذا حبيبتي دره مو حب هذا تگضية وكت مو حب هسه تكبرين ويمكن تحبين بالكليه او تحبين بحياتج راح تشوفين الحب على اصوله مو هذا الحب اصلاً بعد سنه او سنتين راح تضحكين على روحج هسه