I'd Be A Fool Not To Love You (published)

Chapter 5

CHAPTER 5

DIA

SUCCESSFUL ang group activity na prenesinta namin sa marketing subject kahapon. Siyempre si Niko ang leader kaya nabuhat kaming mga kagrupo niya. Ang taas din ng grade na binigay ng Prof!

Bukas na ang engagement party namin ni Niko. Sa susunod na linggo naman ang next session ng chemotherapy ni Mama. Nakatulala ako ngayon sa blackboard dahil nakasulat na ang schedule ng school festival at exam para sa semester na ito. Mababaliw na ako! Nakaka-stress! I feel like dying.

Malapit na rin pala akong maging college student. Hindi pa rin ako sure sa kurso na kukunin ko. Hindi ako makapag desisyon kung accountancy ba o tourism. Gusto ni Mama na kumuha ako ng tourism dahil bagay daw sa akin ang kurso na 'yon at saka accountant na si Ate.

Abala si Niko sa mga gawain niya sa school kaya hindi kami nagsasabay na umuwi. Hinahatid lang ako ng driver at butler niya sa bahay. May mga seminar at meetings siyang pinupuntahan. I guess I will marry a very busy man. Kailangan ko ng mahabang pasensya.

Hindi kami masyadong nag-uusap. Kapag magkasama kami sa library ay hindi rin kami masyadong nag uusap kasi nagbabasa siya ng libro. Ayaw ko namang maistorbo siya. Wala naman akong importanteng sasabihin. Pasulyap sulyap lang din kami sa isa''t isa kapag nagkakasalubong kami or nasa klase. Wala din kaming contact number. Hindi pa rin kami friends sa facebook.

Hindi naman na siguro kailangan iyon?

"Okay, class see you on Thursday. Don't forget to review your notes," sabi ng professor sa harap.

Lumabas ako sa room para lumipat sa kabilang building para sa susunod kong subject. Habang nasa corridor, nasalubong ko si Niko. Kakagaling niya lang sa vending machine na tabi ng cafeteria. Siguro papunta na rin siya sa susunod niyang subject.

Syempre hindi ko siya pinansin. Straight ang lakad ko at nakayuko lang ako. He's everywhere. Kahit saan ako magpunta nakikita ko siya. Naglakad siya sa opposite direction ko at nilapit ang kamay niya sa kamay ko. Binigyan niya ako ng banana milk. What? Napatingin ako sa banana milk na nasa palad ko at nilingon siya.

What the hell? I think he's not that bad.

Lutang tuloy ako no'ng pumasok ako sa classroom namin. Kaklase ko si Kelsie at Lara sa subject na ito. Naabutan ko silang nag-uusap at tumatawa. Nilapag ko na ang bag ko sa upuan at umupo na. Wala pa ang professor namin.

"Kilig na kilig talaga ako sa kaniya. Pumunta nga ako sa bahay nila, eh. Buti na lang wala doon 'yong parents niya." Hagikhik ni Kelsie habang nagku-kwento tungkol na naman sa boyfriend niya.

Boyfriend niya ang bumkambibig niya tuwing magkasama kami. Naririndi na ako sa kwento niyang paulit ulit. She won't shut up. Masyado siyang proud sa kanyang boyfriend. Sobra naman na yata. Hindi ako bitter, ah.

"Oh, tapos? Anong ginawa niyo?" Atat na tanong ni Lara.

"Ano pa nga ba? Ang wild niya nga, eh. Nanood muna kami ng netflix tapos 'yon na nga,"

What the heck? Sa tingin ko hindi na 'yan kailangang ikwento. Does she know the word 'privacy'? I shook my head out of disbelief. She's so vulgar.

Binutas ko na 'yong banana milk na binigay ni Niko at saka ko ininom. It's surprisingly sweet. Lasang saging na may evaporated milk. Ganito ba ang gusto niyang inumin? Sa tingin ko ay mahilig siya sa kape.

Nakinig pa ako sa pinag-uusapan ng dalawa kong kaibigan.

"Tapos? Gumamit ba siya ng protection? Malaki ba?" tanong ni Lara. Isa rin ito na game na game sa mga ganyan na usapan.