• رواية: الحارث♡
____________________مرات احس روحي انطفت
من تشتعل حنيّتي
و اشتاك و دموعي مُطر
و مناشغ و دخان تارس ريتي
احاول اضحك ويا الناس
بس دموعي تفضحني
بشر متعوب من دنياي
صغير و كاشخ بحِزني
شنو ذنبي !
غريب و ديرتي احساسي
و شنو ذنبي !
انخلقت لناس مو ناسي
____________________
كعدت بثمانيه بليل وجان رواد نايم على ايدي وخرته وكمت احس ايدي متشنجه ، بدلت وطلعت
اول موصلت المركز رحت مباشرة لغرفه مهيمن جان واكف يباوع من الشباك ويحجي عالتلفون
رمشت بهدوء لمن سمعته يكول: لا ماكدر احاجيج بليل عندي مهمة كلش خطيره ويجوز اموت اريدج تدعيلي، سكت شويه
رفعت حاجبي وابتسمت تك خد : شسويلج يعني اضل حاط التلفون واحجي وياج ....... اكلج ذولة المطاية كلشي ميدبرون بدوني..... اي شعبالج لعد اغسلهم غسل كل رزالة يحصلوهة مني تسوة عمرهم
كلت بهدوء مبتسم : عمت عين البامية شكد تنفخ، ندار بسرعة متفاجئ
- لا حبيبي هاذه واحد ارعن عود ماخذ ميانه ويايه هسه اعلمه شلون يحاجي تاج راسه
هزيت راسي وكمت وكفت وبس طلعت سلاحي صاح :اي ايي روحي هسة بعدين احاجيج
سد التلفون ورفع ايده: هيووو على بختك نزله شبيك
- تاج راسي؟
- لا يابووو انته تاج راسي ضلعي الغالي اقشمرهة شبيك
سحبت اقسام وهوة كمز ورا الكرسي ختل وعاط: لحكوليييي
- خزيتنه العارر صوتكك، امشي دنطلع يمهم
-ماروح امشي اطلع يلا
رفعت حاجبي: مو احنه مطاية منكدر بدونك
رفع نفسه شوية شافني منزل السلاح وكام وكف وعدل ياخته : الحكني
مشه كدامي نافخ صدره ذبيت نفس ومشيت ورا وقبل ميوصل للباب وكف وندار عليه : صدكك اكلك
- رح اشك حلكك
- لك دسمععع
- شكوو
- ماكو هاذه كرارر الي تدور عليي
- اي
- سألنه اهلة ميدرون بي من سالفة المشروع ودورنة علي كومه اختفهه نشكت الكاع بي
- طي**
- شحتسوي
- شسوي مثلا ماكو اني ادور علي
YOU ARE READING
الحارث
General Fictionرَجُلٌ يَشبَهُ الظِلْ يَرتَدي الأسود يُدَخنُ السَجائر بَعيدٌ وقَريبٌ بالآن نفسه يَستَمعُ للشِعر يَكتِبُ النُصوص يُمزقُها يُهدي الأُغنيات وحيدٌ و يُحِبُها..